يوم واحد تكون انسان


جربت يوم تكون انسان ؟؟؟

انسان بجد من اللى خلقهم ربنا ... فيها ايه لو جربنا يوم نكون كدا

يوم واحد بس ... السابع عشر من مايو

هنكون فيه بنى آدمين ... هنعيش حياتنا بس من غير فساد

قوم اليوم دا واتوضى وصلى ركعتين لله بنية التوبة عن اى حاجه عملتها

وانزل روح شغلك وانت ناوى تكون مخلص لعملك بجد
ما تقبلش رشوة ولا تقبل ترشى حد

وانت ماشى لو شفت حد بيرمى حاجه فى الشارع قوله لأ كدا غلط ماتسكتش

دى حياتنا احنا اللى نمشيها مش هى اللى تمشينا

الموضوع مش حكومة ولا الفساد اللى فوق .... الموضوع موضوعنا احنا

جرب تكون يومها صادق مع نفسك و قولها "دا مايرضيش ربنا"

جرب لما تكون راكب مترو و شفت ست كبيرة و تعبانة من الوقفة قوم لها واقعدها

ساعد حد محتاج مساعدة

افتح دولابك وطلع حاجه مش عايزاها واديها لحد محتاجها

افتح قلبك و شيل كل نقطة سودا جواه و خليك يومها بقلب ابيض صافى اوى من جواه

لو زوجة حاولى ترضى زوجك .... امنعى ابنك من حاجه غلط بيعملها

لو زوج ارضى زوجتك و اتذوقلها زى ما هى بتتذوقلك

لو طالب ذاكر بجد ... سيبك من اى حاجه تانية شاغلة دماغك

لو كنت مرتبط ببنت ومعلقها معاك ارضى ربنا و حافظ عليها وبلاش تضحك عليها بكلمتين انت مش حاسسهم

لو كنت مدرس ادخل حصتك وانت ناوى تعلم ولادك و تربيهم مش داخل عشان تخليهم ياخدوا دروس عندك

تيجى نجرب ناخد بكلام د/ عائض القرنى

"لليوم فقط سأعيش فأغرس فى قلبى الفضيلة وأجتث منه شجرة الشر بغصونها الشائكة"

تيجى ما نحسدش ولا نتكبر ولا نكدب ولا نخون ثقة حد فينا

تيجى نقف وقفة مع نفسنا فى اليوم دا ... اليوم دا بس

نعمل فيه اللى يرضى ربنا بجد ... ابقى انسانة و تبقى انسان

يا ريت اى حد شايف ان الوقفة دى احنا محتاجينها يكتب عنها عنده فى المدونة او الفيس بوكأو حتى يتكلم عنها مع اصحابه

صاحب الحملة مدونة هنعيش يعنى هنعيش

تعليقات

أزال المؤلف هذا التعليق.
ربنا يكرمك
كلام جميل قوي قوي قوي
ربنا يجزاكي كل خير ويجعلنا ممن يستمعون القول فيتبعون احسنه
‏قال جارة القمر
د/ ستيتة

منورانى جدا جدا جدا بجد

ربنا يكرم حضرتك لانى عرفتها من عندك
ربنا يجعلنا من المحسنين
‏قال جارة القمر
قلب بيتعب عشان حبيبه

هو انت ليه من البوست اللى فات بتكتب تعليقات وتمسحها ؟؟؟
‏قال كلمات من نور
يارب يوم وباقي اعمارنا يارب ...زتسلم ايديكي
‏قال جارة القمر
كلمات من نور

يارب ... تسلمى على مرورك
جزانا الله و إياكِ خيراً
‏قال نـــوارة
كيفك ياقلبي يارب تكوني بالف خير

مشتقالك كتير والله معلش انا مقصرة معك ومع الكل بقالي فترة بعيدة عن التدوين

متحرمش منك ياحبيبتي ولا من سؤالك عليا

ان شاء الله تكون امورك كلها تمام

وجزاكي الله كل خير عالبوست

دمتي بحفظ الرحمن
‏قال جارة القمر
ولد تحت الصفر

اللهم أمين

نوارة

ميرسى يا جميل وربنا يجازينا كلنا خير
منورانى و حمد على السلامة و التدوين افتقدك ... مممممممم بالنوسبة للسؤال اعتقد انك تقصدى حد غيرى

شرفتينى يا قمر

المشاركات الشائعة من هذه المدونة

مقتطفات اعجبتنى २ - شهرزاد الخليج

الرجالة دول جزم بس المشكلة ان الستات مابتعرفش تمشى حافية!!!!!!