اليوووم المفتوووح


اليووووووووووووم المفتوح

لألألأ مش اليوم المفتوح بتاع المدونة

دا اليوم المفتوح اللى اتعمل فى المدرسة انهارده

انا بحب اليوم المفتوح رغم انه بيكون متعب جدا جدا

بس بيبقى حلو ... سامعة حد بيقول ليه ؟ هقولكم مش تستعجلوا

نبدأ من أول اليوم ممممممممم أول اقولكم نبدأ من اليوم اللى قبله

يوم الاربعاء ليه بقى ؟

لان اخر اليوم اتعملنا اجتماع للتحضير لليوم المفتوح و كل واحد يعرف دوره ايه؟

وأذ الصااااااااااااعقة استاذة مى مسؤلة التصوييييير ... دا استاذ ايمن اللى بيتكلم مسؤل النشاط

و الصراحة عمل مجهود جامد فى تحضير اليوم المفتوح واكيد فى ناس ساعدته فى وضع البرنامج الخاص باليوم

بس انا مش اعرفهم .... المهم

نرجع للصاعقة عايزة اقولكم انا سمعت الصاعقة من هنا و قلت ربنا يسترررررر

كلمة فى سركم انا لا افقه شيئا فى التصوير فيعنى لو حصلى حاجه الايام اللى جاية اعرفوا ان مستر ايمن قتلنى عشان بوظت الصور

الصاعقة التانية بقى ان استاذ ايمن قال ان استاذ راضى مش هيحضر معانا اليوم المفتوح :(:( زعلت انا اوى الصراحة

لان كمان ميس نجلاء مش هتبقى موجودة وانا بحترم الاتنين دول اوى اوى

نيجى بقى لليوم المفتووووووووووووح

نبدأ بالفقرة الاولى

كانت الاذاعة و الطابور

مسؤل الاذاعة كان مستر محمد سمير وكانت جامدة جدااااااااااا جاب كام سؤال الصراحة احرجنا جدا يعنى

لأ وايه مش يسبها مفتوحة اى حد يجاوب ابداااااااااا و دى تيجى مسك المايك وقال الاسئلة للمدرسين و المدرسات

احراج احراج يعنى مش اى كلام .... عدت الاذاعة على خير بدون احراج الحمد لله انه ماقلش بالاسم مين اللى يجاوب كانت هتبقى حوسة الصراحة

الفقرة الثانية

الافطار

الفقرة دى بقى بتبقى مع اولياء الامور و الاولاد و المدرسين

مين اللى كان بيصور فى الوقت دا بقى ايون ايون صوح

انا انا ... كنت بعدى على كل مجموعة بتفطر و اصورهم و اقولهم عشان امسكها عليكم ذلة انكم بتكلوا كتيييييييير

فى الوقت دا كان الفائقين من الروضة بيتكرموا ... ايون احنا بنكرم الفائقين من الروضة عندكم اعتراض

انا بقى فى الفقرة دى كنت عاملة زى الاغنية الشعبية الشهيرة حبة فوق حبة فوق وحبة تحت حبة تحت

عارفين الاغنية دى ؟؟

صورت فوق فقرة الافطار و نزلت تحت عشان تكريم فائقين الروضة بس كانوا عيال قطاقيط اوى الصراحة عجبونى

أذ وانا بصور الاقى مين داخل علينا فى القاعة مستر راضى تاتاتاتااااااااااااااااا اه و الله مستر راضى جه فرحت اوى عشان كمان لقيت ميس نجلاء جت حسيت ان اليوم كمل بجد

خلصت الفقرة على خير الحمد لله بدون خسائر فى الصور وربنا يستر و تعجبهم الصور اللى صورتها بقى

الفقرة الثالثة

حفل التكريم للفائقين فى الترم الاول ( ابتدائى و اعدادى )

