المعلم ليس مادة علمية فقط

هل المعلم مادة علمية يدخل يلقيها على الطلاب ؟
و يفهمها الطلاب و يحفظونها و هكذا تكون مهمته انتهت ؟
فى النصف الدراسى الاول طلب مننا كمدرسين للصف السادس الابتدائى
ان نضع خطة للوصول بالطلاب الى مستويات على مستوى المحافظة
واخذنا نبحث و نتناقش كثيرا حتى توصلنا الى عمل معسكرات فى ايام الاجازة
و حل تدريبات اضافيه مع الطلاب المتفوقين و غيرها من الاقتراحات
ما لفت نظرى فكرة تقدم بها احد الزملاء و هى "التبنى العلمى "
ويقصد بها ان يتبنى أحد الطلاب فى كل شئ ثقافيا و اخلاقيا
بمعنى اصح عمل دراسة متكاملة عن الطالب الذى تبناه
هواياته و قدراته العلمية ॥ ما يحب وما يكره و هكذا
توقف ذهنى عند هذه الفكرة
ولكنى لم انتبه لها كثيرا فى ذلك الوقت
ما أثارها داخلى مرة اخرى ما تعرضت له الايام الماضية
منذ اسبوع تقريبا دخلت حصة احتياطى فى فصل اولى اعدادى بنات
وصادف ان تطور الحديث لطبيعة المرحلة التى يمرون بها
وأخذت اتحدث معهم و لاحظت اسغرابهم أننى اوصف ما يمرون به بالفعل
وما يحسونه و يشعرون به ... بعد خروجى من الحصة طلبت احدى تلميذاتى
الحديث معى فيما يخصها من شئون و صرحت انها تثق بى و طلبت رأيى
فوعدتها ان اساعدها اذا توجب على ذلك
و اعتقد انكم توقعتم ما تريد الحديث عنه ... انه هو ॥ الحب
تكلمنا سويا كثيرا عن هذا الامر و بدأت البنت تقتنع ان احساسها ليس حقيقيا بالفعل
بعدما انهيت الحديث معها توجهت الى وكيلة المدرسة و طلبت منها ان نقيم ندوة
لطالبات الاعدادى و نحضر أحد المتخصصين للحديث معهم عن طبيعة مرحلة المراهقة
وكيفية التعامل مع ما يمرون به فى ذلك الوقت
ما أثارنى فى هذا الامر عدة نقاط :
اولا : ان المعلم لا تنتهى مهمته عند حدود ما يدرسه وان هناك ضرورة فى بعض الاحيان ان تتحدث مع ابنائك حوارا مفتوحا
بدون قيود ولا حواجز تطلق لهم حرية التعبير عن أنفسهم و ما يشعرون به حتى أن كانت حرية التعبير تشمل رأيهم فيك انت شخصيا
فالمعلم مكانته مثل مكانة الاب و الام فى المنزل ... بالاضافة الى أن فكرة التبنى العملى التى ذكرتها سابقا تساعد كثيرا فى فهم التلاميذ و اى المداخل تناسبهم للوصول للهدف المنشود
ثانيا : ضرورة اقامة ندوات فى المدارس و يجب ان يكون المتحدث شخصا متخصصا فى مجاله وليس احدى المدرسات
لتكون الندوة مجدية و تأتى ثمارها
ثالثا : أن ما يزيد الامر سوءا هو بعد الاباء و الامهات عن اولادهم فى تلك الفترة اعتقادا منهم ان دورهم انتهى ما دام الاولاد لديهم المقدرة على المذاكرة وحدهم و كأن حياة الابناء اصبحت مدرسة و دروس و مذاكرة و بس دون الالتفات الى المرحلة العمرية التى يمر بها الابناء
والاخطر ان يكون الاب او الام على عدم وعى بكيفية التعامل مع الابناء ولا احتوائهم ... فى أحدى الدورات التى اقامتها لنا المدرسة
و التى اعتبرها الأكثر فائدة الصراحة هى الدورة عن طبيعة المراحل العمرية التى يمر بها الانسان و ما لفت نظرى هو تكرار أن الاب والام عليهم اسماع بناتهم كلمات الاعجاب بها حتى تعتاد الفتاة على سماعها ولا تكون متعطشة و محرومة عاطفيا منها فتستجيب الى اى محاولة خارجية فى مرحلة عمرية غير مناسبة
رابعا : لا تكن كمن يدفن رأسه فى الرمل ... اذا اتت ابنتك و قالت انها تحب و هى مازلت صغيرة السن على ذلك لا تتعامل مع الموقف و كأنه عيب انك تتكلم لان دا هيخليها تاخد رأى اصحابها و هن بدورهن لا يعتبرون افضل منها فى هذا لانهم فى نفس الفئة العمرية و بالتالى فنصيحتهم على الارجح تزيد الطين بلل
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
على الهامش :
بما أن عيد الام خلاص اهو كمان يومين فأنا كنت مبسوطة الايام دى عشان بناتى فى المدرسة جابولى هدايا و فى منهم اللى بعتولى جوابات
صغنونة كدا على أدهم وانا فرحت بيها اوووووووووووى هبقى اصورهم و احطولكم الصور هنا بس مش عايزين قر ها مش ناقصين و النبى ॥ صحيح الامهات بتفرح لما ولادها يجبولها هدايا بس بجد انا فرحت كأنى مامتهم بالظبط

