براءة أطفال

طول السنة جوابات جوابات لحد ما مصلحة البريد هتشتكى قريب ... طبعا الجوابات دى من بناتى فى المدرسة من سن ست سنوات و انت طالع ببقى فرحانة بيهم اووووووى لما بنوتة تيجى تقولى يا ميس الجواب دا ليكى
افتكرت دلوقتى موقفين كانوا بجد جامدين جداااااااا ... يوم كنت داخلة الفصل و تقريبا كنت غايبة قبلها بيوم لقيت البنات فى الفصل رسموا ورد على السبورة و كتبوا بنحبك يا ميس مى بجد كنت فرحانة جدااااااااااااااااا ... الموقف التانى كنت فى فصل سنة رابعة ابتدائى بنات
وانا مطلعة مجموعة من البنات يمثلوا ادوار زى الانسان المصرى قديما و بعد ما مثلوا و دخلوا لقيت بنت راحت رافعة ايديها عشان عايزة تقول حاجه انا افتكرت انها عايزة تسأل سؤال ... لقتها قالتلى "أنا بحبك اوى" يا نهااااااااااااااارى حتة موقف بجد روعة جدا
دى شوية صور للجوابات اللى جتلى و صورة احلى هدية حبتها فى عيد الام


دا برفان جالى كهدية عيد الام انا وقعت فى غرامه من أول نظره ليه بقى سؤال وجيه لانى بحب اللون الموف بكل درجاته و البرفان دا فيه كل درجات الموف من اول العلبة الخارجية حتى لون الغطا بتاع الزجاجة .... باقى الهدايا عبارة عن اطباق و كوبايات شكلهم كانوا بيجهزونى و انا مش واخدة بالى ولا ايه




طبعا ماحدش يتريق على الكلام لانهم اطفال لسه مش بيعرفوا يكتبوا اوى ... اه صحيح انا عجبتنى الوردة اللى فى الاخر دى
حسيت ان البنت اجتهدت انها تعمل حاجه كبيرة
على هامش الحفل :
دايما بيقولوا ان الشخص اللى الاطفال تحبه اوى يبقى اكيد قلبه طيييييييييب جدا و حنين ... يا ترى دا صحيح ؟؟
رغم ان فى اوقات الاطفال مش بتحب شخص معين اوى لكن هو طيب جدا برضو ... ليه دايما بنريط بين الاطفال و الطيبة
طبعا الاطفال عندهم من البراءة ما يكفى انهم يحسوا بطيبة الانسان اللى ادامهم لكن مش بالضرورة يبقى حبهم مقياس للطيبة و الحنية
حد عنده تفسير للموضوع دا ؟؟

تعليقات

‏قال adel
كل سنة و انتي طيبة
وحب الاطفال شئ جميل
سواء ليه معني او ملوش
‏قال جارة القمر
عادل

وانت طيب ... اكيد انا اتفق معاك :)
‏قال Timo..
اللللللله..
بجد حسستيني اني رجعت ايام زمان من تاني وتخيلتني باتكلم عن اول مدرسة واول حد احبه من اول نظرة :)
D:D:
يابختك بنفسك.. ويابختك بيهم.. اللهم لا حسد.. ماشاء الله عليكي وعليهم..
زي العسل والله ..

ربنا يحبب فيكي خلقه كمان..

بتهيألي الاطفال بيحبو ال يحسو ال هوا بيحبهم.. مش بيحبو الانسان الطيب بس..

كل سنة وانتي طيبة يامس مي
‏قال قلم رصاص
لمسات بسيطه ومعانيها اكبر من اطفال في عمر الزهور

ربنا يزيدهم حبك في قلوبهم دايما

تقبلي تحيتي
‏قال NeVeN
ازييك
على فكرة الاطفال فعلا بيحبو اللى بيحسوه حاببهم وقلبه طيب وشفاف زيهم
وحب الاطفال لمدرسة ليهم بقا دلوقتى عملة نادرة فى فوضى وعنف التعليم دة شئ لازم تفتخرى بيه اكيد انتى احلى واطيب ميس عندهم
ربنا يزيدك طيبة على طيبة قلبك


والجوابات دى سكررررررررة خالص حسيتها كله براءة

مساءك موف
‏قال كلمات من نور
يا جمالهم وحلاوتهم يا أحلاه ميس في الدنيا

بيقولوا الأرواح جنود مجندة ما تعارف منها ائتلف وما تنافر منها اختلف وانتي روح حلوة يبقى اكيد كلهم حيحبوكي يا ميس ....تحياتي
‏قال شاب فقرى
اكيد مش لوحدهم اللى بيحبوكى

كلنا بنحبك أكيد :)

فقرى
‏قال (حلـم)،،
اول مرور


كل سنة وانتي طيبة يارب


والحب ليس لة عمر


فهو جزء لايتجزء من حياتنا


ولو لم نجدة لاخترعناة





مودتي
‏قال جارة القمر
تيمو

اى خدمة ابقى تعالى كل يوم :D:D

منورنى كالعادة
‏قال جارة القمر
ابو على

يا ساتر شكلك بتحسدنى كدا مش هينفع

متفقة معاك اكيد :)

