مقتطفات اعجبتنى 4





 محتاج أتكلّم جدّا 
و بشكل مبالغ فيه 
دايما يحبطني 
سؤال "مالك يابني" و "فيه إيه" 
حاسُّه مش قد الحالة 
حاسُّه استهتار ب الجرح 

_هامش_
 "أنا بعرف أضحك جدا .. لكن بيخونّي الفَرْح" 

.. 

كان عندي زمان دبدوب 
و جاكتّة ناقصها جيوب 
و ماديليّة هديّة و كوتشي 
من أوّل لَبْسَة يدوب 
و شريط ل فريد الأطرش
 ف كاسيت عربيّة أبويا 
أنا فاكر .. كانت لادا 

_هامش_ 
"ضيعت حاجاتي بسرعة .. و باقيلي لسان و لماضَة" 

.. 

كان طيّب .. بس عبيط 
مفهمش الدنيا السافلة 
من أوّل يوم تخبيط 
اتجَن و حصلت قَفْلَة 
جابلي الشونكار و الكوتشي
 لكن مَلَمسْش الكورة 
علّمني ألعب كوتشينة 
و أهي فارِت منّه الفورة 
كان شايب يعني لدرجِة 
إنه مَبَقاش الصورة 

_هامش_ 
"الباهت دايما طيّب .. لكن طافي الأباجورة"

 .. 

عارفين لعبة "مسَّاكة" 
أنا ديما بخسر فيها 
و بسلّم نفسي بسرعة 
و بخلّي اللعبة تبوظ 
أنا دايما مش محظوظ

 _هامش_ 
"أنا دايما فَرْد برغم .. الناس ماشيين ب الجوز" 

.. 

كان حلمي إني أفضل أحلم 
لكن مُت و بغرابة .. م الحلم الأوفر دوز

تعليقات

مقتطفاتك جميلة جدا
تسلمي
‏قال ريـــمـــاس
صباح الغاردينيا
مقتطفات رائعة
تنم عن ذائقتك الجميلة "
؛؛
؛
لروحك عبق الغاردينيا
كانت هنا
reemaas
مقتطفات اعجبتني انا ايضا
اشكرك علي طرحها هنا
استمتعت حقا
تحياتي
‏قال Tarkieb
حلويين تسلم الايادي
‏قال جارة القمر
مصطفى سيف الدين

تسلم ع ذوقك
‏قال جارة القمر
ريماس

صباح البنفسج

تسلمى يا جميلة انتى الاجمل
‏قال جارة القمر
كارولين فاروق

منورانى فى اول زيارة

مبسوطة انها عجبتك
‏قال جارة القمر
تراكيب

تسلم من كل شر يارب
‏قال شمس النهار
رائعة

ايوة كده ارجعي اكتبي
انتي عارفة ان كلماتك بتعجني
جدا

بتكتبي الملخص المفيد
عجبتني جداً أنا كمان
واثرت فيا بشكل مبالغ فيه
اختيارتك دايماً ممتعة وذوقك راقي
شكراً علي المشاركة
تحياتي
‏قال جارة القمر
شمس النهار

دى مش كلماتى يا جميل .. دى كلمات احمد الطحان

هو انا هكتب كلام حلو اوى كدا يا شموسة برضو ؟
‏قال جارة القمر
صاحب الحبر الاسود

اسعدنى مرورك و ان الاختيار عجبك
ميرسى جدا ليك :)
‏قال Haytham Alsayes
ممممممم
مش هعلق الا علي اسم المدونة
معلش انا عندى غالبا زهايمر
مش فاكر اني دخلت قبل كدة او لا

بس عجبني الاسم جداااااا

:)
‏قال جارة القمر
هيثم السايس

تشرف فى اى وقت يا هيثم

ميرسى جدا ومبسوطة والله انه عاجبك

:)
سعدت بمرورى على المدوتة
تحياتى
========
شعار الثورة
مصر بالثورة صارت حرة واحنا بقينا بجد ناس احرار/

ومش هنغلط تانى بالمرة علشان احنا اولادها الابرار/

وبالعقل والتفكير والديمقراطية هناخد انسب واصح قرار/

وهنكون مسئولين ومصرين على تنفيذه دايما وباستمرار/

ومن يخالف الحقيقة ويصر على المغالطة هنلبسة تاج العار/

فالف نعم للبناء والتعمير والتقدم والف لا للتخريب والدمار

مرسلة بواسطة كلام على بلاطة في 12:39 م 2 التعليقات
‏قال فشكووول
بس دى حاجه شقاوه خالص .. بصراحه الشخص ده لذيذ ورايق
‏قال جارة القمر
كلام على بلاطة

اسعدنى مرورك
‏قال جارة القمر
فشكوول

مش كدا بذمتك .. انا برضو بقول انها شقاوة خالص فعلا
‏قال بدر
دايما كلامك جميل بتختارى كلام مبتسم زيك
يارب يفرحك دايما
‏قال جارة القمر
بدر

ميرسى جدا ... ربنا يكرمك :)
‏قال P A S H A
الهوامش والنهاية في منتهى العمق والجمال .. قريتها أكتر من مرة وعجبتني جداً بصراحة ، رائعة حقيقي :)
تسلم إختياراتك
دمتي في خير وسعادة
مع خالص تحياتي
‏قال جارة القمر
باشا

هى فعلا مكتوبة باتقان وعجبنى جدا الهوامش خصوصا اول واحد

شرفنى مرورك :)

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!