أنت السبب


مين اللي علِّم
غنوة الأفراح شجن .. ؟؟
أو مين فتن للحزن عن
ضحكة عينيك ..؟؟
مين اللي خلى الفرح جواك اندفن
وضحك عليك ..؟؟
انت السبب ..
انت اللي ماشي ف دنيتك
من غير عنين ..
وانت اللي مربوط من سنينك
في العدم ..
ومسلِّم الأيام
إيديك ..
من كام سنة
لما اتفتح لك ع الفَرَح شبَّاك في بيت ..
لميت عزالك جوَّه بالك واللي باقي
من آمالك
وانتهيت ..
خبيت ملامحك بين تفاصيل غربتك
وبعدت ليه؟
حطيت سؤالك في انشغالك باللي جاي
وسكتت ليه؟
إنت السبب ..
إنت اللي راسم ع الحيطان
صورة غروب ..
انت اللي بتحب الهروب
من فرحتك ..
وانت اللي ماشي ف سكِّتك
بتبص فوق ..
ماتلومش غيرك
لما تتكعبل ف موت
او لما تحضن خطوتك لحظات
سكوت
أو لما ترجع كل ليلة بكوم هموم
من غير سبب ..
انت اللي حابب تنتهي
وانت اللي كنت بتشتهي رغم الفرح
لحظة شجون ..
خليك حزين
خليك مضيع وقتك الفاضل شجن
بس افتكر
العمر لو يوم انتهى ..
ما بيبتديش ...


مجدى طه

تعليقات

رااااااااااااائعه والله

بجد ماقرأتش حاجه بالجمال دا من زمان

بجد تحفه

تسلم الايادى

زهراء
‏قال adel
حلوة قوي و اختيار موفق

الكلام حلو
‏قال كلمات من نور
من كام سنة
لما اتفتح لك ع الفَرَح شبَّاك في بيت ..
لميت عزالك جوَّه بالك واللي باقي
من آمالك
وانتهيت ..

===================
الله يا جارة القمر الله عالكلام فعلا

اختيار رائع يا فتاتي
‏قال قلم رصاص
معملتش حاجة والله

ههههههههههههههههه

بجد كلمات رائعه جداااااااا

واختيار أكثر روعه

^_^
‏قال ادم المصرى
مشاء الله كلام جميل جدا تسلم ايدم
‏قال ادم المصرى
مشاء الله كلام جميل جدا تسلم ايدك
‏قال جارة القمر
ميرسى ليكم جميعاااا على مروركم ومبسوطة ان اختيارى عجبكم :)

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!