عقول متحجرة




لا أعلم لماذا الاصرار على وجود الكتاب المدرسى ؟؟




ما أعلمه ان ما يتعلمه الانسان ذاتيا أكثر ثباتا داخل عقله من اى شئ أخر يسقى له بالملعقة




لماذا لا نفتح الباب لأبنائنا ليتعلموا بأنفسهم ما يجب ان يتعلموه و نكتفى نحن بالاشراف عليهم و توجيههم




وضعت وزارة التربية و التعليم نظام التعلم النشط حتى تكون العملية التعليمية مشتركة ما بين المدرس و التلميذ




ولكن أهذا ما يحدث فى الحقيقة اعتقد لا (واقول اعتقد لان من المؤكد ان هناك من يحاول اشراك التليمذ فى تعليم نفسه بنفسه)




فاعداد التلاميذ لا تساعد على ذلك بتاتا (حوالى 40 فيما فوق على أقل تقدير ) و هذا واقع يجب الاعتراف به أضف الى ذلك ان وجود كتاب مدرسى محدد المعلومات




يجب عليك انجازه فى فترة معينة تعيق المدرس كثيرا عن مهمة اشراك التلميذ فى العملية التعليمية




عندما نتخيل فترة الحصة الدراسية (45 دقيقة سابقا و نصف ساعة حاليا لما نعانيه من ظروف طارئة) وعلى المعلم ان ينجز ما عليه من جزء من المنهج الدراسى بالأضافة الى اشراك التلاميذ فى تعليم انفسهم .. هذا اذا افترضنا ان الحصة الدراسية تسير كما نريد دون اى وقت استقطاعى لاى موقف طارئ فى الفصل




و اذا وضعنا فى اعتبارنا ما يكون على المعلم من ضغط من ادارة المدرسة اذا ما حدث و رسب احد التلاميذ و اعاد السنة وما يترتب على ذلك من محاولة المعلم اثبات قدرته كمعلم وليس افادة التلاميذ بالقدر الكافى ... هنا لى كلمة على هامش تلك النقطة ان هناك كثير من المدارس تقوم بتغير نتيجة الطالب الراسب حتى لا يكون فى نتيجة المدرسة راسبين و النتيجة بعض المواقف اسردها تباعا :




1- تلاميذ فى الصف الاول الاعدادى لا يجيدون القراءة والكتابة (و هذا ما حدث و رأيته بنفسى فى احدى المدارس)


2- تلميذ من ذوى الاحتياجات الخاصة يرفض والده أدخاله المدارس المخصصة لذلك حفاظا على شكله الاجتماعى و تقبل احدى المدارس الخاصة انضمامه لها


و رغم انه لم يستوعب اى معلومة مما اخذه فى المدرسة الا انه اجتاز الصف السادس الابتدائى بنجاح !!!!!!!!


3- تكون نتيجة ما سبق خروج مدرسين و مهندسين و غيرهم لا يعرفون حتى ان مصر تطل على البحر الاحمر و المتوسط


المواقف كثيرة و للاسف رأيتها بنفسى و خضت معظمها مما يجعلنى اشعر بمسؤلية اتجاه اولادى و بناتى ممن اقوم بالتدريس لهم




فى رأيى الشخصى اذا كنا نريد مشاركة التلاميذ بالفعل فى العملية التعليمية فعلينا ان نترك الكتاب المدرسى جانبا ونفتح عقول ابنائنا


و نجعل دراستهم بأيديهم بدلا من ايدينا بمعنى اننا اذا اردنا تدريس تاريخ الفراعنة ان نأخذ التلاميذ فى دراسة ميدانية الى الاهرامات و غيرها من الاثار الفرعونية و نتركهم يجمعون هم المعلومات التى سوف يمتحنون بها ... وهكذا


