السبت، 20 أكتوبر، 2012

كلمات فرعونية فى حياتنا اليومية




مم : وهي في الاصل (موم) ومعناها كل او تناول طعامك

امبو : هي في الاصل (امبمو) بمعني اشرب

واوا : معناها ألم او وجع

كخ : قذارة

تاتا : معناها امشي

بخ : كلمة فرعونية (بيخ) ومعناها عفريت

بعبع : وهو جان كان يستعمله القدماء فى أعمال السحر أسمه بوبو

مين : تعنى شخص مجهول

سخام : تعنى النجاسة

هبأ : تعنى قام او نهض

بس : كانت تطلق على القطة فى اللغة الهيروغليفية

حاتى "تطلق على الكبابجى " : منشقة من كلمة " حات " تعنى اللحمة فى الهيروغليفية

حتتك بتتك "يشار بها الى شخص جائع جدا ": منقسمة الى "حات" تعنى اللحمة و " بات" تعنى العظم

البيصارة: اصلها الفرعوني (بيصورو) ومعناه الفول المطبوخ

باش : كلمة فرعونية ومعناها لان او طري

ديه اشياء (ياما) : كلمة ياما هي كلمة (اما) ومعناها الكثير

والجو (صهد) : كلمة فرعونية ومعناها لهيب

(ها) عايز ايه؟ : كلمة ها ده اصلا فرعونية (اها) ومعناها نعم

زي : بمعنى مثل

بـص : بمعنى انظر

شـب : بمعنى قـم أو انهض

أر : بمعنى حسد

مش : بمعنى لا للنفي

زن : بمعنى طنين او تكرار الكلام عدة مرات

ونقول على الاسنان السيئ (سو) : بمعنى سيئ أو سوء أو شؤم

دش : بمعنى الثرثرة أو كسر الأشياء
مهياص : وهي مكونة من لفظين: مه بمعني يملأ ويص بمعني التسرع والشطط

جاك (اوا) : كلمة( اوا) و معناها الويل والحسرة

رخي رخي : وهي الكلمة (رخ) فرعونية ومعناها ينزل

جاي: بمعني إلحقوني

كاني وماني: أي السمن والعسل

دكان الزلباني : فهو صانع الفطير

مقولة أخويا هايص وأنا لايص : (الليص) هو الطين

المدمس:هي (متمس) اي المدفون

هناك ايضا بعض المدن المصرية التى لا تزال تحمل اسماء فرعونية فى الاصل 

 دمنهور (دمي) اي مدينة ( هور) اي الاله حور فتكون مدينة الاله حور

و مثل المدن التى تبدأ بكلمة " ميت " مثل ميت غمرة : و كلمة " ميت " تعنى الطريق 

و التى تبدأ ايضا بكلمة " مينا " مثل مينا القمح : وكلمة " منيا " تعنى المحطة 


المصدر 
موسوعة الدكتور" أسامة السعداوي"

هناك 10 تعليقات:

gogo!sf يقول...

رائع جدا جدا البوست
برغم ان فى كلمات كثيرة جداً بنكررها فى الوقت الحالى ولكن لا اعلم انها من اصل اجدادنا الفراعنه

الفكرة عجبانى جدا جدا
انا من شهر نزلت برنامج لفك رموز الهيروغليفيه وكان نفسى اوى اتعلم اللغه الفرعونيه وان شاء الله هحاول

البرنامج رائع ولكن محتاج تركيز جامد جدا ومخمخه فى الروقان

تسلمى على المعلومات الجميله دى

شمس النهار يقول...

تدويييييييييييينه جميلة
عجبتني اوي خالص جدا
انا بحب الفراعنه جداااااااااا

ريـــمـــاس يقول...

مساء الغاردينيا ياسمين
معلومات قيمة لأول مرة أقرأها "
؛؛
؛
كل عام وأنتِ بخير وسعادة
لروحك عبق الغاردينيا
كانت هنا
Reemaas

P A S H A يقول...

حلوين شوية الكلمات دول تسلم إيدك :)

الغريب ! إن الراجل ده - اللي بصراحة أول مرة أعرفه من عندك - لما عملت بحث عنه ودخلت ع الموقع بتاعه :

http://www.ossama-alsaadawi.com/

لقيته متجلي آخر تجلي !!!!!!!!!!!
ده طلع عامل تاريخ لوحده غير اللي احنا نعرفه أساساً !!
فيه حاجات كتيرة أوي عنده مش عارف إذا كانت خزعبلات ولا بتنجانات ولا إيه موقعها من الإعراب بالظبط !!

تحياتي

Amgad Abdallah يقول...

موضوع جميل جدا
كل هذة الكلمات اصلها فرعوني
اعرف ايضا كلمتين اصلهما فرعوني
هناك ايضا كلمة ترعة وتنقسم الي تي_رع
كلمة شوطا في الصعيد تعني مرض او وباء
ولابد ان هناك ايضا كلمات اخري نقولها في حياتنا اليومية ذات اصل فرعوني..
دمت بخير

جارة القمر يقول...

جوجو

ماتجبيلى لينك للبرنامج دا ينوبك ثواب

تسلميلى يا جميلة ع تشريفك و مرورك

جارة القمر يقول...

شمس النهار

وانا كمان بحب الفراعنة ... تحسى تاريخ كله مفاجأت

جارة القمر يقول...

ريماس

صباح البنفسح

انا كمان فيها حاجات اول مرة اعرفها

نورتى :)

جارة القمر يقول...

باشا

بص التاريخ الفرعونى اصلا كله تجليات ... و كل فترة بيكتشفوا معلومات جديدة و مختلفةعن اى حاجه نعرفها .. لاننا اصلا حتى الان منعرفش فك رموز اللغة الهيروغليفية مائة بالمائة

معرفش اقيم شغله لانى مش من متابعنيه ... بس اعتقد فى حاجات كتير كاتبها صحيحة

جارة القمر يقول...

امجد


ميرسى لتشريفك ... شكرا جدا ع اضافتك بالكلمتين دول ... و فى فعلا كلمات تانية كتير