لمحات


"القريب منك بعيد .. و البعيد عنك قريب"
هكذا الانسان فى معظم الاحوال ... يفكر دائما فيما هو بعيد عنه
فدائما نحب النجوم فيمنعنا النظر اليها من رؤية ما حولنا من أناس قربهم كالنجوم يضئ عالمنا
*****************************

"لا تجبر الانسان ولا تخيره ॥يكفيه مافيه من عقل بيحيره ॥اللى انهارده بيطلبه ويشتهيه ... هو اللي بكره هيشتهي يغيره "
صلاح جاهين
مممممممم هل سصل حب التغير عند بعضنا الى هذا الحد وهل يسرى ذلك على من نحب ؟؟؟؟
لا اعتقد ذلك فى الانسان يحب التغير اذا ما اصابه الملل فأذا احب التغير لمجرد التغير فانا اعتبر ذلك انانية منه
**************************************

"كلما ازدادت معرفتي بالناس ... كلما تلاشى إنبهاري بهم"
قرأت تلك الجملة و ابديت اعتراضى هل فقط ما يقربنى من الناس انبهارى بهم
اعتقد لا و اذا تلاشى انبهارى بهم فالعيب عندى وليس عندهم .. اعتقد ان الانبهاراحيانا يكون مرحلة اولى للتعارف و لكن علينا ان نتوقع ان من تعرفنا عليه فى النهاية انسان لا تدع انبهارك بما امامك أن ينسيك ان قربكم هو الاهم من تلاشى الانبهار
**********************
لؤلؤة و صدفة
منذ زمن وانا اشبه المرأة بالؤلؤة لهدوءها و جمالها
ولان المرأة الحق نادر وجودها
واشبه الرجل بالصدفة
لانه الامان و لانه دائما يحمى لؤلؤته من العيون
او هكذا يحاول فلا يراها غيره
***********************

" الموت فجأة "

اول امبارح كانت هدوسنى عربية اه و الله
كنت ماشية سرحانة بفكر لا الحق كانت حاسة ان روحى زعلانة
كنت ماشية بطيب خاطرها و اطبطب عليها فوقت انى ادام العربية وجها لوجه
لولا ان السواق كان مركز كان زمانى فى خبر كان
رغم اننى فى الحقيقة تمنيت ان اصاب
*********************
نفسك صديقة
عندما تكون وحيدا ... ابحث حولك
هناك دائما من ينتظر أن تراه
ربما لا يملك الشجاعة ليكون بجوارك
ابحث جيدا
اذا لم تجد
اصنع من نفسك صديقا و حبيبا و أخا وأما و أبا
*********************

مفترق طرق
حيرة الاختيار هى اصعب انواع الحيرة على نفوسنا
ربما لاننا لا نعرف اى الطرق نسلك
و تزداد حيرتك اذا ما كان عليك ان تختار بين قلبك و عقلك
لا احب الحياة فى حيرة ذلك الاختيار

تعليقات

حلو اوي الكلام ده...

عجبني وصف اللؤلؤة والصدفة... لانه بعيد عن غطرسة المرأة اليومين دوول...

يبقي خلي بالك وانتي بتعدي .... اكيد لو انتي مستبيعة .. الناس الحوليكي... بيخافو عليكي....


تحياتي
اول تحليق.. عاوز جايزة
‏قال كلمات من نور
يا فتاتي خلي بالك وانتي ماشيه في الطريق .لا تلقي بنفسك إلى التهلكة ...حفظك الله من كل شر فهو خير حافظا و هو أرحم الراحمين ..........تحياتي عالبوست الرقيق داه
‏قال جارة القمر
ابو على

ميرسى ميرسى ... يا بنى المرأة غلبانة انتوا اللى مفتريين :P

حاضر هخلى بالى

جايزة ايه يا ترى ايه يا ترى ؟

خلاص ليك جنية هدية
‏قال جارة القمر
كلمات من نور

و الله انا بحاول اخد بالى بس هى فترة صعبة حبتين ربنا يعديها على خير
ميرسى لمرورك الهادئ دوما :)
‏قال adel
الموت مبيجيش فجأة
احنا بس اللي مبناخدش بالنا
‏قال جارة القمر
عادل

ما دام ماخدتش بالك يبقى فجأة برضو :)
‏قال Timo..
جارة القمر ..القمر..
ديما كلماتك مميزة..
والبوست المرة دي مركب جدا ومتنوع..
بس انا شدتني جدا الجملة دي: "كلما ازدادت معرفتي بالناس ... كلما تلاشى إنبهاري بهم"

يمكن لاني ديما بقول انه الانطباع الاول (قد) لا يكون الاخير..!!
ومش لازم يكون العيب مني..ممكن يكون الناس بتعرف تظهر عكس الحقائق..عشان كده مش باحكم بسرعة لا بالخير ولا بالشر..وديما باتاخر في حكمي عشان اكون كونت رايي انا مش اللي المفروض يوصلني.
‏قال Timo..
والحمد لله ان ربنا ستر في موضوع العربية لاننا كنا ها نفتقدك كتير يا قمر..

