معلومة ع الماشى



علي سنجه عشرة 


تعبير شعبي قديم ، يدل على الاناقة الشديدة فى عصرنا الحالى
وكان يطلق قديما على من يقوم بلبس الطربوش مائلا

أصل الكلمة هي ( الصنجة ) عشرة مللي جرام ( أى : عشر الجرام ) ،
وهي من ضمن الصنج المستخدمة في موازين الذهب التى اذا وضعت فى كفة الميزان
لمالت الكفة ميلا رقيقا مثل ميل الطربوش للأفندي الأنيق جدا





 الزغاريد

 
انتقلت الى عالمنا العربى فى القرن السابع عشر
فبعد اكتشاف امريكا .. اصطحب الاسبان بعض من العرب فى حروبهم هناك 
و قد اعجب العرب بأصوات الزغاريد اثناء معاركهم مع القبائل الهندية فى امريكا
حيث كانت تستخدمها قبائل " سو" عند قيامها بعمليات صيد الثيران البرية التى كانت تعيش عليها 
و كانت تستخدمها ايضا قبائل " الانكا " فى المعارك نظرا لم اتوقعه من رعب فى قلوب الاعداء




المصدر
معجم فرج للعامية المصرية
الدكتور احمد السيلاوي- كتاب الموروثات الشعبيه 

  
 

تعليقات

‏قال ريـــمـــاس
صباح الغاردينيا
رائعة جداً
معلومات لم أقرأها من قبل "
؛؛
؛
لروحك عبق الغاردينيا
كانت هنا
reemaas
‏قال فاتيما
حلوة جداااااا المعلومات دى

اول مرة اعرفهم
واستغربت ان الزغاريط
مش من قبل كدا عندنا .. معقول ؟!!!



الف حمدلله ع السلامة
والعود مى و جارة للقمر وعسولات
ومعلومات وتاريخ ولطافة ..
وكل حاجة حلوة ف الدنيا
:)

صباح الورد يا حبات اللولى

:-*
‏قال momken
حلوة المعلومات دى

سنجه عشره كنت عارف انه حد تمام اوى
بس ربطها بميله الطربوش الخفيفه جديده

والزغاريد اعتقد فيها كلام اكثر لان الهنود هما الى كانوا بيطلعوا الصوت ..بأنهم يصوتوا وبعدين يعملوا بأديهم اثناء الصراخ فيطلع صوت زى بتاع طرزان كده

ودى علامه النصر عند الهنود ودى قديمه
يعنى ممكن احنا الى اخدناها منهم بقى

معلومات حلوة وجميل اوى الامانه فى النقل

تحياتى
‏قال جارة القمر
ريماس

مساء البنفسج

تسلمى ع مرورك :)
‏قال جارة القمر
فاتيما

وانا كمان يابنتى اول مرة كنت اعرف الكلام دا ... قلت نعرفهم سوا بقى


تسلمى يارب ... ويرزقك اللى تحبيه واكتر :*
‏قال جارة القمر
ممكن

انا كمان اول مرة اعرف المعلومات دى

بالنسبة للزغاريد ... اعتقد ان اختلط عليك الامر .. انا كاتبه انها انتقلت لينا من القبائل الهندية فعلا
‏قال الازهرى
بخصوص الزغاريد

فكرتينى بنكتة قديمة

واحد بيروح يصطاد
وكل ما ينش طير
تجرى الكلاب تجيبه
ما عدا كلب واحد بيخاف ويقف مكانه

أصحابه نصحوه يخليه يحضر الأفراح اللى بيضربوا فيها نار علشان يتعود

بعد شهور راح يصطاد وأخده معاه

بقى كل ما يضرب نار

الكلب يزغرد

‏قال جارة القمر
الازهرى

هههههههههههههههههههه ضحكتنى ... شرفتنى بمرورك :)

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!