انا مش حضرت الفقرةمن اولها لانى كنت بصور فى روضة زى ما قلت

بس اعتقد ان الفقرة بدأت بتقديم الفقرة من مستر محمد جمعة و مستر ابراهيم

وهوووووووووووووب النور قطع ... اى والله النور قطع

طبعا ماحدش عرف يتكلم عشان المايك بقى و كدا قلنا نأجل التكريم

و نعمل الفقرة الرابعة بدل التالتة مؤقتا لحد ما يجى النور

الفقرة الرابعة كانت اللعببببببببببببب

بس مش كان فى بالونااااااات ينفع كدا ؟؟؟ دا انا بستنى الفقرة دى عشان البالونات

ابقوا فكرونى اشتكى مستر ايمن عشان مش جاب بالونات

وطبعاااااااااااا كنت بصور الولاد و هما بيلعبوا و المدرسات معاهم و اولياء الامور كمان

لعبنا شد الحبل و المنديل و سباق جرى و حاجات تانية كتير

نزلنا تانى بقى عشان نكمل حفل التكريم بس برضو من غير نووووور

وبدأ مستر راضى مدير المدرسة ينادى على الاولاد و الاستاذة يسلموهم الجوائز

عجبنى اوى بقى ان مستر راضى لما جه عند بنات اعدادى قال الانسة : فلانة

ليه عجبنى ؟ عشان بجد البنات فى الفترة دى بيحبوا اوى تتعامل معاهم انهم بقوا انسات كبار مش لسه بنات صغيرين

فكانت لفتة جميلة الصراحة

لحد هنا و خلص اليوم بدأت الاولاد تروح و المدرسين و المدرسات طلعنا اجتماع مع مستر راضى و استاذ الشحات

عشان دورة تدريبية خاصة بنظام الجودة فى المدارس و أهميته وكان حوار ممتع لم يفسده الا تعبنا من اليوم

ممممممم ملاحظاتى على اليوم :

اكتر حاجه عجبتنى الصراحة ان اولياء الامور سواء الاب او الام كانوا حرصين جدا على مشاركة اولادهم فى لحظة التكريم

حتى روضة اه و الله حتى روضة كانوا اولياء الامور معاهم تصوروا !! ولاكأنهم اخدوا شهادة الليسانس


اليوم كان حلو لولا قطع النور دا عشان مش عرفنا نكمل فقرات حفلة التكريم

و الاسكتشات اللى كانوا محضرنها المدرسين خسارة الصراحة جدا


خلص اليوم على خير و ادعوا معايا بقى الصور تطلع حلوة

تعليقات

‏قال P A S H A
وصفك هااااايل بجد لليوم .. نقلتيه بألوب جميل جداً .

إن شاء الله الصور هاتطلع حلوة .. ولو يا ستي لا قدر الله ما طلعتش حلوة .. فالذكريات الصادقة عمرها أطول بكتيييييييير من أي صورة :))


أنا باكره الصور .. باحس إنها سخيفة .. لإنها .. بتحدد الذكرى !

:))

تحياتي وتمنياتي بدوام التوفيق والسعادة والذكريات الجميلة - الغير مصوره - الملونة ..

خدي بالونه

سلام
:))
‏قال جارة القمر
شريف

هييييييييييييه هييييييييييه جاتلى بالونة ميرسى ميرسى ميرسى

بتكره الصور ممممممممم خلاص لما تعمل حفلة و تطلب منى اجى هصورك :P:P
‏قال adel
كل ده حلو
بس انت بتتكلمي علي اساس اننا حافظين المدرسة
مين بقي استاذ بهاء و استاذة ابتسام
يعني مدرس مادة ايه
اعزب و يعول ولا ضارب ورق الجيش
كده يعني :)

كويس انه كان يوم جميل
‏قال جارة القمر
ياأخى نفسى تقرأ من غير ما تنقد يا ساتر عليك ما هو كفاية الاسماء هو انت لازم تعرف المادة حاجه غريبة و الله

كل سنة وانت طيييييييب و عقبال مليون سنة :)
‏قال دموع القمر
أزال المؤلف هذا التعليق.
مشاءالله طريقة وصفك لليوم كانت جميل جدا
الاهم انك كنتى مبسوطة
بس كدا هما كلهم اتصورا ما عادا انتى:(
وبقى ليكى مواهب مذيعة ومصورة :))
‏قال جارة القمر
قلب بيتعب عشان حبيبه

