جريمة فى حق مصر


فاكرين السؤال اياه ... هو احنا ليه مابقاش لينا هيبة فى العالم ؟؟

الاجابة ببساطة لاننا مابقاش لينا قيمة جوا بلدنا

خالد سعيد كلنا عارفينه اظن ... من شهداء الشرطة و ظلمها للناس

اييييه دا ... هى مصر بقى فيها ايه ؟؟

تلوث وفساد و محسوبية و كوسة و ناس تحت خط الفقر و شباب بتنتحر كل يوم وساكتين و صابرين

وبنقول بلدنا هنسيبها ونروح فين ؟؟

لكن نبقى بنموت يأيد شرطة بلدنا بدل ما نموت بمدافع اعدائنا

طب ايه الفرق بقى بين الشرطة و اسرائيل؟؟؟

ما هما الاتنين بيموتوا فينا .... ليه بنصرخ و نقول عايزين حقنا منهم

ناخد حقنا من ولاد بلدنا الاول ... يبقى لينا قيمة جوا بلدنا الاول

لسه فى ناس بتقول ان جمال مبارك احق بالرئاسة ؟؟؟

لسه فى ناس بتقول ان مبارك كويس وابن حلال واللى نعرفه احسن من اللى مانعرفوش ؟؟؟

اذا كان مش قادر يحمينا لا جوا ولا برا .... يبقى ايه لزمته بقى

المشكلة مش خالد لوحده ... فى ناس كتير خالد بيتعمل فيهم اكتر من كدا

ومش ولاد ... لا بنااااااااااات

جوا اقسام مصر فى الالاف زى سجن ابو غريب

اعراض بتهتك و ناس بتتعذب و تموت

يا أهل مصر الكرام ... اتكلموا ... اتكلموا

السكات مش حل ولا هو الدفاع عن ولادنا

لو سكتنا مسير ابنك او بنتك يبقوا مكان خالد او اى واحد غيره من اللى اتعذبوا بأيد شرطتنا العزيزة

الصورة اللى فوق اخدتها من مدونة شاب فقرى
ميرسى جدا جدا يا كريم

تعليقات

‏قال كلمات من نور
ربي يرد كيدهم في نحورهم


الواحد كل ما يشوف صورته يتخيله ابن من أولادي فيتأوه قلبي و يدعو على الظلم والطاغوت ...........
انا مش هعلق علي الحالة دي بالتحديد... لان لسه فيها شوية حاجات مُريبة ومش واضحة..

لكن انا معاكي ان النظام عندنا بيستخدم الشرطة اسوء استخدام... بيستخدمها كبلطجي بيخوف بيه اعدائه.. وبالتالي البلطجي ده لازم من وقت للتاني يعمل استعراض للقوة.. ونفسيته المريضة تخليه يتصرف تصرفات حيوانية...

ربنا يخدهم ويريحنا من قرفهم..
‏قال GiGi world
جريمه فى حق فى مصر
المصيبه ان اللى عملها مصريين مش يهود يابشر



ايه اللى جرالنا


هى دي مصر

ربنا يرحمنا ويرحم اهل بلدنا يارب من اللى احنا فيه اصل بجد الظلم استشرى
‏قال جارة القمر
كلمات من نور

ربنا يرحمه و يصبر اهله يارب

وحشانى جدا بجد ربنا يطمنا عليكى
‏قال جارة القمر
ابو على

انا معاك برضو ان الموضوع دا تحديدا فيه حاجه ولسه مش واضحة

بلطجة و فتونة و حاجات كتير اوى يا ابو على اللى اعرفه اننا لازم نتكلم بقى
‏قال جارة القمر
جيجى

لا مش هى دى ... دول اللى جوا مصر

فى فرق ما بين الحكومة و بين الارض
‏قال adel
هنشوف
‏قال جارة القمر
عادل

منتظرين
‏قال مصر اليوم
كلام جميل و حساس بجد

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!