وانت طيب ربنا يخليك :):)
‏قال الأرمـوطــي
السلام عليكم
بسم الله ماشاء الله مدونتك جميلة وموضوعك دة لذيذ جدا وربنا يحبب فيكى خلقة كمان وكمان وعقبال ميبقى عندك اولاد من دمك ويقولولك كل سنة وانتى طيبة ياماما وانا اعتقد انك انسانة طيبة فعلا وحنيينة لان الاطفال بيتاثروا اكتر حاجة بالحنية وانا اعتقد ان الاطفال بيميزوا الانسان الطيب بفطرتهم السليمة الى خلقهم عليها ربنا والى لسة ملوستهاش الحياه ومشاكلها وهمومها
تحياتى ليكى وكل سنة وانتى طيبة
‏قال جارة القمر
قلم رصاص

اللهم امين يارب :) منرونى كالعادة طبعا
‏قال جارة القمر
نيفين

عاملة ايه ؟؟ يارب تكونى بخير يارب

ربنا يكرمك على كلامك اللى زى العسل دا ويارب تنورينى دايما كدا
‏قال جارة القمر
كلمات من نور

ازيييييييييك ؟؟ يارب تكونى بخير يارب

ههههههههههههههه انتى اخدتى بالك من احلاه ميس دى :):)

اكيد كلامك صحيح ... منورانى دايما يارب
‏قال جارة القمر
شاب فقرى

:$:$:$ كسفتنى كسفتنى

ربنا يخليك يارب ويكرمك
‏قال جارة القمر
حلم

يا هلا يا هلا يارب دايما تشرفنى

اكيد كلامك صح جدا :)
‏قال جارة القمر
الارموطى

ميرسى جدا لكلامك ربنا يكرمك يارب و يديك السعادة كلها
‏قال мαησηα
يا عثل ماشاء الله عليهم

عارفة يا ميوية انا عمرى ماسمعت

اجمل من كلمة بحبك

الا من الاطفال بجد ليها مذاق واحساس

تانى خالص

حلاوتها انها بتحصل فجاة

وبجد بتبقى طالعة من القلب

اووووووووى ولا نفاق ولا مجاملة

ولا بيمشوا بيها حالهم

وبعدين يا ست الكل الاطفال

دول مقياس الحب لسبب انهم دايما

رمز الصفاء والطهارة حد برئ

جداااااا وحساس جداااا

ولا يعرف ينافق ولا يعرف يلف ويدور

زى ماتقولى احساسهم نضيف بس ياستى

لهذا السبب هم مقياس للحب

ربنا يزيدك محبة يا جميلة

اللهم امييييييييين
‏قال The illusionist
بجد دى حاجه تفرح جدا
حاجه تشرح القلب والله
ربنا يخليكى ليهم كمدرسه حلوه كده
بتفكرينى ايام ما كان فى مدرسين بحبهم فعلا
شعور حلو
انك تحب مدرس بيدرسلك
ده مكنش بيحصل الا نادرا
بس فعلا
لما مدرس يخلى الطلبه يحبوه كده
يبقى يستاهل يحمل لقب معلم اجيال
ويستاهل الحب ده
بجد دى حاجه تزيطك من الفرحه
‏قال جارة القمر
مانونا

منورانى يا جميل

كلامك تمام جدا جدا وانا متفقة معاكى و الله

ربنا يحبب فيكى خلقه يارب
‏قال جارة القمر
زناتى

تزيطك ههههههههه ايه يا بنى اللغة دى

انت عامل ايييه و ايه اخبارك ؟
كلامك جميل كالعادة والصور اجلى واسمك اجلى ربنا يخليهم ليكى
وعقبال ماتشوفى اولادك ويجبولك هدايا كلها لونها بنفسج وموف :)
‏قال جارة القمر
قلب بيتعب عشان حبيبه

متسجل تأخيييييير ... ايه الغيبة دى ؟؟

ربنا يكرمك و يخليك على ذوقك ميرسى جدا
متسجل تأخيييييير
ايه هوا انا طالب :) جاى متاخر
وعلى فكرا انا كنت قرايته فبل ماحد يرد بس كنت داخل من الموبيل فاماكنتش برد
بس تعرفى ياريت اكون طالب عندك :) اخد حنيتك على الطلبة ولطفك معاهم
اسف لو كان كلامى فى تعدى للحدود بس دى احساس حبيت اكتبه مرسيه لكلامك يازوق
‏قال جارة القمر
قلب بيتعب عشان حبيبه

ايووون طالب ايه عندك اعتراض ولا حاجه

اه بحسب عندك اعترااااض انت ماتعرفنيش انا شوريرة بس مش بيبان عليا هههههههههههه

ميرسى لذوقك ربنا يخليك :):)

المشاركات الشائعة من هذه المدونة

مقتطفات اعجبتنى २ - شهرزاد الخليج

الرجالة دول جزم بس المشكلة ان الستات مابتعرفش تمشى حافية!!!!!!