حسبى الله و نعم الوكيل

ازيكم ازيكم كلكم على بعضكم ؟؟؟؟ كويسين ... طويب تمام خالص
انا اتفرست انهارده فرسة جامدة جدا الصراحة وقلت افرسكم معايا ممكن ؟
ايوووووووون ممكن انا مش ديموقراطية خالص على فكرة يعنى هتتفرسوا هتتفرسوا
من شويتين كنت بتفرج على برنامج العاشرة مساءا ولقيت ان البرامج يتم اذاعته من لندن
وربنا يبارك فيه المذيعة حبت تقولنا اننا مش فاهمييييييين حاجه فكان الاتى
انها عملت لقاء فى احدى المدارس فى لندن للتعرف على فهم الطلاب لعملية الانتخاب وهل هم على دراية بأهميتها أم لا ؟
تتوقعوا ايه ؟؟؟؟ هحكيلكم
اولا ادارة المدرسة اصرت فى بادئ الامر ان تلقى اسرة البرنامج نظرة على من تخرجوا من المدرسة و حصلوا على جائزة نوبل!!!!!
ثانيا التلاميذ اللى اخدت المذيعة رأيهم كانوا على دراية كاملة بأهمية الانتخاب ونزاهته رغم اعترافهم ان الحكومة لها اخطاءها ولكن اخطاء ليست فادحة جدا
ثالثا تحدثت المذيعة مع احدى المدرسات وكيفية تلقين التلاميذ أهمية الانتخاب فكان رد المدرسة انهم يقومون بعمل شكل مصغر لانتخابات فى المدرسة حيث يتم اختيار مجموعة يمثلون الاحزاب و عليهم عرض برنامجهم الانتخابى و على التلاميذ اختيار من يحبذونه من بينهم
اتفرستوا ولا لسه ؟؟؟؟ طب استنوا عشان الفرسة تكمل
فى أحدى المدارس فى مصر يجلس مجموعة من المدرسين عشان يشربوا حشيش فييييييييين ؟؟ فى المدرسة ... ايون صدق او لا تصدق
بيشربوا حشيش فى المدرسة ... وواحد زميلهم صورهم و ارسل الصور لادارة وم احالة المدرسين للتحقيق
مش لاقيه تعليق على الكلام الصراحة ... يا ترى العيب فين ؟؟
شوفتوا ان المدرسة بتخرج ناس تاخد جائزة نوبل ... احنا مدارسنا بتخرج ناس عشان تقف على الناصية (مع الاحترام طبعا للمدارس المحترمة )
أن تنشأ جيلا قياديا ليس سهلا كما يظن البعض ...فالجيل مثل النبتة الصغيرة تحتاج ماءا كثيرا حتى ترتوى و عندما تكبر تعطى بلا مقابل
عليك ان تذرع داخلهم من صغرهم ان لهم أهمية لا تقل أهمية عن المحارب فى الميدان
الموقفان الذين سبق وذكرتهم اسكتوا لسانى عن الحديث

تعليقات

‏قال كلمات من نور
لا أسكت الله لكي حسا ......زبس احنا في زمن كل اللي بنقراه ونسمعه قابل للتصديق ....مش بعدنا عن أصول الدين؟

ربي يعصمنا و يهدينا يارب ...تحياتي
انا اتفرست جدا بس من جملة واحدة...
"مع الاحترام طبعا للمدارس المحترمة"...
هوا فيه مدارس محترمة في مصر؟؟؟؟؟؟
حسبنا ونعم الوكيل
ربنا يهدى
انا نفسى زمن الكتاب يرجع تانى
المشكلة ان اننا بنعلمهم علشان يجبوا مجموع مش بغرض العلم والاستفادة وايه الغرض من العلم ده بس لو جيتى تدورى على السبب حتلاقيه حلقة مستديرة ملهاش نهاية ربنا يصلح حالنا ويهدى

هل فى طالب عندك قال نفسه ياخد نوبل او يبقى رئيس او وزير ؟
شكرا لوصفك
‏قال جارة القمر
كلمات من نور

عندك حق ... احنا بعدنا كتير اوى
‏قال جارة القمر
ابو على

ايون فى يا ابو على
‏قال جارة القمر
قلب بيتعب عشان حبيبه

اه فى تلاميذ عايزين ياخدوا نوبل و يبقوا رؤساء للوزارة ... بس فين الاهتمام الامثل لمثلهم ؟؟؟ عندنا فى المدرسة بنحاول نعمل الاهتمام دا لكن خلينا نتكلم بالعقل مدرسة او اتنين فى وسط مليون مدرسة مش بتفرق معاهم يبقى ولا كأننا بنعمل حاجه

ميرسى لمرورك

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!