وبالنسبة لحيرة الاختيار ففعلا اصعب معركة اللي بتبقى بين القلب والعقل.. وللاسف ديما بتحسم لصالح القلب...!!
‏قال جارة القمر
تيمو

ميرسى لمرورك و كلامك الجميل دا بس من ذوقك

بالنوسبة للانطباع الاول هو اكبد مش بيدوم و مش دايما حقيقى ولا الانطباع التانى ولا التالت لازم تعاشر الانسان عشان تاخد انطباع عنه و تكون رأى غير كدا فهو مجرد انطباع ظاهرى مش دائم

بالنوسبة للحادثة فربنا ستر الحمد لله وميرسى لذوقك ربنا يخليك و يكرمك :)

نورتنى و دايما مشرفنى :)
‏قال أم .. بوبه
هكذا الانسان فى معظم الاحوال ... يفكر دائما فيما هو بعيد عنه
فدائما نحب النجوم فيمنعنا النظر اليها من رؤية ما حولنا من أناس قربهم كالنجوم يضئ عالمنا


كلام جميل أوى بجد

وألف سلامة عليكى يا جميل والحمد لله إن السواق كان مركز

والبوست إللى فات عجبنى اوى تحليلك للصورة أنا كمان وصلنى إحساسك
‏قال Mano
ازيك
كلما ازدادت معرفتي بالناس كلما تلاشي انبهاري بهم
وممكن ان يزيد انبهاري بهم اكثر واكثر كلما ازدادت معرفتي بهم
حمدالله علي سلامتك ابقي خللي بالك من نفسك وانتي ماشية ربنا سترها المرة دي
تحياتي ليكي عالبوست الرائع
‏قال جارة القمر
أم بوبة

ازييييك ايه اخبارك ؟ ميرسى يا جميل على كلامك و الله يسلمك الحمد لله ربنا ستر

بالنوسبة للصورة الحمد لله اننا كلنا اخدنا نفس الاحساس معنى كدا ان احساسنا لسه فطرى :)

سلامى ليكى و لبوبة
‏قال جارة القمر
مانو

اكيييييد ممكن تزيد او تقل

الله يسلمك :)

نورتنى كالعادة
كلام جميل جدا...
على ما قد ما البوست جميل ورائع على قد ما اتضايقت لما قرأت الجملة دى
"رغم اننى فى الحقيقة تمنيت ان اصاب" يا جارة القمر روحك ليست ملكك لوحدك دى ملك الناس ال بيحبونك واعلك وال حواليكى وان كنتى فاكرة ان الموت ممكن يخلصك من المشاكل فده غلط ده ضعف شخصية وقلة ايمان وال عياذو بالله طريقتك دى بتعرفنى انك مش قادرة تواجهى الواقع علشان كدا تمنيتى الاصابة يا استاذة يامعلمة الاجيال ان ماكنتيش حابة نفسك فكفاية حب اصحابك وزملائك ليكى واهلك ليكى وانا متأكد انك شخصية رقيقة ومحبوبة بين اهلك اتمنى مايكونش كلامى ضايقكك وكم اتمنى انه لا تتكر هذه الجملة مرسيه ليكى بكلامك الحلو ده
‏قال جارة القمر
قلب بيتعب عشان حبيبه

اهلا وسهلا يا فندم
هو انت يا بنى لازم تعترض عليا فى حاجه و خلاص هههههههه مش مضايقة خالص من كلامك و الله مش ضعف شخصية ولا حاجه وانا لله الحمد شخصيتى قوية و اعرف اخرج من احزانى صحيح باخد وقت شوية عشان انا حساسة شويتين لكن بخرج منها الحمد لله
ربنا بيقدرنى و بينور طريقى من تانى و تذهب ايام الحزن لحال سبيلها

اتمنيت اصاب ليه ؟ ممممممم عادى بتمر على الانسان لحظات بيحس فيها ان دى النهاية و ربنا بينور طريقه تانى و بيكمل و بيعيش انا مؤمنة بكدا اوى
لما قلت الكلمة دى كنت بقول على احساس عابر حسيته

اه عندك حقك الحمد لله انا محبوبة من كل اللى حواليا اصدقاء و اصحاب و اهل و زمايل كل الناس الحمد لله

منورنى كالعادة و بيشرفنى تعليقك جدا و الله .. فى رعاية الله :)
كدا طمنتينى وفرحتينى اوكى ربنا يبعدعنك كل شر وحزن ويسعدك يارب ان شاء الله فى حياتك
‏قال جارة القمر
قلب بيتعب عشان حبيبه

ربنا يكرمك يارب وميرسى على دعواتك :)
‏قال زهور الامل
خواطرك حلوة اوي وعجبتني اوي

وبعد كدة ابقي خلي بالك من الطريق وانت بتعدي وانتي ماشية كمان
ربنا يسترها ان شاء الله

تحياتي
‏قال جارة القمر
زهور الامل

ميرسى لكلامك دا بس من ذوقك يا جميل

حاضر هخلى بالى المرة اللى جايه

منورانى واتمنى وجودك دائما
‏قال The illusionist
عشان مش بزورك يعنى
مش تسالى عليا
وتقولى الواد ميدو فينه
سحلان
لالالالالالالالالالا
سحلان فعلا
مش لاعب معاكى بنك الحظ تانى
ولا ليدو
ولا سلم وتعبان
امشى كده بقى
ولا صلاح جاهين هيسامحك هو كمان
عاااااااااااااااااااااااااااا
هقول لماماتى
وهتبرى منك كماما مدرسه
اهئ اهئ اهئ
‏قال جارة القمر
زناتى

ازيييييييك عامل ايه ؟؟ مش مقصودة و الله معلش بجد مش تزعل بقى خلاص
و خلاص نلعب استغماية بدل بنك الحظ

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!