حلمك ... اوعى تسيبه يضيع


حلمك !!!!

فين حلمك ؟؟؟

ولا هو اصلا ماكنش فى احلام ؟؟

طب ثوانى .... اقف ادام المراية

ايون بالظبط كدا

شايف ايه ؟؟

نفسك ؟؟

ولا حد تانى ؟؟

لما بدأت تكبر وتفكر

حطيت لنفسك حلم تحققه

ولا كنت عايشها طولها زى عرضها

مش هتفرق كتير

واهى عيشة و السلام

طب والنهاية ايه ؟

بقيت اهو واحد و السلام

بتصحى زيك زى غيرك

وتعيش حياتك زيك زى غيرك

و هتموت كمان زيك زى غيرك

اوعى يكون كان ليك حلم و ضاع منك ؟؟

وانت سبته يضيع ؟

ما انت لما سيبت حلمك يضيع انت كمان ضعت معاه

ولما بقيت بتقف ادام المراية مابقتش تعرف نفسك

حاولت تعمل حلم جديد ؟؟

ولا قلت مش فارقة انا مش هعرف احققه برضو ؟؟

كرهت و سبيت الناس ولعنت الدنيا و اللى فيها ؟؟؟

طب عايز تشوف نفسك فى المراية ازاى ؟

ما انت مابقتش انت

بقيت حد تانى

انسان مشوه .... جواه حنين للماضى و خوف من المستقبل

احلم

ايوة مستغرب ليه ... سمعتنى صح

احلم تانى .... فيها ايه

اصل الحياة مش هتتعاش صح الا لو كان لك حلم

اقف مع نفسك ... حاول ترجعها تحلم تانى و تعيش تانى

ما تخليش يومك اكل ونوم و قعدة على الفهوة

و اللى لسه حلمه ما ضعش منه

اتمسك بحلمك

اوعى تسيبه يتسرسب من ايديك

هتيجى فى يوم مش هتعرف نفسك

هتشوفها فى المراية تستغرب

مين داااا؟؟؟؟

الاحلام كتييييير و الدنيا فيها اكتر

واجه جحيم الدنيا بأحلامك .... حتى لو وقعت هتقوم تانى

متخليش طريقك مبهم مش عارف انت ماشى فيه ليه

حط لنفسك احلام

ابدأ بحلم صغير ولما تحققه كبر احلامك شوية

لحد ما توصل لاكبر حلم ...هدفك

ساعتها بس مش هتبقى زى اى حد

ساعتها هتقف ادام المراية تلاقى نفسك

لانك ببساطة كان عندك حلم و حققته

تعليقات

‏قال adel
وانتي حلمتي تاني ؟
‏قال كلمات من نور
ربي يجبر بخاطرك عالكلام الجميل داه علشان معظمنا مات حلمه ونساه وقال مافيش فايده يلا هو انا اللي حاصلح الكون والا والا؟.؟؟؟؟؟
المشكلة ظروف البلد بتاعتنا بتقلب كل حلم كابوس...
لكن ده مش هيخلينا نبطل نحلم....
واكيد حلم من احلامنا دي هيتحقق...
ان شاء الله...
‏قال جارة القمر
عادل

اه يا عادل حلمت تانى
‏قال جارة القمر
كلمات من نور

ربنا يكرمك يارب ... اللى بيقول كدا هيحى يوم و يفوق ان عمره عدى هباء
‏قال جارة القمر
ابو على

ايوة اكيد حلم من احلامنا هيتحقق
ان شاء الله

ربنا يكرمك يارب
‏قال мαησηα
فكرتينى بيا ..

مابحبش اسيب اى حلم من احلامى تضيع

ومابحبش اشوف حد بيسيب حلمه

يضيع من ايديه

بيبقى جوايا كده حاجة عايزة

تشيل الاحباط من جوا الناس

وتقولهم انتوا فيكم قوة

وطاقة تقدروا تحققوا بيها

اى حلم مهماكان صعب

عجبنى البوست اوى يا احلى جارة للقمر

تسلم اياديكى
‏قال Malooka Yousef
كلامك جميل اوى وفعلا لازم نتمسك احلامنا عشان نقدر نكمل
‏قال جارة القمر
مانونا

وحشانى يا جميل ... انا معاكى طبعا بس بررضو لا انكر على اى حد انه يوقع شوية بس المهم يقوم تانى
‏قال جارة القمر
ملوكة يوسف

اكيد لازم نتمسك باحلامنا والا ضاعت حياتنا هباءا
‏قال The illusionist
استاذتى

انا مبخشش كتير

وعاوز اضيف ميل سيادتك

انا عارف انو طلب على الملا بطريقه غريبه

معلشى بقى

لو ينفع ابقى ضيفينى او ابعتيلى ميل سيادتكم

سانكن يون

على فكره سيادتك وحشانا جدا
‏قال Ramy
جارة القمر

على فكرة انتى دعيتى عليا لان دى تانى مرة اكتب الكومنت (:(:(:(:

عندى الأول استفسار جارة القمر دة أسم أغنية لفيروز

اولا البوست أكثر من رائع

ثانيا انتى كأنك كنتى بتكلمينى او بتكلمى عنى

لأنى كنت كدة مكنتش شايف ان ممكن احلم اساسا

اة بشتغل بس لحياتى وبس

مكنتش عايش لحاجة او حلم

لحد مقابلت حلم بس منفعش غير انى احلم لوحدى

بس لما الحلم منفعش خلاص عينى فتحت وعرفت انى لازم احلم

لان الحياة منغير حلم لا معنى لها

ابتديت اغير من اسلوب حياتى

الحلم اللى متحققش ادانى دفعة حقيقية لقدام

ثالثا مقولتيش رأيك اية فى المدونة بعد ما لفيتى فيها (:(:

بجد تسلم ايدك لان البوست بيعبر عن ناس كتير

ربنا يوفقك و تكونى دائمت الأبداع
‏قال جارة القمر
رامى

مش دعيت والله دا انا حتى طيبة مش بدعى على حد :):)

اولا اى نعم جارة القمر اسم اغنية لفيروز
واختى اختارتلى الاسم دا

ثانيا : اى خدمة يا سيدى احنا عندنا توصيل البوستات للمنازل هههههههههههه ... عارف الاهم انك بجد عرفت انك لازم تحلم هتلاقى حياتك مختلفة
ممممممم اقولك على فكرة كمان احلم كتير واهداف كتير بس متنوعة و متطورة فى الاهمية فاهمنى ؟؟ ربنا يوفقك فى حياتك يارب

ثالثا : حاااااضر هاجى واقولك رأيى بس اخلص شوية شغل ورايا و اجى

ميرسى لذوقك و كلامك الجميل :):)

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!