حواديت


ياما فى زماننا قلوب رسماها اعمارنا

زى النجوم حواديت

على ضل شباكنا

دى مركبى فضة

وفرحى لو قضا

حبيبتى تبقى معاى

من غيرها مش هرضى

ساعات اتوه مرات

القى القمر هدى

يسقى النسيم شربات

فى ليل طويل عدى

الصعب راح ولا الحب ده احلى

لو وقفت الساعات صوتى اكيد اعلى

لو زارنى فرحى ساعات

حواديتى ما بتخلص

قمرى حصان فى الليل نجوم دى بترقص

والحلم ويايا والذكرى جوايا

من بين كتير حكايات حكايتنا دى حكاية

ساعات احب حاجات ما يحبهاش غيرى

فى الرايحة فى الجايات اغنى مع طيرى

طمنى اطمن فى القلب راح اسكن

وطول هواكى معاى

ادفا واطمن

اغنية حواديت - محمد منير

بحبها وحبيت تسمعوها معايا

ــــــــــــــــــــــــــــــــــــــــــــــــــــــــــــــــــــــــــــ

عندما تجد ما تحن اليه

عندما تجد من تفرد ذراعيك و تطير فى السماء معه دون قيود

فأعلم انك احببت بكل ما فيك

عندما يرقص قلبك طربا لرؤياه

عندما تجد من تطمن لمجرد سماع اسمه

فأعلم انك احببت بكل ما فيك

عندما يبتعد قلبك عن الناس فلا ترى سواه

ولا تجد راحة الا بين يديه

فأنت احببت بكل ما فيك

كلماتى - وجدتنى اكتبها بالرغم اننى لم اكن انوى كتابتها

ـــــــــــــــــــــــــــــــــــــــــــــــــــــــــــــــ

الصورة اللى فوق بتعبر عن حالتى الان

فرحانة و سعيدة و مبسوطة و لكن كمان خايفة اوووى

ربما هو الخوف المصاحب دائما للسعادة

ــــــــــــــــــــــــــــــــــــــــــــــــــــــــــــــــــ

اعتذر عن غيابى هذة الفترة بس الشغل كتير اوى الايام دى الامتحانات على الابواب

ربنا يستر

تعليقات

ربنا يوفقك في الامتحانات شدي حيلك...
وربنا يسعدك ديما ويطمنك...
‏قال мαησηα
ساعات احب حاجات ما يحبهاش غيرى

فى الرايحة فى الجايات اغنى مع طيرى

طمنى اطمن فى القلب راح اسكن

وطول هواكى معاى

ادفا واطمن

بحب دى اكتر حتة فيها

علشان الحب دفا واطمئنان

ربنا يسعدك حبيبة قلبى ويكرمك ويوفقك

وبجد بتوحشينا ابقى طمنينا عليكى ياقمر
‏قال كلمات من نور
حلوة قوي كلمات الحب دي .....زبجد جميلة يا جارة القمر ..وربنا معاكم في الإمتحانات انتم والطلبة والطالبات والتلاميذ والتلميذات ....قولي آمين
‏قال جارة القمر
ابو على

ربنا يكرمك يارب بس انا مش اللى بمتحن دى امتحانات الطلبة اللى عندى
‏قال جارة القمر
مانونا

ميرسى يا قمر وانتى كمان وحشانى فعلا

انا متفقة معاكى فى القطعة دى :)
‏قال جارة القمر
كلمات من نور

منورانى بجد مرورك الاجمل يا قمر

ربنا مع الجميع يارب :):)
بنبسط اوى لما بشوفك فرحانة لان بحس انك عندك كمية حزن ومش عايزة تبيتيها
ربنا يسعدك يارب على طول
‏قال جارة القمر
قلب بيتعب عشان حبيبه

سعادة كلمة بعيدة اوى مش انا قلت خايفة وطلع خوفى فى محله السعادة مش كملت .. الحمد لله على كل شئ

المشاركات الشائعة من هذه المدونة

مقتطفات اعجبتنى २ - شهرزاد الخليج

الرجالة دول جزم بس المشكلة ان الستات مابتعرفش تمشى حافية!!!!!!