مش وحدك


و هتحسي فى لحظة بوحشة
إوعي تقولي فى يوم انا وحدي
لأ مش وحدك
بللي في قلبك مالكيش زي
واوعي تقولي انه مجاش
لأ منساش
هيفضل فاكر
علشان بكرة بتاعك جاي

لأ مش وحدك
والبنوتة الساكنة عيونك
لسة بتحلم
والفنان الساكن روحك
لسة بيرسم
لأ مش وحدك

وفرضاً يعني
مرة مشيتي فى سكة لوحدك
ولو لساعات
صوتك فين؟
دة الاحساس أندر م الماس
يجمع ناس
وبيعزف لمة
وبيملى السكة الفاضية حاجات
لأ مش وحدك



"مش وحدك - أحمد شلبي - من ديوان اللى اتكسر يتطوح"

تعليقات

‏قال candy
الشعر جميل جدا

بس أنا عايزة أسجل اعجابى الشديد بتقميم المدونة

تحففففففففففففففة

تحياتى :)
‏قال شمس النهار
لما بشوف في القايمة انك ناشرة بوست
بقول يامسهل هترجع اهي
:))))
‏قال جارة القمر
ساندى

مرورك و عجابك بالمدونة اروع واروع بجد

فحرنى تعليقك جدا ربنا يفرح قلبك
‏قال جارة القمر
شمس النهار


شكلك فاهمنى يا نصه هههههههههه
ان شاء الله لى عودة قريبة ادعى لى بس وتعود الكلمات الى قلمى
‏قال The illusionist
صباح الخير

اربع فطيرات وطبقين عسل وقعده حلوه بين العيله

مساء الخير
‏قال قلم رصاص
رائغ جدا
شكرا على اختيارك للشعر دا
:)

المشاركات الشائعة من هذه المدونة

مقتطفات اعجبتنى २ - شهرزاد الخليج

الرجالة دول جزم بس المشكلة ان الستات مابتعرفش تمشى حافية!!!!!!