هعيد مرتييييييييييين يا جدعااااااااااااااان


وكالعادة هعيد مرتيييييييييييين يا جدعاااااااااااااان

امبارح كان يوم حلو حلو جدا جدا جدا .... لتانى مرة بعيش عيد مختلف وبمعنى تانى

كعادة مدرسة زهراء الاندلس اننا بنعمل يوم لعيد الاضحى كل سنة

بدأ التحضير لليوم من قبلها بأسبوع تقريبا او اسبوعين

ولاننا بنجيب خروف او عجل عشان يذبح فكان لازم نجمع فلوس الخروف دا

بنعلم اولياء الامور ان اللى عنده رغبة فى المشاركة فى الذبيحة يدى الفلوس اللى هيتبرع بيها لاستاذة جيهان
مسؤلة الخدمة الاجتماعية

و طبعا الولاد بيبدأ تدريبهم على الاغانى اللى هتذاع وقت الحفل و نوزع كروت على الولاد اللى هيتكرموا على تفوقهم فى التقويم الاول

الحاجه اللى حصلت يوم الاربعاء وكانت جميلة جداااااااا و مفرحة اوى كمان .... ان استاذ راضى وقف فى الاذاعة و عرض مجموعة قصصية فى مزاد خيرى ... المزاد كانت فكرته معقدة شوية والولاد مش فهموها بسرعة فاستاذ راضى طبق المزاد على المدرسين الاوووول واتقلب الطابور ضحكككككك من هنا للصبح ... كل الاستاذة شاركوا و دفعوا

نيجى لليوم بقى


اول الفقرات كانت ان المدرسات تاخد البنات و على الدور العلوى عشان نضحك و نغنى و نلعب لحد ما الفناء السفلى يجهز للحفل
وقد كان ... انا كنت مع ميس لبنى فى فصل 2/2 اعدادى وطبعا عددهم كان قليل وانا كنت عايزة الاعب البنات روحت فكرت فونكيرة حلوة ضمينا الفصل دا مع فصل 1/2 اعدادى عشان يبقى عددنا كبييييييييييير ونعرف نلعب لعبة المنديل بمزااااااااااااااااااج
البنات يلعبوا وانا والمدرسات نشجع .... وانا الصراحة روحت فى الخباثة مع فصل استاذة اميرة ليييييييييه ؟؟؟ سؤال وجيه جدا
اصلها بصراحة صوتها حلو اوى اوى وبتقول اغانى حلوة جدا حسستنى ان العيييييييييييد جه خلاص بقى وهنلبس لبس جديد
ونرجع تااااااااااااانى للفصلين اللى كنت معاهم وطبعا فصل 1/2 اعدادى غلب فصل 2/2 اعدادى بفارق نقطة واااااااااحدة ولقيت البنات وشهم احمر والا لازززززززم ناخد بتارنا ونغلبهم زى ما غلبونا .... يا بنات اهدوا مش كدا .... ابدااااااااااااااااا
و لسه بيشمروا عن ساعدهم عشان يبدأوا اللعب الجرس ضرب ودا معناه اننا لازم ننزل تحت ... قعدت انا بقى اغيظ فيهم هههههههههههههه

وتحت كان الاساتذة مشكورين كانوا وضبوا المكان بالكامل ... حطوا المسرح و الاماكن اللى الولاد هيقعدوا عليها .... جهزوا مجسم الكعبة و جبل المروة و الصفا وجبل عرفات

وبدأت فقرات الحفل بقراءة القرآن الكريم بصوت احد الطلاب ....... وبعد كدا كانت كلمة مدير المدرسة استاذ راضى
ثم اسكتشات عن العيد
مممممممممم بس الاسكتشات كانت محتاجه اتقان اكتر من كدا بس الولاد اجتهدوا بصراحة

