وانا المدييييييييييييييييييييير


ترررررررن تررررررررررن ترررررررررررن

يادى النيلة الواحد مش هيعرف ينام شوية قبل الفطار ولا ايييييييييييييه ؟

دا صوت تليفونى العزيز ... فوجت بكم التليفونات الهائل من زمايلى فى وزارة الزراعة

كل شوية تليفون ...... و كلها مفادها وااااااااحد " لازم تيجى بكره ضرورى ... المدير عايزك"

ايه بقى الاشتغالات دى ... عايزنى فى ايه ؟؟ والدنيا مقلوبة كدا ليه ؟

اكونش سرقت حاجه من المركز وانا مش واخدة بااالى

مممممممممم طب ايه ؟؟

ايون يبقى اكيد اختارونى وزيرة فى انقلاب وزارى حصل فجأة واحنا نايمين هههههههههههههههههههه

والله وزهزت يا جدعان ... والله اختاروا صح دا انا هظبط الشعب حبيبى دا تظبيط جاااااااااامد

يعنى نعمر الصحراء بقى ونخليها خضرا كدا وتشرح القلب

و مافيش مانع نزرع زهرة خشخاش تانية بدل اللى اتسرقت اهو تبقى على الواقع بدل الصورة

ونكتفى ذاتيا من القمح و الارز و نعيييييييييييييش بقى

احم احم ايه يا جدعان بحلم بلاش احلم يعنى حاجه غريبة و الله


وجاء اليوم الموعود وروحت وانا رجلى بتخبط فى بعض و ربنا يستر بقى

وكل ماحد يشوفنى فى المركز يقولى المدير عايزك ... المدير عايزك

اييييييييه يا جماعة هو انا بقيت مطلب جماهيرى اوى كدا

ولا انا كنت تايه وانا مش عارفة

دخلت مكتب المدير وكانت الكلمة دى أول حاجه تتقالى

- آنسة مى ..... احنا اخترناكى عشان تكونى رئيسة وحدة النظم و المعلومات الجغرافية

- نعم ؟؟ هى مين دى

- انتى ... انتى احسن حد للمنصب دا

- ها؟ الله يخليك ياخويا... هى مين دى اللى احسن قول يا باسط بس ( فى سرى طبعا)

متشكرة جدا لحضرتك وربنا يقدرنى اكون عند حسن ظن حضرتك


ودا تشررررررريف مش تكليييييييييييييييييييف
لألألأ مش كدا مش كدا
ودا تكليييييييييف مش تشرررررررررريف
تيرارارااااااااااااااااااا
و اخترناك اخترناااااااااك
اهو انا كنت بغنى الاغنية دى وانا خارجة من مكتب المدير
و على بالى مقولة فؤاد المهندس الشهيرة "و انا المديييييييييييييييييييييييييييييير"

ياحولى يا حلولى ... بجد مجموعة احاسيس مختلفة حستها بعد ما خرجت من المكتب واى حد يكلمنى يلاقينى منشكحة جدااااا

فرحة و خوف و أمل و دنيا كبيييييييييييييييييييرة مفتوحة مش عارف هتوديك لفين

يااااااااه لما تلاقى ربنا بيكرمك بعد تعب طويل تعبته ... احساس مالوش اى كلام يوصفه

وطلعت عشان استلم مهام وظيفتى وبدأت افترى على خلق الله بقى اااااااااااه رئيسة بقى ولازم ابقى شوريرة كدا ومفترية

لازم اطلع عليهم بقى القديم و الجديد واوريهم انى مديرة شديدة ههههههههههههههههه

وعملت اجتماع للناس اللى معايا و وقفت كدا زى احمد حلمى فى فيلم ظرف طارق لما قال " انا جمعتكم انهارده ...... مممم مش عارف انا جمعتكم ليه"

بينى وبينكم انا مسكت الورقة اللى المفروض اكتب فيها الخطوات القادمة و منظورى الخاص لتطوير الوحدة تطويرا شاملا كاملا

وبلمت .... يا نهااااااااااااار ابيض بقى مى اللمضة اللى ماحدش يعرف ياخد معاها حق ولا باطل تقف متنحة كدا ادام ورقة

ماهى برضو مش اى ورقة ... دى خلاصة مشوااااااااااااااار طويل وبداية مشوار اطوووووووووول ... ولقيت نفسى بفتكر ازاى بدأت هناك و السنين دى عدت ازاى وامتى ؟؟

انا بدأت هناك من ثلاث سنوات تقريبا ماكنش حد هناك فى المركز يعرف ازاى نرسم خرائط او صور فضائية ... بدأنا من الصفر و بدأت اعلمهم ازاى يستخدموا البرنامج

كانت ايام حلوة اوووووى ... لانهم كلهم كانوا دكاترة و ناس كبيرة و مناصب بقى وانا لسه عيلة و المفروض ابقى المدرسة بتاعتهم