تعليقات

مشاء الله كلامك كله جميل وصح يابخت المدرسة بيكى
وماعنديش اعتراض على حاجة
علشان كدا لازم ننمى دور الاخصائى النفسى و الاجتماعى
وكل سنة وانتى طيبة وعقبال ماتسماعيها من اولادك :)
‏قال جارة القمر
قلب بيتعب عشان حبيبه

وكمان اول تعليق لالالا ايه التطور دا :)
منورنى كالعادة

ميرسى على ذوقك و اكيد الاخصائى دوره مهم اوى بس بجد ياريت كل المدارس تاخد بالها

وانت طيب و عقبال ما تسمعها من ولادك انت كمان لما يكون فى عيد للاب بقى
لا انا بقيت اتابعك على طول وبقرا كل كومنتاتك :)
انا مش عايز اسمع حاجة انا عايز اعيشهم احسن ناس وربنا يقدرنى على امهم :))
‏قال قلم رصاص
فعلا المعلم ليس مادة علميه فقط


أحييكي جدا على الطرح البناء


وكل سنة وانتي طيبه
‏قال جارة القمر
قلب بيتعب عشان حبيبه

ربنا يكرمك يارب طب اعمل مدونة انت كمان عشان ابقى اجى اتابعك بقى :)

بالنوسبة انك مش عايز تسمع حاجه ... ان شاء الله هتعيشهم فى احسن حال و ربنا هيقدرك على مامتهم ويزرع بينكم الحب يارب
‏قال جارة القمر
قلم رصاص

ربنا يكرمك يارب ميرسى لمرورك الطيب وبجد نورتنى :)وانت طيب
‏قال The illusionist
انا جيت
جييييييييييت
جيييييييييييييييييييييت
‏قال The illusionist
جاء زنتوت يحييكى ويقولك
ازيك يا جارتى يا اعسل الجارات المعسلين
‏قال The illusionist
ده موضوع حلو وجميل وبتاع مدرسين عندهم الروح لسه
كل المدرسين الحلوين اللى زيك
الجداد
بيحبوا يكونوا فعالين
اوعى بس تقللى جهودك
وبجد انا احترمت كلامك جدا
انتى اتكلمتى فى نقطه الندوه وخصوصا فى سن المراهقه المبكر ده
وكمان شكل طالباتك بيحبوكى جدا
مبروك عليكى يا ستى
ونورتى تانى المدونه
متغيبيش بقى كتير
‏قال جارة القمر
زناتى

يا اهلا يا اهلا منور كالعادة طبعا ومش هغيب حاضر ربك يسهل

ايون بجد المحاضرات مهمة جدا بالنوسبة انهم بيحبونى ايون يا بنى مش اى اى ولا زى زى هههههههههههههههه
‏قال adel
اكيد كلامك صح
بس ده في المدارس الخاصة بس
ومش كلها كمان

يعني انا كنت في مدرسة خاصة و كان في اهتمام من المدرسين
واعرف اغلابهم لانهمن من حضانة لثانوي معانا
وكنت اعرف ولادهم و صحاب و عادي جدا
واي حاجة ممكن احكيها للمدرس ده او دي

بس الغالب في مصر مدارس الحكومة و دور المعلم فيها
يشوف هيدي دروس لمين من الطلاب ؟
للاسف فكرة التبني العلمي عندنا في مصر محصورة.. في ان كل مدرس بيتبني طلبة الفصل بتاعه عنده في البيت.. علشان يدلهم الدرس الخصوصي...