وبعد كدا بدأنا فقرة تكريم الاوائل .... الملاحظ ان اولى ابتدائى كان كلهم المركز الاول مكرر ههههههههههههه
لما جه تكريم الولاد والبنات اللى معايا فى الفصول كنت فرحانة اوووووووى كنت حاسة ان ولادى هما اللى بيتكرموا خاصة
بنوتة اسمها ايه ياسر دى بنت مدرسة معانا بس عسوووووووولة اوووووووى بحس انها رقيقة وزى البسكوتة بالظبط

وبدأنا بعد ودا اهم واحلى فقرة على الاطلالالالاق .... مناسك الحج
نظمنا الولاد فى صفوف و بدأنا نطوف حول مجسم الكعبة مرددين دعاء الرسول صلى الله عليه و سلم
ثم السعى بين الصفا والمروة ..... و الوقوف بعرفات وخطب فينا استاذ محمود عبده خطبة عرفات
كان موقف مهيب والله جدا حسيت انى فعلا بحج بيت الله ربنا يرزقنا جميعا زيارة بيته الحرام

وبعد كدا اخر فقرة فى الحفل وهى ايييييييييه ؟؟؟ شاطرين شاطرين ايون الذبيحة اللى هى كانت عبارة عن خروفين
واول ما دخلوا الحوش وحالة هلع اصابة البنات هههههههههههههههههههه والبنات قعدت تجرى وتبعد عنهم بسرررررعة
وانا اولهم طبعاااااااااا .... ايون بخاف من الحاجات دى ايه فى حاجه ؟

وبدأ الولاد يرددوا بسم الله وعلى سنة رسول الله اثناء الذبح وسط فرحة الولاد .... وطبعا تم توزيع الذبيحة على الفقراء فى المنطقة كلها

انا بحب اليوم دا عشان بحس ان الولاد بيخرجوا عارفين يعنى ايه حج وليه بندبح ذبيحة و ايه قصة الدبح و الذبح الشرعى بيبقى ازاى

جزاكم الله خيرا

تعليقات

‏قال شمس النهار
ماشاء الله
فكرة جميلة

ربنا يجعل كل ايامك اعياد

كل سنه وانتي طيبه

:))
ما شاء الله
لا قوة الا بالله
كل سنه وانتى طيبه
‏قال كلمات من نور
ما شاء الله لا قوة إلا بالله

ربي يجعل أيامك كلها اعياد يا احلى جارة للقمر
‏قال الحب الجميل
كل سنه وانتى طيبه يا حبى
عيد سعيد عليكى وعلى اسرتك
‏قال Ramy
(:

كل سنة وأنتِ طيبة

و دايماً أيامك أعياد (:
‏قال غير معرف…
انبسط جدااا
لان لقيتك مبسوطة ده ال فرحنى بجد
لان بقالك فترة مش فى المود ربنا يفرحك دايما ويخليلك اولادك
‏قال جارة القمر
شمس النهار

وانتى طيبة يارب وبسعادة دايما
‏قال جارة القمر
محمود

وانت طيب وبخير يارب
‏قال جارة القمر
كلمات من نور

يارب على طول طيبة وربنا ما يحرمنى منك
‏قال جارة القمر
الحب الجميل

وانتى طيبة يا ايمى يارب وكل سنة وانتى طيبة و بخير دايما
‏قال جارة القمر
رامى

وانت طيب وبخير وسعادة دايما
‏قال جارة القمر
غير معرف

ميرسى
‏قال قلم رصاص
كل سنه وانتي طيبه
وعيد سعيد عليكي وعلى كل الأسره

^_^
‏قال The illusionist
الف كل سنه وانتى طيبه يا مى

وعيد امور وجميل وسعيد عليكى

http://img576.imageshack.us/img576/2431/vcar8t76ghij.jpg
‏قال بدر
كل سنة وانتى طيبة واهلك بخير
كل سنة وانتى طيبة

فكرة الحفلة جميلة جدا

بس دى مدرسة حكومى ؟؟؟؟؟؟؟؟؟
‏قال جارة القمر
كل سنة وكلكم بخير يارب وميرسى على سؤالكم

جمهورية فوضى

منورانى دايما ... لا دى مدرسة خاصة اسمها زهراء الاندلس

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!