المشاركات

عرض المشاركات من يوليو, 2010

لما تحس الروح بتروح

صورة
لما تحس الروح بتروح
اضحك اكتر
عض البسمه بطرف سنانك
ماتسيبهاش
فكر يمكن
لما تسيبها ف يوم هتكشر
ترجع تسأل عنها ويمكن
ماتلاقيهاش
****************
مجدى طه

بنك دم المدونيين

صورة
بدأت الفكرة عند بت خيخة واى كلام بوجود معاد دائم للتبرع بالدم ثم تطورت الفكرة عن اخونا رحلة بحث
وبدأ يفكر ان يكون فى بنك دم للمدونيين مش خاص بالمدونيين تؤ تؤ لكن المدونيين هم نواة البنك
البنك هيكون متفرق على المحافظات يعنى مش بالضرورة نبقى كلنا بنتبرع هنا فى القاهرة لا
عشان تعم الفائدة هتكون كل مجموعة فى محافظة مسؤلة تتبرع هناك
المدونين المفروض ينقسموا لمشرفين على البنك ومتبرعين دائمين
الفكرة لسه قيد التنفيذ والمناقشة .... رحلة بحث عمل مدونة خاصة للبنك
اسمها باسم الحملة
بنك دم المدونيين
يا ريت كلنا نشارك حتى لو مش قادر تبقى متبرع او مشرف لظروف خاصة انشر الفكرة ممكن عن طريقك يجى الف واحد معانا
وتبقى كسبت ثواب
فى الالاف كل يوم بيحتاجوا نقل دم ... وكفاية انك لما تتبرع بالدم بتفيد جسمك ... يعنى الموضوع هتفيد و تستفيد من غير ولا مليم

الرجالة دول جزم بس المشكلة ان الستات مابتعرفش تمشى حافية!!!!!!

صورة
سؤال بس فى الاول ... ايه شعورك اول ما شفت العنوان .... واول حاجه قلتها فى عقل بالك لما قريت العنوان
عنوان مستفز صح ؟؟؟ انا نفسى استفزنى الصراحة
تصوروا بقى ان دا عنوان جروب على الفيس بوك .... يا نهاااااااااااااااار مش فايت
دا ليه كدا يا بنات ؟؟ .... ما الرجالة بنى آدمين برضو يعنى عيب تشتموا فيهم عينى عينك كدا
هو اى نعم دلوقتى بقى الواحد نفسه يشوف راجل بجد .... مش من النوع اللى هو راجل عشان مكتوب كدا فى البطاقة
وبرضو نفسى اشوف بنات بجد .... مش من النوع اللى بقوا بنات عشان مكتوب فى البطاقة كدا
انا حاسة ان اللى عملت الجروب دا واحدة اخدت مقلب جامد حبتين من حبيبها فقالت اسد نفس البنات كلهم عن الرجالة مثلا
نتكلم جد بقى شوية .... انا الصراحة صدمت من الجروب دا مش عشان اسمه لالالالا
الجروب دا عملته بنات اكيييييد والطبيعى ان فى ولاد دخلوا عليه ... ولكم ان تتخيلوا كمية الشتايم بين الطرفين
ومش شتايم عادية تؤ تؤ تؤ .... بالاب والام و اديلوا
وعشان الليلة تكمل... يروح مجموعة شباب عاملين جروب ضد الجروب دا اسمه اييييييييه بقى ؟؟؟
البنات شباب زنوبة بس المشكلة ان الرجالة عايزة اسيبدروهات !!!!!!
ألا هو يعنى ايه ا…