اهلا و سهلا منورنى الصراحة حاولت اوصل لملف التعريف بتاعك او المدونة بتاعتك مش عرفت :(:( فمش عارفة انت ولد ولا بنت

لالا انا اتصورت صورة واحدة بس مع مدرسات اصحابى ... بالنوسبة لانى مذيعة هو حضرتك عرفت منين حكاية الاذاعة دى ؟؟؟
‏قال فلسطيني
السلام عليكم ورحمة الله وبركاته

هذه أول زيارة ليه في مدونتك الرائعة
إن شاء الله ليست الأخيرة

وبجد موضوع جميل جزاك الله خيراً
‏قال جارة القمر
فلسطينى

اشكرك لمرورك الجميل وان شاء الله منتظرة مرورك الدائم
‏قال كلمات من نور
يوم سعيد عليكي يارب يسعد كل ايامك...وعقبال كل سنة
‏قال The illusionist
سيادتك وحشانى جدا جدا
ومن هذا المنطلق
بخش اسلم
وابلغك تحياتى
واقولك انا كويس
بس عندى ظروف تقيله عليا قوى
ومش عارف اروح فى حته
مش وحشه
بس مرهقه قوى
وانا فعلا تعبان منها
ربنا يخليكى على السؤال
ده غير طبعا انى قثريت البوست كله
وطبعا اكتر حاجه مفرحانى
انك خرجتى من المود النيله
وقريته كلو كلو
عشان بحب الحاجات دى
وحلوه انسات دى
بيحبوا فعلا الحكايه دى
لاحظت انا كه
واولياء الامور
بيبقى لسه بقى العيل حليوه
بيحبوا يحضروله
بعد كده بالجزمه
شكرا على سؤالك
ادعى بس فى اى وقت
ربنا يقومها بالسلامه الحاجه
سانك يو
‏قال جارة القمر
كلمات من نور

تعرفى انك بتوحشينى يارب كل ايامنا سعيدة :)
‏قال جارة القمر
زناتى

منور يا بنى فينك ربنا يقوم الحاجه بالسلامة ياااارب ... المود النيلة حضرتك لسه موجود :(:( ادعيلى انت بس
اولا :اسمى بدر يعنى ولد
ثانيا: انا اقصد طريقة وصفك لليوم ولاانتى كمان مذيعة
ثالثا: قريت كل بوستاتك بالكومنتات
رابعا:انا مش بعرف اكتب وماليش مواضيع وسجلت نفسى مخصوص علشان اكتب الكومنت
خامسا: عرفتك عن طريق واحدة زميلتى ولما عملت بحث ظهرت مواضيع لانك عاملة موضوع بنفس اسم موضوعها بس المضمون مختلف
سادسا :المواضيع ال عجبتىنى اكتر ال بتكونى كاتبها كانك بتوجهى الكلام لل بيقرأ اما البوستات ال عبارة عن ابيات ونصوص بتبقى حلوة لكن مش بتوصلنى بنفس درجة الكلام العادى
سابعا: انا لاحظت من كلامك انك مش فى مود كويس اقنعى نفسك بالصح اى كان الموضوع
ثامنا ماتفكريش ولا تغصبى نفسك على حاجة (ياااارب ... المود النيلة حضرتك لسه موجود :(:( ادعيلى انت بس)بلاش الجملة دى حاولى تاخدى موقف لكن ماتعوميش فى حاجة مش معروف نهايتها
تاسعا: انتى انسسانة جميلة جدا
عاشرا:اسف طولت عليكى
اولا :اسمى بدر يعنى ولد
ثانيا: انا اقصد طريقة وصفك لليوم ولاانتى كمان مذيعة
ثالثا: قريت كل بوستاتك بالكومنتات
رابعا:انا مش بعرف اكتب وماليش مواضيع وسجلت نفسى مخصوص علشان اكتب الكومنت
خامسا: عرفتك عن طريق واحدة زميلتى ولما عملت بحث ظهرت مواضيع لانك عاملة موضوع بنفس اسم موضوعها بس المضمون مختلف
سادسا :المواضيع ال عجبتىنى اكتر ال بتكونى كاتبها كانك بتوجهى الكلام لل بيقرأ اما البوستات ال عبارة عن ابيات ونصوص بتبقى حلوة لكن مش بتوصلنى بنفس درجة الكلام العادى
سابعا: انا لاحظت من كلامك انك مش فى مود كويس اقنعى نفسك بالصح اى كان الموضوع
ثامنا ماتفكريش ولا تغصبى نفسك على حاجة (ياااارب ... المود النيلة حضرتك لسه موجود :(:( ادعيلى انت بس)بلاش الجملة دى حاولى تاخدى موقف لكن ماتعوميش فى حاجة مش معروف نهايتها
تاسعا: انتى انسسانة جميلة جدا
عاشرا:اسف طولت عليكى
‏قال جارة القمر
قلب بيتعب عشان حبيبه

