كلمات فرعونية فى حياتنا اليومية




مم : وهي في الاصل (موم) ومعناها كل او تناول طعامك

امبو : هي في الاصل (امبمو) بمعني اشرب

واوا : معناها ألم او وجع

كخ : قذارة

تاتا : معناها امشي

بخ : كلمة فرعونية (بيخ) ومعناها عفريت

بعبع : وهو جان كان يستعمله القدماء فى أعمال السحر أسمه بوبو

مين : تعنى شخص مجهول

سخام : تعنى النجاسة

هبأ : تعنى قام او نهض

بس : كانت تطلق على القطة فى اللغة الهيروغليفية

حاتى "تطلق على الكبابجى " : منشقة من كلمة " حات " تعنى اللحمة فى الهيروغليفية

حتتك بتتك "يشار بها الى شخص جائع جدا ": منقسمة الى "حات" تعنى اللحمة و " بات" تعنى العظم

البيصارة: اصلها الفرعوني (بيصورو) ومعناه الفول المطبوخ

باش : كلمة فرعونية ومعناها لان او طري

ديه اشياء (ياما) : كلمة ياما هي كلمة (اما) ومعناها الكثير

والجو (صهد) : كلمة فرعونية ومعناها لهيب

(ها) عايز ايه؟ : كلمة ها ده اصلا فرعونية (اها) ومعناها نعم

زي : بمعنى مثل

بـص : بمعنى انظر

شـب : بمعنى قـم أو انهض

أر : بمعنى حسد

مش : بمعنى لا للنفي

زن : بمعنى طنين او تكرار الكلام عدة مرات

ونقول على الاسنان السيئ (سو) : بمعنى سيئ أو سوء أو شؤم

دش : بمعنى الثرثرة أو كسر الأشياء
مهياص : وهي مكونة من لفظين: مه بمعني يملأ ويص بمعني التسرع والشطط

جاك (اوا) : كلمة( اوا) و معناها الويل والحسرة

رخي رخي : وهي الكلمة (رخ) فرعونية ومعناها ينزل

جاي: بمعني إلحقوني

كاني وماني: أي السمن والعسل

دكان الزلباني : فهو صانع الفطير

مقولة أخويا هايص وأنا لايص : (الليص) هو الطين

المدمس:هي (متمس) اي المدفون

هناك ايضا بعض المدن المصرية التى لا تزال تحمل اسماء فرعونية فى الاصل 

 دمنهور (دمي) اي مدينة ( هور) اي الاله حور فتكون مدينة الاله حور

و مثل المدن التى تبدأ بكلمة " ميت " مثل ميت غمرة : و كلمة " ميت " تعنى الطريق 

و التى تبدأ ايضا بكلمة " مينا " مثل مينا القمح : وكلمة " منيا " تعنى المحطة 


المصدر 
موسوعة الدكتور" أسامة السعداوي"

تعليقات

‏قال gogo!sf
رائع جدا جدا البوست
برغم ان فى كلمات كثيرة جداً بنكررها فى الوقت الحالى ولكن لا اعلم انها من اصل اجدادنا الفراعنه

الفكرة عجبانى جدا جدا
انا من شهر نزلت برنامج لفك رموز الهيروغليفيه وكان نفسى اوى اتعلم اللغه الفرعونيه وان شاء الله هحاول

البرنامج رائع ولكن محتاج تركيز جامد جدا ومخمخه فى الروقان

تسلمى على المعلومات الجميله دى
‏قال شمس النهار
تدويييييييييييينه جميلة
عجبتني اوي خالص جدا
انا بحب الفراعنه جداااااااااا
‏قال ريـــمـــاس
مساء الغاردينيا ياسمين
معلومات قيمة لأول مرة أقرأها "
؛؛
؛
كل عام وأنتِ بخير وسعادة
لروحك عبق الغاردينيا
كانت هنا
Reemaas
‏قال P A S H A
حلوين شوية الكلمات دول تسلم إيدك :)

الغريب ! إن الراجل ده - اللي بصراحة أول مرة أعرفه من عندك - لما عملت بحث عنه ودخلت ع الموقع بتاعه :

http://www.ossama-alsaadawi.com/

لقيته متجلي آخر تجلي !!!!!!!!!!!
ده طلع عامل تاريخ لوحده غير اللي احنا نعرفه أساساً !!
فيه حاجات كتيرة أوي عنده مش عارف إذا كانت خزعبلات ولا بتنجانات ولا إيه موقعها من الإعراب بالظبط !!

تحياتي
‏قال Amgad Abdallah
موضوع جميل جدا
كل هذة الكلمات اصلها فرعوني
اعرف ايضا كلمتين اصلهما فرعوني
هناك ايضا كلمة ترعة وتنقسم الي تي_رع
كلمة شوطا في الصعيد تعني مرض او وباء
ولابد ان هناك ايضا كلمات اخري نقولها في حياتنا اليومية ذات اصل فرعوني..
دمت بخير
‏قال جارة القمر
جوجو

ماتجبيلى لينك للبرنامج دا ينوبك ثواب

تسلميلى يا جميلة ع تشريفك و مرورك
‏قال جارة القمر
شمس النهار

وانا كمان بحب الفراعنة ... تحسى تاريخ كله مفاجأت
‏قال جارة القمر
ريماس

صباح البنفسح

انا كمان فيها حاجات اول مرة اعرفها

نورتى :)
‏قال جارة القمر
باشا

بص التاريخ الفرعونى اصلا كله تجليات ... و كل فترة بيكتشفوا معلومات جديدة و مختلفةعن اى حاجه نعرفها .. لاننا اصلا حتى الان منعرفش فك رموز اللغة الهيروغليفية مائة بالمائة

معرفش اقيم شغله لانى مش من متابعنيه ... بس اعتقد فى حاجات كتير كاتبها صحيحة
‏قال جارة القمر
امجد


ميرسى لتشريفك ... شكرا جدا ع اضافتك بالكلمتين دول ... و فى فعلا كلمات تانية كتير

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!