جميل ان فيه ناس بتفكر.. تصلح.. وبتفكر في الجيل الطالع.. يمكن يكون حظهم احسن مننا..

ماشي يستي مستنين صور الهدايا والجوبات
‏قال جارة القمر
عادل

كلامك مظبوط للاسف الشديد ماحدش مهتم كتير الايام دى بأنه يكون اب و مدرس فى نفس الوقت
‏قال جارة القمر
ابو على

اه للاسف بس فى ناس محترمين و الله بيحاولوا على أد ما يقدروا الصورة مش غامقة كدا

صور الهدايا اااه انت شكلك عينك عليهم من دلوقتى عيب كدا عيب
‏قال мαησηα
ماشاء الله عليكى يا جارة القمر ..

هتبقى ام عاقلة اذا كنتى لسه سينجل ..

انا كمان ف مجال التدريس بس انا لسه

حضانة يعنى الطفل اساسه عندنا

وبجد عجبتنى الفكرة اللى قالها زميلك

عارفة ليه عجبتنى وياريتها تتنفذ لانن

ا ف الحضانة بنبقى شبه مربيين الطفل

تربية شبه مثالية حتى والله بنتابع

وبنوزع نظام كل طفل ونفسيته وبنوزعها

على الاهل علشان يمشوا على نفس النظام

بيروح المدرسة يا اوختى

يضييييييييييييييييع

كل اللى بنيناه

عاااااااااااااااا وبيصعب عليا

الاطفال بعد ما كانو بجد براعم الايمان

ياريتها تتنفذ فكرتكم ويبقى فى متابعة

لحالة كل طفل من حضانة لحد جامعة

اعتقد هيبقى جيل صاعد

يانهار الوان ده انا رغاية معلش بقه

اول مرة اجى هنا بس هاجى تانى عجبنى

اسم مدونتك اوى وكمان اسلوبك جميل

واللون الموف انا اعشقه اممممم يبقى

هالزقلك هنا هههههههههههه

يارب اكون ضيفة خفيفة عليكى
‏قال جارة القمر
مانونا

ميرسى يا جميل على كلامك الجميل وارغى براحتك خالص المدونة مدونتك طبعا و هتكونى ضيفة خفيفة طبعااااااااا

بالنوسبة للحضانة خلينا نكون واقعين الكلام دا مش بيحصل مع كل الحضانات زى بالظبط المدارس الخاصة مش كلها بتعمل زينا وبتحاول تربى جيل بجد ... ربنا يكتر من أمثال المدرسين اللى يقدروا يغيروا المجتمع
‏قال كلمات من نور
ربي يكرمك هو داه المفروض يكون عليه حال المعلم بس مع الأسف كثيرون مهدور حقهم فلا يعطوا ..........ربي يوفقك دوما لما يحب ويرضى
‏قال جارة القمر
كلمات من نور

منورانى دايما يارب ازيك عاملة ايه ؟

عندك حق للاسف ربنا يهدى الجميع
‏قال د.آيه
السلام عليكم
فكرتينى بأيام المدرسة كانت أحلى حصة خصوصا في إعدادي اللى المدرسة كانت تتكلم فيها معانا في كلام بعيد عن الدراسة زى الحصص الاحطياطي..
بس فعلا من الأفضل مدرسين بنات في مدارس البنات و رجاله في مدارس الأولاد عشان في مدرسين بيكونوا مش مظبوطين أو على الاقل البنات مش بتتقبل منهم حاجة ..
طبعا المدرسين لهم دور كبير جدا في تكوين شخصية الطلبة
ربنا يعينك
تحياتى
‏قال جارة القمر
د/ ايه

وعليكم السلام
منورانى يا جميل ويارب تشرفينى دايما

كلامك صح اكيد المفروض فعلا مدرسة للبنات و مدرس للولاد كدا احسن كتير
أزال المؤلف هذا التعليق.

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!