تعليقات

‏قال adel
كلامك صح
بس في تعيلم اساسي بيبقي لحد الاعدادية لتعليم الاطفال الاساسيات
بعد كده من المرحلة الثانوية نطبق النظام الامريكي في البحث و اختيار المجال و هكذا بس مايبقي الموضوع اجبار و السلام و ده اسلوب ناجح عكس اللي عندنا اللي بيخرج اجيال من المتخلفين تعليميا
وخريجي جامعات مش بيعرفوا يقروا و يكتبوا (شفتها يعيني انا دي)
‏قال جارة القمر
اه وانا كمان شفتها :(

حاجه تحزن و الله يا عادل
‏قال P A S H A
أنا قلت آجي أسلم يا فندم

يا رب تكوني بخير إن شاء الله

إن شاء الله أقرأ وأعلق قريب

تحياتي

:)
‏قال أم .. بوبه
والله نص المناهج بتاعتنا ملهاش لازمة وعايزة تترمى فى الزبالة ومحدش بيستفيد منها وفى حاجات كتير مهملين فيها ومش بنحاول ندرسها
‏قال كلمات من نور
أنا بقى عشان عندي كبار في الجامعة عدوا المرحلة المتحجرة بتوازن ولله الحمد ..إيدي عى قلبي على أطفالي الصغار ( 10-7)اكبير فيهم فس الصف ارابع الابتدائي واقعدي احشري في دماغه السهول الفيضية ..اه والله السهول الفيضية ..أما الصغير يا حبة عين أمه أخد درس في اللغة العربية بيحكي وماشي تمام عن شخص نشط وتعب ولما تعب حصل له إيه؟؟ أغمى عليه !!!بالله عليكم اغمن عليه دي كلمة عربية؟ وموضوع تاني عن كلب قاعد في غرفة لوحده وعنده شباك وباب وكابلات وووو جهاز كمبيوتر وعايز يوصل لأصحابه تفتكروا يوصل لأصحابه ازاي؟ يشغل الكابلات والكمبيوتر ويتصل بأصحابه.....داه بصفته عبقرينو؟ ارحموا عقول اولادنا واله الولد بيضحك وبيقولي يا سلام على الكلب داه يا ماما
الأطفال بتكره المدارس الي احنا كنا بنحبها زمان ونقول إيه؟عقول متحجرة
‏قال جارة القمر
باشا

ازيك انت عامل ايه ؟؟

انا تمام الحمد لله مستنية تعلقيك
‏قال جارة القمر
أم بوبه

لا و الله يا بنتى فى حاجات كتير مفيدة احنا اللى بنحطها غلط فى مخ العيال
‏قال جارة القمر
كلمات من نور

اييييه بقى مالها السهول الفيضية دى حتى عسولة و خفيفة اومال التعداد السكانى و الكثافة السكانية تبقى ايييييييييه ؟؟ انا مدرسة دراسات على فكرة :):)

بالنوسبة للكلب طب ماهو طلب ذكى اهو !!! حاجه غريبة و الله يعنى لا هيبقى ولاد اذكية ولا حتى كلاب ههههههههههههههههه

ربنا يهدى و يخرجنا من الدنيا دى على خير
‏قال عمرو
انتي جيتي على الجرح يا جارة القمر
أعتقد إني بكرة لو لقيت وقت هاكتب في التعليم برضه عشان أنا خلاص قربت أموت من اللي بيحصل حوالينا
مش عارف أقولك أي حاجة بصراحة ولا حتى مساء الخير لأن كلامك جه على حاجات عندي
بكرة لو كتبت البوست هاتفهمي أنا باقول إيه
سلام
‏قال قلم رصاص
السلام عليكم

كيف الحال .. ان شاء الله تكوني بخير يارب ان شاء الله

ـــــــــــــــــــ

"اذا اردنا تدريس تاريخ الفراعنة ان نأخذ التلاميذ فى دراسة ميدانية الى الاهرامات و غيرها من الاثار الفرعونية و نتركهم يجمعون هم المعلومات التى سوف يمتحنون بها ... وهكذا"

انتي وصفتي الوضع بشكل جميل .. وكمان وضعتي الحل باختصار في الاقتباس اللي فوق ده

بجد فكره رائعه احييكي عليها

في حفظ الله
‏قال جارة القمر
عمرو

انا كمان كتبت لما الموضوع فاق عن حده ومنتظرة البوست بتاعك لانى فعلا عايزة اعرف وجهة نظرك
‏قال جارة القمر
قلم رصاص