وكلهم كانوا ذوق جدا الصراحة ناس عايزة تفهم عشان تعمل حاجه فى شغلها وانا مستغلة الموقف بقى واللى مايعملش الواجب بتاعه اجبله الخرزانة هههههههههه ... تعبنا سوا و حاولنا سوا عشان تقف الوحدة دى على رجليها و صيتها يسمع فى الوزارة كلها وفعلا بقى كل المراكز التابعة للوزارة عايزة تعمل وحدة نظم و معلومات جغرافية عندها .... الوحدة دى كأنها بنتى اللى ربتها على اديا لحد ما كبرت و بقت عروسة

فقت من سرحانى على كلمة نطت فى دماغى فجأة "دا فعلا تكليف مش تشريف بقى" ... بس على مين اختكم برضو بـماية و خمسين راجل وبدأت ارسم واحلم انا نفسى اخلى الوحدة دى ازاى

اى نعم لسه مش توصلنا للشكل النهائى للخطوات بس عرفت البداية منين ودا الاهم ... ربنا يقدرنا بقى على التكليف دا

تعليقات

‏قال мαησηα
مبرووووووووووووووووووك

الف مليون

مبرووووووووك

يا حضرة المديرة

الف مبرووووووووك يا ميوية عقبال

اما اشوفك يا حبيبتى

وزيرة قد الدنيا قولى امييييييييين
‏قال جارة القمر
مانونا

ميرسى يا جمييييييييييييييل الله يبارك فيكى يارب

اللهم اميييييييين
الف مبروووووووووووووووووك
انتي لها وبها وفيها وكل اللي تقوليه
ربنا يقويكي وان شاء الله للأمام دائما
تحياتي وكل سنة وانتي طيبة
‏قال جارة القمر
د/ستيته

الله يبارك فيكى يارب
اللهم امييييييييين
‏قال Ramy
مبروووووك مبروووووووووك

بجد فرحت لك جدا

ربنا معاكى فى اللى جى و تعملى كل اللى نفسك فيه

و يجى اليوم اللى نقول انا الوزيرة دى فى يوم كانت بترد علينا (:(:

علشان كدة بقى اللون الجديد و اشكل الجديد للمدونة

مبروك للوك الجديد

ربنا يخلى كل ايامك سعيدة

بالتوفيق دايما (:
‏قال Timo..
مبرووك .. وبجد هو ده احلى احساس زي ما وصفتيه بالضبط..
اصل احساس السعادة مش بيبدا لحظة ما بنسمع الخبر...لأ... ده بيبدأ من لحظة ميلاد الحلم وبيكمل مع تحقيقه..
حلو انك وصفتي ازاي بدأ المشوار من سنين واتطور لحد ما شوفت حلم جواك بيتحقق وبيبقى كيان وواقع ملموس وانت اكتر حد يحس بده.

بجد انا بحب الاحساس بالنجاح اللي بيبقى بعد التعب ده قووووووي :)

الف مبروك عليك وبجد اللي يتعب.. بيلاقي :)
‏قال جارة القمر
رامى

الله يبااااااااااارك فيك يارب

ايون كدا اظرفونى كام دعوة يمكن ربنا يستجيب و ابقى وزيرة هظبطكم و الله هههههههههههه

اه يا بنى قلت اغير الدهانات بقى و انزل بورق الحائط لزوم المنصب الجديد
‏قال جارة القمر
تيمو

الله يبارك فيك يارب

عندك حق كلامك مظبوط اكيد و متفقة معاه

اللى بيتعب يلاقى فعلا
‏قال star
مبروووك ليكى يا مديره
ربنا يقدرك كده و تبقى وزيرره
وعلى طول فى أنجازات و من فرح لفرح أن شاء الله...ربنا معاكى
‏قال اعقل مجنونه
مبروووووووووك عقبال الوزاااااااااااره
‏قال Sheroo
مبروووووووووووووووك
وعقبال ما تبقى الوزيرة أو حتى إنشاالله رئيسة الوزرا كمان
‏قال جارة القمر
ستار

الله يباااااااااااارك فيكى يارب واشوفك انتى كمان بتحققى احلامك
‏قال جارة القمر
اعقل مجنونة

الله يبارك فيكى يا جميلة ربنا يفرحك يارب
‏قال جارة القمر
شيرو

يااااااارب يسمع منك ربنا اله يبارك فيكى يارب
الف مبروك على اللوك الجديد
وعلى المنصب الجديد
اعانك الله عليه
كل عام انتى بخير
لكى زماان مش بتزورينى
يارب يكون
المانع خير
‏قال جارة القمر
محمود

الله يبارك فييييييييك ... معلش اعذرنى

هزورك اكيد

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!