لأجلى ... لأجله


هو الامان
لاجلى يتعب
لاجلى يسهر
لاجلى يحنو على
لاجلى يعاقبنى
فهو يعرف متى يقسو و متى يحنو
هو يعرفنى اكثر من نفسى
خلقه الله لى
لى وحدى
لاجله اغلقت على قلبى
لاجله ادخرت كل حنانى
و كل رقتى
اشعر انى اصبحت انثى فقط له
و ليس لاى احد اخر

ـــــــــــــــــــــــــــــــــــــــــــــــــــــــــــــــــ

انا نشرت البوست دا زماااااااان

معرفش ليه حسيت انى عايزة انزله تانى

يمكن عشان حسيته الفترة اللى فاتت

ما علينا

هو يعنى ايه الأمان ؟؟؟؟

وانا صغيرة كنت بفهم كلمة الامان دى بشكل مختلف

كنت متصورة شكل واحد بيضرب جامد عشان خطيبته واحد عاكسها وكنت بقول

يا سلالالام هو دا الامان ولا بلاش الواحدة تبقى ماشية و عارفة ان معاها حد بيحميها

بس تصدقوا بعد ما كبرت شوية عرفت ان معنى الامان مختلف عن ما كنت اعتقده

اتذكر وانا فى الاعدادية كان بابا سافر الحج ... كانت ماما بتعمل حاجه غريبة اوى

كانت بتلمنا انا واخواتى عشان ننام معاها فى الاوضة ... كنت اقولها ليه كل داااااا

هو احنا هنتاكل ؟؟ لما كبرت شوية فهمت انها كانت مفتقدة الامان اللى بابا كان بيحسسها به

فهمت ساعتها ان احساس الامان مع انسان حاجه مختلفة عن يضرب حد اتعرض لك

عارفين ؟ لحد دلوقتى مش بعرف أوصف فهمى لمعنى الامان دا لكن بحسه

عارفين الاصعب ايه ؟ انك تحس الامان مع انسان و تكتشف انك لا تسطيع ان تكون معه !!!


على الهامش

ما يدمى القلب دائما ... ان تقف مكتوف الايدى امام حلم لم يعد حلمك بعد الآن

تعليقات

‏قال VOltaa
ما يدمى القلب دائما ... ان تقف مكتوف الايدى امام حلم لم يعد حلمك بعد الآن
.
صح اوى اوى اوى
‏قال VOltaa
كلامك عن الأمان حقيقى
تعرفى فيه مشاعر كتير صعب الواحد يوصفها او يكتب عنها
لكن يقدر يحس بيها
زي كلامك عن الأمان بالظبط
‏قال VOltaa
الواحد بقاله زمن محتلش حددددددددد
‏قال VOltaa
ياااااااااااااااااااااااااهووو

حد هناااااااااااا

حد سااااااااااااامعنى
‏قال VOltaa
ياااااااااااااااااااااااااه

حد هناااااااااااا

حد سااااااااااااامعنى
‏قال VOltaa
على فكرة التعليق مش مكرر ده صدى الصوت :P

نياهاهاهاهاهاهاهه
‏قال VOltaa
نياهاهاهاهاهاهاهه



.
صدى الصوت برده :P
كل سنة وانتى طيبة
اهاه باين من ريحتك كلتى رينجة ووفسيخ وبصل اخضر :))

البوست طبعا جميل وبلا شك وبلامنافس
لكن لما كنت قراته انا زمان كان فيه حاجة عجبتنى ملقتهاش هنا فطبعاروحت اتمشى شوية للبوست القديم وقعت اقرا البوستات القديدمة اتارريه فى الاخرررررر :))

لا اعرف ذلك المنتظر ... و مازلت اتمنى ايجاده

ربما لست انا من تستحق كل هذا الحب

انبسط قولت يمكن وجد المنتظر وفعلا حاسة بالامان
اتمنى ان تفضلى بامان الله طول عمرك
‏قال جارة القمر
محمد

ايون احتل المدونة بقى و اعمل ازعاج هههههههههههههههه احتل براحتك يا سيدى ولا يهمك

معاك طبعا ان فى مشاعر كتير مش بتتوصف تتحس بس
‏قال جارة القمر
قلب بيتعب عشان حبيبه