الحمد لله انا بخير .... انت عامل ايه ؟؟


ربنا يخليك على رأيك ويارب حاجه زى دى تحصل اهو نحس ان فى تعليم
‏قال reem
عندك حق تماما

انا شايفه ان الاطفال مش بيشغلو عقولهم خالص في العملية التعليمية

كل اللى بيعملوه بيكونو هما وابائهم في سباق مع الزمن علشان يحفظو اللى في الكتب

عندى بنوتين الصغيرة في كى جى 2 ودى لسا مش مشكلة لكن الكبيرة في برايمرى 2 وبجد بستغرب من المناهج وبالذات العربي بجد مستواه يضحك ومش فيه اى معلومات مفيدة بجد وكل معلوماته لا تناسب وقتنا ولا زماننا ولا التطور

حلوة مدونتك اوى وسعيدة جدا بتواجدى فيها
وان شاء الله هتابعك باستمرار
‏قال P A S H A
تعويم إيه اللي بتتكلمي فيه سيادتك؟؟

ههههههههههههه

هنا احنا بنعوم العيال مش بنعلمهم !!
لا مننا سيبناهم ميح ولا مننا علمناهم !! .. وده لأن العيل من دول بعد ما يكبر ويتخرج بيكتشف انه اتعوم !!
ويتصدم في الخمستاشر ستاشر سنة اللي ضيعهم في الفصول والمدرجات ويدوخ عشان يجيب قرض يشتري بيه توك توك يعلق على ضهره الشهادة بتاعته .. ويكتب عليه من ورا .. الحلو ده مش ورث ده نتيجة التعليم والفرس !!
ههههههههه (ده لو عرف يكتبها لغوياً صح أساساً)

هذا .. ومن خلال مدونة حضرتك .. إسمحيلي أناشد المسئولين عن التعويم في مصر بتدريس مادة تعليم قيادة المركبات بجميع أنواعها من أول السكووتر مروراً بالتوك توك لحد التريللا واللي مش هايجيب فيها مجموع يمتحن الملحق في مادة أصول التباعة (جيه من إنه يبقى تباع) في الغلاسة على الزباين بأدب مش بصياعة هههههههههه .

** ملحوظة :

كلمة "التعويم" .. نحتها من التعليم .. لإن واقع المناهج حالياً بيعوم المعلومات في رأس الطفل وبمجرد ما يخلص الإمتحان تغرق وتطفو بدالها ماتشات الكورة والاغاني والأفلام !!


:))

تحياتي على موضوعك الجميل وأسلوبك الأجمل

سلام
‏قال جارة القمر
ريم

ازيك حضرتك عاملة ايه اسعدنى بجد انك تشرفينى :)

ربنا يبارك لك فى ولادك يارب ... و الله احنا ممكن نعلم ولادنا زى ما احنا عايزين و فى نفس الوقت ينجحوا برضو من غير تعب و لا ارهاق بس نعمل ايه ماحدش فاهم للاسف
‏قال جارة القمر
باشا

ازيييييييك فينك يا راجل مش بتيجى ليه مش تبقى تيجى هههههههههه

لالالا اعترض اعتراض كبيرا كبيرا لانك الاولاد ممكن يتعلموا حاجات مفيدة جدا من المعلومات اللى عندهم بس احنا مش عارفين نوظفها صح للاسف

هههههههههههههههههههههههههههه بجد انا موت من الضحك من التعليق بتاعك بجد ربنا يحميك يارب
الاساسيات لا نتعلمها وحدنا نحن بحاجة دوما الى من يأخذ بأيدينا
:) جميل جا وطرقة العرض حلوة كمان موفقة
‏قال جارة القمر
اسماء

اهلا اهلا بوجودك هنا منورانى يا قمر

اتفق معاكى الاساسيات محتاجين حد يعلمها لولادنا لكن مش هنفضل نعلمهم لازم يجى وقت و هما اللى يعلموا نفسهم واحنا نوجه فقط لا غير


شخصيا لم أتضرر كثيرا من النظام التعليميالسيء في مصر لأن على أيامي كانت السياسه واحده و لكن رغم كوني في مدرسه حكوميه رديئه إلا أني تمتعت بمدرسات و مدرسين ضميرهم هو المحرك في عملهم .. فتعلمت منهم ما شاء الله أن أتعلمه .. ربما عانيت من هذا النظام في الجامعه بالرغم من دراستي الهندسه .. إلا إنني تضررت من النمطيه خصوصا و انت شاب تريد الإنطلاق بعقلك ..