اولا : تشرفنا جدا جدا يا استاذ بدر بيه :D

ثانيا : ااااااه طريقة وصفى لليوم قولتلى بقى مش تقول من الاول يا بنى .. لالا مذيعة ايه بس اصل فى المدرسة كانوا بيخلونى اعمل حوار مع الطالبات و يتصور فيديو ويترفع على موقع المدرسة وبما ان ماحدش يعرف يوصل للفيديو على موقع المدرسة الا لما انا اديله اللينك فأفتكرت انك تعرفنى فى الحقيقة بس دى الحكاية :):)

ثالثا : قريت بوستاتى بالكومنتات يا نهارك ابيض و محصلكش حاجه لسه بعقلك يعنى هههههههههه ربنا يخليك و يكرمك يارب

رابعا : مممممم مالكش فى الكتابة تصدق ولا انا .. شرف ليا اكيد انك تسجل عشان تكتب الكومنت بتاعك و منتظراك دايما اكيد :)

خامسا : اشكرلى زميلتك بقى :)

سادسا : مبسوطة طبعا ان مواضيعى تعجبك بالنوسبة للمواضيع اللى بكتبها ابيات بتبقى خواطر صوغننه كدا بتبقى حالة او احساس حساها لكن مش عاوزة ارغى فيه كتير فبكتبه بالطريقة دى

سابعا و ثامنا : انا خليتهم مع بعض لانهم يعتبروا جزء واحد بص يا سيدى احيانا بتمر عليك مواقف بتضطر غصب عنك تقف فى الاوفصايد لا قادر تاخد موقف ولا قادر تعديها و تعيش الحياة ولاكأن حاجه حصلت لانك حتى لو نسيت المواقف بتسيب اثر جوا الانسان
بالنوسبة انى معومش نفسى فى حكاية معرفش نهايتها عندك حق لكن هنرجع نقول ان الظروف بتفرض عليك تصرفات و مواقف لم تكن فى الحسبان .. المود النيلة ممممممم اكيد هيروح لحال سبيله بشوية صبر و عقل معاهم حبة احساس

تاسعا : ميرسى جدا جدا جدا لذوقك :$ اخجلتم تواضعنا يا فندم

عاشرا : مش تتأسف تانى ارغى براحتك المدونة مدونتك طبعا :)
‏قال Mano
ازيك
لا بجد مالكيش حق تقولي مالكيش في التصوير
دا فن وابداع يابنتي
هو انتي مش فنانة ولا ايه ؟
انشاء الله لو فكرت واتجوزت هبقي اعزمك علشان تصورينا
ومش هازعل لو الصور اتحرقت
اصل دا الطبيعي في الصور بتاعتي ههههههههه
تحياتي ليكي ولمدرستك
‏قال جارة القمر
مانو

لالالا ال فنانة ال انت شكلك فاهمنى غلط :)

لا يا سيدى ما انا ادربت على التصوير اهو مش هحرقها مش تخاف

المشاركات الشائعة من هذه المدونة

مقتطفات اعجبتنى २ - شهرزاد الخليج

الرجالة دول جزم بس المشكلة ان الستات مابتعرفش تمشى حافية!!!!!!