الطريق الى عتليت


ليه نقبل الهوان ؟؟؟ ليه نقبل بيه و نسكت و نقول سلام؟؟

دعوة الى كل من لا يعرف ما حدث لاسرانا فى العدوان الثلاثى و النكسة

الى كل من يدافع عن اتفاقية كامب ديفيد

الى كل من يدافع عن موقف العرب السلبى اتجاه اسرائيل


اتفرجوا على ذلنا و المهانة اللى اتعرض ليها ولادنا واخوتنا و نساءنا

مافيش بيت فى مصر مارحش حد منه فى الحرب

شهيد و اسير و مفقود

يا ترى فين حقهم من جرائم اسرائيل؟؟

ليه نسكت احنا عن اى حاجه بيعملوها ضدنا وهما مش يسكتوا عننا

يعنى ايه جرائم تسقط بالتقادم!!!!

فى شرع مين تقتل عزل من السلاح

فى شرع مين تقتل اطفال و نساء

ليه لما انضرب كذا ضابط مصرى على الحدود من اسرائيل كل اللى عملناه تقبلنا اعتذارهم وان ماكنش قصدهم

فيييييييييييين السلام اللى بيقولوا عليه دا

وليه نسيب احنا حقنا ... من المهندسين اللى فى الحرب فى الفيديو قال وهو فى الاسر مد واحد ايده واخد النظارة بتاعته وهو لحد دلوقتى زعلان عليها ........ ليه ؟؟؟ قال عشان دى كان شئ يخصه

صعب حد ياخد حد حاجه بتاعتك تخصك وانت مش تدافع عنها ...... دا يبقى جبن و استسلام

دا زعلان على نظارة اومال الارض !!!!

فى الفلاحين الارض عندهم عرض .... اه عرضهم لو حد زمان كان بيبع ارضه كان بيبقى عار عليه

لانه باع عرضه ... وبما اننا بنتكلم عن اسرائيل واللى عملته

كنا فى اجتماع لاعضاء الكنترول واثناء الاجتماع ذكرنا استاذ راضى أن

"الخامس عشر من مايو كان قيام دولة اسرائيل "

يااااااااااه يعنى اسرائيل دولة من اتنين و ستين سنة

اتنين و ستين سنة عذاب وقتل وتدمير و خداع وسلام مزعوم مالوش اساس من الصحة

اتنين و ستين سنة مذلة و هوان مافيش حد قام و قال دا ظلم ولازم ناخد موقف

اتنين و ستين سنة بنتخانق على ماتشات الكورة و الدورى و مين كسب و مين خسر

اتنين و ستين سنة بنتفرج على الاطفال و الاعراض التى تهتك فى التليفزيون ولا تهتز لنا شعرة

نشجب و نعترض ثم نسكت و نعود الى حياتنا دون حراك

حد سأل نفسه هو ليه اسرائيل قدرت تحافظ على دولتها كل الوقت دا ؟؟؟

عشان ضعفنا وسكوتنا ولا عشان هما عرفوا يخططوا صح و مشيوا فى طريقهم

انا متأكدة ان النصر قريب أكييييييييييييد .... بس لما ننصر نفسنا الاول

بس السؤال الاهم احنا ليه راضين بالهوان ؟؟؟؟؟

اتكلموا يا مدونين .... يا ناس عرفوا ولادكم و اخواتكم مين اسرائيل و فين حقنا و مين اخد حق التانى

البداية من عندنا ... خد ابنك واقعد معاه وقوله حقه فين و ان عرضه هو ارضه

ماينفعش يسابها للكلالالالاب تعربد فيها

البوست مفتوح لاى حد عايز ينقله او يكتب عن الكلام دا

دعوة مفتوحة لكل الناس اللى لسه عندها ضمير

مش عايزين نسكت ودا اضعف الايمان

تعليقات

متفق معاكي في كل كلمة...

تحياتي..
‏قال جارة القمر
ابو على

ميرسى لمرورك
كلامك جامد جدا حسيت ان صوتك بيزعق فى ودانى

اذا كان مش عارفين نحل الاعتصامات ال على الرصيف يبفى حنحل مشكلة بلد :((
‏قال جارة القمر
قلب بيتعب عشان حبيبه

بجد كان جامد اوى ؟؟؟ طب كويس يمكن حد يسمع

ما هى دى الحكمة انهم يشغلوك بحالك عشان تقعد تعمل اعتصامات و تقول لما احل مشاكلى الاول ... الوطن ارض وعرض وشرف لو ضاع ضعنا احنا كمان
بجد كان جامد اوى عند شك فى كدا
دايما مواضيعك جامدة
انا بحب الصراحة

اتفضلى بيس و جاتو بمناسبة ميلادى
‏قال جارة القمر
قلب بيتعب عشان حبيبه

بيبسى و جاتوه حتة واحدة ممممممم لالا خليها حتة من التورتة ولا انت هتاكل علينا التورتة بتاعت عيد ميلادك ؟؟؟ هههههههههههههههه

كل سنة وانت بألف خير و عقبال سنينك الجاية كلها يارب ربنا يسعد ايامك

المشاركات الشائعة من هذه المدونة

مقتطفات اعجبتنى २ - شهرزاد الخليج

الرجالة دول جزم بس المشكلة ان الستات مابتعرفش تمشى حافية!!!!!!