كروان جريح


كروان جريح

مضروب شعاع م القمر

سقط من السموات فؤاده انكســـــــــر

جريت عليه قطه

علشان تبلعـــــــــــه

أتاريه خيال شعراء و مالهـــــوش أثر عجبي !!!

___________________________________

انا بحب الكلمتين دول اوى اوى

مش عارفة ليه ؟

يمكن عشان حسيت بيهم اوى الايام دى

اول مرة اتصدم فى الواقع كدا

بجد و الله

شوفوا انا كبيرة اد ايه لكن ماليش تجارب كتير فى الحياة

معرفش اشوف غير بقلبى بس

مش بشوف الناس بحسهم

طب ايه رأيكم فى حد تحسه من غير ما تشوفه ؟

من غير ما تعرفه ؟

عمركم مر عليكم الاحساس دا ؟

تحس حد

تموت لتعبه ويبقى نفسك تخليه اسعد انسان فى الكون

ليه ؟
عشان ..........
ماحدش يسأل ايه مكان النقط

عارفين ايه اللى يصدم فى الواقع بقى ؟

انك ما تعرفش تخليه اسعد انسان فى الكون

و الاصعب انك حتى ما تعرفش تبين انك بتموت لتعبه

ساعتها القلب بيتجرح اوى اوى اوى

بتبقى دموعك نازلة على قلبك

و الابتسامة على وشك عشان الناس مش المفروض تعرف ولا تحس بتعبك عشانه

ساعتها فعلا بتبقى خيال شعرا ومالكش اثر

لانك بتبقى منظر على الفاضى من غير روح ولا قلب

مجرد صورة بتحركها رغبات اللى حواليك

لانك للاسف مالكش حق فى كلمة لأ

ولوقلتها تبقى بتقولها عشان دى وجهة نظرك مش اكتر

ولو حاولت تخليها واقع و حقيقة

تبقى سخيف و بتاخد حق مش حقك

ماحدش يدخل يقولى لا كل واحد حر فى حياته و الكلام دا

مش بقولك لكم انا اتصدمت فى الواقع

اه طلع انى مقدرش اقول لأ

او بمعنى اصح بقولها و غصب عنى بتبقى مجرد وجهة نظر

غير قابلة للتطبيق ولا حتى للمناقشة

افتكرت ساعتها الحكومة لما بتقول احنا بنكفل حرية الرأى للشعب

بس حرية رأى فقط غير قابلة للتطبيق فى الواقع

قول يا عم اللى فى نفسك حد يقدر يعترض

لكن تقول لازم يحصل !!! لالالا انت كدا بتعدى حدودك

انا حاسة انى واقفة فى الاوفصايد

ما بين حلم عمرك و بين اهلك !!

يا ترى فعلا انا كنت عايشة فى الخيال

ولا الواقع هو اللى لازم يبقى قاسى و صعب

رغم كل دا

لسه بتعب لتعبه

تعليقات

‏قال The illusionist
اول الاول
عشان احجز النكد المقعد الاول
‏قال The illusionist
وربنا يا شوق ورينا
على بر الهوا
ادينا
بالجزمه معاك
وقفايا هناك
طرقعلى يا شوق وادينا
‏قال The illusionist
ماحدش يسأل ايه مكان النقط


ايه مكان النقط ؟
‏قال The illusionist
رغم كل دا

لسه بتعب لتعبه


يا بخته يا ستى
‏قال The illusionist
ولو حاولت تخليها واقع و حقيقة

تبقى سخيف و بتاخد حق مش حقك

ماحدش يدخل يقولى لا كل واحد حر فى حياته و الكلام دا



هو كل واحد يمر بمشكله
يخش يعرضها
ويسمع حلولها
وييجى فى بوست تانى
يعرض مشكله
ويقولك متقوليش الحل ده
مبينفعش
يالهوى
ده تعجيز
ده اكيد اكيد
جاى من بدر الدين زكى سخصيا
ماشى يا مسهل
‏قال The illusionist
انا قريت الوضوع لتالت مره
ومقدرش اقول ولا كلمه مفيده خالص من ناحيه
ربنا يسترها
والانسان فانى
والكلام المستكنيص ده
انتى ادرى بموقفك
وفتره
واى ان كانت هتعدى
بس ربنا يعديها على خير

وطبعا انتى شغاله الغاز
انا مش فاهم
فبيتهيالى
انو كلام صعب افتى فيه
‏قال The illusionist
خساره احتلال فى البوست ده
انا عرفت انتى مختفيه ليه
انتى كنتى بتنطى فى المدونه ستين مره
دلوقتى بقيتى تخشى تضغطى باور الكمبيوتر بالعافيه
ربنا معاكى
‏قال The illusionist
وبعدين يعنى بقى انا افهم يعنى ازاى وكلو الغاز كده
ومقولش لا
وشويه وتقولى معترضش
واوفسايد
طب انا افهم وضعيتك ازاى انا
اعتراض
ولا عدم موافقه
ولا انتى طرف وهو طرفين
ولا ايه
انا مش فاهم
‏قال جارة القمر
زناتى