انت حافظ البوستات ولا ايه ؟؟؟ لدرجة انك تعرف ان فى كلام ناقص ... هو فعلا انا شيلت الجملة دى .. بس مش عشان لقيته كان نفسى ابسطك واقولك اه لقيته .. او يمكن لقيته لكن ذهب مع الريح ومابقاش موجود خلاص
مافيش حاجه بدوم فى الدنيا حتى الامان للاسف
‏قال جارة القمر
اه نسيت اقولك انا مش بحب الرنجة ولا الحاجات دى خالص :):)
انا اسف ليكى ما كنتش احب اسمع حاجة زى دى منك وال ضايقنى اكتر (ذهب مع الريح)يظهر انه كان قاسى علشان كدا ذهب بسرعة
وبعدين احتا كلنا جنبك ومشاء الله واضح ان كل اصحابك بيحبوكى وطلابك لان دمك زى العسل :)
وانا كمان والله مش بطيق ريحة الرنجة ولا الفسيخ ولا الاسماك عموما :((
‏قال جارة القمر
قلب بيتعب عشان حبيبه

اهلا اهلا تبهجج يا بنى كدا وانشكح ..
ربك كريم و مش بيسيب عبيده .. من ناحية القسوة تؤ تؤ مش قسوة لكن هى الظروف وربنا يوفقنا كلنا

لا انا بحب السمك لكن الرنجة و كدا نوووو

ميرسى لكلامك بخصوص حب اصحابى و دمى اللى زى العسل اخجلتم تواضعنا يا فندم :$:$
مشاء مشاء الله ماكنتش اعرف ان فى ناس قلبها زى البلسم ولا فى خفة دمك فعلا ربنا يوفقنا كلنا امين يارب وبارب يزيد المحبة بين الناس جميعا يارب نفسى الناس كلها تكون متسامحة وبتحب وتخاف على بعض ربنا يوقفقنا
امان....
كلمة لو عرفتي توصفيها بالكلمات... غيرك مش هيفهمها... علشان كل انسان بيشعر بالامان بشكل مختلف... وبشعور مختلف.. ولاسباب مختلفة...

بوست جميل.. تحياتي
‏قال جارة القمر
قلب بيتعب عشان حبيبه

ميرسى لكلامك ربنا يخليك .. وربنا يوفقنا كلنا
‏قال جارة القمر
ابو على

كلامك صح جدا

ميرسى لمرورك نورتنى فعلا
‏قال كلمات من نور
الإنسان بيحتاج صمام أمان دايما مضبوط ولو حصل له حاجه بيختل وتوازنه بيهتز ...على فكرة أنا باعمل زي مامتك لما زوجي يسافر
(:

تحياتي
‏قال جارة القمر
كلمات من نور

ازيييك ؟؟ منورانى و الله

زى ماما مممممممم تبقى انتى فاهمة معنى الامان زينا ودى حاجه تبسطنى جدا
ربنا يكرمك و يبارك لك فى زوجك يارب
‏قال قول ياااارب
عارفين الاصعب ايه ؟ انك تحس الامان مع انسان و تكتشف انك لا تسطيع ان تكون معه !!!



ما يدمى القلب دائما ... ان تقف مكتوف الايدى امام حلم لم يعد حلمك بعد الآن

بجد الكلام اللى بيخرج من القلب لازم يوصل للقلب مباشره وكلامك خبط ف قلبنا ع طول هههههه
اما الامان هو فعلا من الاحاسيس اللى صعب وصفها هيا تتحس بس وانا من كتر حبى للامان نفسى لما يكون عندى ولد اسميه أمان لاننا بجد محتاجين للامان
تسلمى ياجميله على موضوعك الهايل ده
وتقبلى مرورى الاول
‏قال جارة القمر
قول يارب

اهلا منورانى فى اول زيارة واتمنى يدوم التواصل يا جميلة

كلامك فى محله محتاجين الامان هو دا بالظبط
‏قال فشكووول
السلام عليكم جارة القمر

يا جاره الواحد عايز يمشى جنب واحده اليومين دول عشان هى اللى تدافع عنه
‏قال جارة القمر
استاذ فشكووول

حضرتك عامل ايه ؟؟
ههههههههههههههههههه اه و الله عندك حق
‏قال غروب
ازيك يا قمر وحشانى والله

الكلام الاول جميل

خصوصا لما قولتى انك تشعري انك انثي لاجله فقط

معلش انا مقصره في حقك

ادعيلي

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!