صوت الجمال يتخطى دائما حدود السمع


حسيت انى زودت جرعة الكآبة فى البوستين الاخرنين

فقلت الناس مالهاش ذنب فى الكآبة اللى انا حساها الايام دى و اللى شكلها هطول شوية كتير

فخلينى اتكلم المرة دى عن حاجه مش كئيبة ماشى ؟؟

_____________________________

"صوت الجمال يتخطى دائما حدود السمع "

سمعت تلك الجملة فى احدى اعلانات شركات الاتصالات التابعة لاحدى الدول العربية

وجدتنى دون شعور منى اسأل نفسى سؤالا ... هل للجمال صوت فعلا ؟؟

أم انه مجرد تشبيه لجذب الانتباه ؟؟

اخذت افكر فى ذلك الامر

فوجدتنى اتذكر ان هناك بالفعل للجمال صوت ولكنه يتخطى حدود السمع

فهو ذلك الصوت الذى تسمعه بقلبك وليس بأذنيك

عندما تهتز اوتار قلبك لكلمة حنونة سمعها قلبك بصدق

هو ذلك الصوت الذى يجعلك تطير فوق سماءا صافية

هو صوت بنت قلبك عندما قالتها بعفوية لم تكن فى الحسبان " انا بجد بحبك "

هو صوت زوجتك و هى تقول لك "نعم يا قلبى"

هو صوت أمى و هى تدعو فى صلاتها "ربنا ينورلك طريقك "

هو صوت ضحكات اصدقائك عندما القيت عليهم نكتة أمس

صوتا ليس له علاقة بقوانين الصوت

صوتا يأتيك خارقا كل ما حوله ليصل لقلبك اولا

أحيانا كثيرة اسمع دعوات امى وانا لست امامها

اعلم تماما وقتها انى سمعتها بقلبى

عندما اشعر ان من أحب الى جانبى ولم يفارقنى

أعلم انه و فى نفس الوقت يتذكرنى و فى داخله يقول " بحبك" فتصلنى

أتدرون شيئا اتذكر الان اننى احب صوت الكروان

كنت اشعر انه دائما يأتى الصوت من بعيد ويردد صداه فى السماء

فتشعر بهزة داخلية لا تعرف سببها

ممممممم فصوت الكروان أيضا صوت الجمال

ماذا ايضا؟

صوت قارئ عندما يأتينى بسورة مريم ( ليها بوست لوحدها السورة دى )

فيسكن جرح قلبك و يطمأن أن هناك من يرعاك

كان ذلك ما يمثل صوت الجمال بالنسبة لى فما هو صوت الجمال لديكم ؟؟؟

تعليقات

‏قال adel
:كل الاصوات اللي ذكرتيها جميلة بس هي فعلا اصوات

لكن اعتقد في اصوات جمال تانية
زي اللوحات او الرسومات اللي بنشوفها
تحفة او تمثال تشد العين
منظر طبيعي لبحر او شلال او خضرة
السماء و الصحراء و الليل الصافي و المطر
كل دي بالنسبة لي اصوات الجمال اللي بتتخطي حدود السمع و الادراك كمان
‏قال جارة القمر
عادل

ممممممممم تصدق فعلا صح كلامك

مش هقدر اناقشك لانك اخترت اصوات مؤثرة رغم انها ليست اصوات :):)
‏قال P A S H A
جميل البوست بجد رقيق قوي .. الحروف صوتها حلو قوي فيه .. عشان كده تتحس بسرعة .. تحياتي

:))

سلام
‏قال جارة القمر
شريف

ميرسى لمرورك و كلامك اخجلتم تواضعنا يا فندم :$:$

سلالام:)
‏قال NeVeN
"صوت الجمال يتخطى دائما حدود السمع "

انتى قولتى كل الاصوات الجميلة
مش لاقية حاجات اجمل من اللى قولتيها بجد

و فى كمان اللمسة الحنينة من حد قريب منك
بتقولك انا جنبك اتطمن

كمان السما الصافية
عندى بقا صوت الجمال فى حياتى ضحكة او حتى ابتسامة صغيرة من بنتى بتحسسنى بجمال الكون كله


تحياتى
‏قال كلمات من نور
"صوت الجمال يتخطى دائما حدود السمع"

كلام جميل له صوت يا جارة القمر ...كمان وقت الشروق بيكون فيه جمال رباني تحسي إن المخلوقات كلها تذكر الله وبالرغم من الصمت كما قلتي تشعري بجمال الصمت ....سبحانك ربي ....بوست جميل فعلا ...جزاك الله خيرا على الشعور بالجمال هذا...تحياتي
‏قال جارة القمر
نيفين

مرورك الاجمل و الله وكفاااااية بجد ضحكة صغيرة من بنتك و الله ربنا يبارك لك فيها يا قمر
‏قال جارة القمر
كلمات من نور

ميرسى جدااااا يا حبيبة قلبى على كلامك
انا بحب منظر الشروق جداا جدا

منورانى دايما :)
‏قال قلم رصاص
حمدلله على السلامة
نورتي بلوجر من جديد
بقالك مدة غايبه

اتمنى تكوني في احسن حال

تقبلي مروري وتحيتي
‏قال جارة القمر
قلم رصاص

الحمد لله على كل شئ وهو كله بيعدى :):)
"فهو ذلك الصوت الذى تسمعه بقلبك وليس بأذنيك
عندما تهتز اوتار قلبك لكلمة حنونة سمعها قلبك بصدق"

"أحيانا كثيرة اسمع دعوات امى وانا لست امامها
اعلم تماما وقتها انى سمعتها بقلبى "


عجبني اوي البوست... لأنه حقيقي اوي..

زيارة اولي ومش اخيرة ان شاء الله
تحياتي
‏قال جارة القمر
ابو على

ميرسى لمرورك نورتنى و الله ومنتظرة زيارتك الدائمة :)

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!