اهلا يا سيدى منور اكيد

ممممممم مش طالبة حل لانك كتير فى الواقع مش بتكون عارف الحل فين
انا بس فضفضت بكلمتين واقفين فى زورى
ومش عارفة اقولهم فى الواقع
تقدر تقول الاصتدام الاول مع كلمة لأ
وكان صدام فظيع جداااا و كان له اكبر اثر لانه زى ما قلت جه مع حلم كنت بتمناه
‏قال The illusionist
طب ايه رأيكم فى حد تحسه من غير ما تشوفه ؟

من غير ما تعرفه ؟


جمله شريره
مخليانى الف حوالين نفسى
اهئ
نفسى افهم كلمه
‏قال The illusionist
معلش ربنا يعينك
الصدمه اوحش شئ
وبتيجى لكل واحد على قده
نفسيا وعصبيا
فاكيد هتستحملى
‏قال جارة القمر
يا بنى مش معترضش اومال بقولك ليه عرفت انى كلمة لأ تقدر تقولها كوجهة نظر

ممممممم هفهمك اقصد يعنى انى قلت لأ للحاجات اللى هتمنعنى عن حلمى لكن للاسف عشان مجتمعنا كانت مجرد كلمة ،موقف ، وجهة نظر ليس لها مجال التطبيق
فهمت حاجه ؟
‏قال The illusionist
انا قايم واخويا هيقعد
عاوزك بقى تحسى باحساسواحد
عاوز يقتل اخوه
بس مش معاه سكينه تلمه
يعمل ايه ده
‏قال لولا وزهراء
جارة القمر
-*******-*****
بعد الاحتلال اللى تفضل به زناتى باشا يبقى كده انا تانى تعليق
بصى يا قمرايه واضح اوى من عنوان البوست ان اللى جريح مش الكروان لكن قلب حضرتك هو اللى جريح
عارفه المشكله اننا فى بعض الاحيان بنعيش بقلوبنا وعقلنا بيتعطل وياخد اجازه على جنب كده .......
مشاعرك عاليه اوى وحاسه بكلامك انه تجربه واذا كان مش تجربه يبقى انتى فظيعه فى التاثر بالاخرين ......
ربنا يوفقك فى حياتك ويفرح قلبك

زهراء
‏قال كلمات من نور
أحسن شيء أن تحترم الحزن و أنا حاحترم أحزانك و أتمنى لكي نهايتها قريبا ...تحياتي
‏قال adel
مممممممممممممممممممممممممم
‏قال جارة القمر
زهراء

ميرسى لمرورك يا جميل ويارب يدوم التواصل دا اولا

ثانيا مش مهم تجربة او لأ الاهم اننا فعلا بنفكر بقلبنا كتير اوى ولكن فى بعض الاحيان نضطر ان نخرج عقلنا من ثباته

ربنا يكرمك و يديكى السعادة دايما
‏قال جارة القمر
كلمات من نور

مرورك دايما هادى و خفيف ربنا يكرمك يارب
‏قال جارة القمر
عادل

مممممممممممممممممم
شفت بتاعتى احلى من بتاعتك هههههههههه
‏قال جارة القمر
زناتى

معلش حصل غلط بس و شيلته وادينى رجعته تانى :)
‏قال غير معرف…
ازيك يا قمر

وحشانى جدا جدا وميرسي لسؤالك عليا

كل سنة وانتى طيبة

البوست بتاعك يجنن

بالذات لما قلتى انك ممكن تحسي حد من غير ما تشوفيه

عارفه فعلا بيحصل كدا كتيييييييير اوى

انتى بتعرفي اوى تعبري ماشاء الله

انا موافقاكى في كل كلمة قلتيها

عارفه امتى هايكون الوضع مريح لما الحد اللى تكونى حاساه من غير ما تشوفيه يكون هو كمان حاساك من غير مايشوفك
‏قال reem
يا قمر التعليق اللى قبلى دا بتاعى بس مش عارفه ليه طلع بغير معرف
‏قال جارة القمر
ريم

عارفه امتى هايكون الوضع مريح لما الحد اللى تكونى حاساه من غير ما تشوفيه يكون هو كمان حاساك من غير مايشوفك

ميرسى لمرورك يا جميل وكلامك الجميل
الكلمة بتاعتك دى بجد حلوة اوى المهم يكون هو كمان عايزاك بس تعرفى الاهم انه فعلا يكون عايز يصونك و يحافظ عليكى بجد

منورانى
‏قال Mano
ازيك
انا حاسس انك كنتي مسافرة بعيد ولسة راجعة
ولا هو الجو اللي متفيروس
عموما حمدالله عالسلامة
وتحياتي ليكي
‏قال Mano
اه نسيت اباركلك
مبروك عالخطوبة وعقبال الفرح يارب
وكل سنة وانتي طيبة
‏قال جارة القمر
مانو

مممممممم اها كنت بعيد حبتين

انا ماتخطبتش يا مانو و كل سنة وانت طيب

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!