لذلك أعتقد وجود مدرسين و مدرسات مجنهدين و يعملون بما يرضي الله ربما يخفف من ضرر نمطية التعليم السيء

أشكرك على الموضوع المهم و تقبلي مروري الأول و المتصل إن شاء الله

‏قال هي وظروفها
انا معاكي قلبا وقالبا

ده اول دخول وتعليق عندك

فقلت ابتدي بكلمه جامده عشان تقولي الواد ده مثقف

هههههههههههههه

عندنا العيال مش زي منتي فاهمه خالص

عيال زباله

لو سبناهم ياخدوا راحتهم هيطلعوا حراميه

والله او قتلين قتله
انتي بتتكلمي علي ولاد الأغنيه انما ولاد المناطق الشعبيه وطبعا الغالب عليهم انو يادوبك مدرسه حكومي
مش نشاطه خالص اللي بتقوليه
كنت من سنتين قاعد من الشغل فكنت بحفظ العبال الصغيره قران
عارفه كانو بيجو ليه وخوصا ليا انا رغم ان فيه 5 كانو بيحفظو معايا لانه كنت بديهم فلوس وجوايز للي يحفظ اكتر
عيال واعيه بس والله يا جاره القمر واسمك اللي انتي مختاراه ده انا بعشقه لعشقي لفيروز
كان فيهم عيال خساره ميكونوش عباقره

طولت وكتبت بوست عندك اسف
تحياتي ليكي
‏قال جارة القمر
مصطفى ابو زيد

ربنا نجدك و الله من اللى بيحصل ... اتفق معك اجتهاد المدرسين يخفف الوطئة قليلا ربنا يوصلنا لبر الامان
‏قال جارة القمر
هى و ظروفها

وليد ههههههههههههههههه ضحكتنى و الله ال مثقف ال

وبعدين كل شوية عندنا و عندكم هو انت من امريكا وانا معرفش ماهى كلها مصر و كلنا شربنا من نيلها هههههههههههههههه

لالالا نسيبهم على راحتهم ايه بس كدا كل مصر هتبقى حرامية و حياتك ... لا نسيبهم على راحتهم فى التعليم و نكون احنا الموجه ليهم بمعنى انى مش لازم اخرج على الطلاب عندى واقعد اقولهم محمد على دا رائد التحديث فى مصر و الكلام دا .. انا اخليهم يقولوا الكلام دا من مشاهدات هما يشفوها

حلو لفظ ولاد الاغنية دا بقالى كتيييييير مش سمعته بجد .. ايوووون هو انت جبت الخلاصة عيال واعية واحنا مش محتاجين اكتر من واعيهم دا بس علينا نوظفه صح مش أكتر
نورت يا وليد :)
‏قال لمسة حنان
علي فكرة في الدول الغربية لا يدرس للأبتدائى الا من حاصل علي درجة ماجستير


لأهمية المرحلة دي
‏قال جارة القمر
لمسة حنان

اعتذر عن تعليقى الاول عليك اذا كنت شاهدته لانى تحدثت اليك و لم اكن أعلم انك ولد وتحدثت على انك بنت

لك جزيل الشكر على مرورك

و يارب اللى عندنا يعرفوا اهمية المرحلة برضو يارب
‏قال محمد بحر
السلام عليكم
موضوعك فعلا بيدوس على جرح اعتقد ان اغلب جيلنا مر بيه ومازال يمر بيه والأصعب اننا اول ما اتخرجنا من الجامعه اكتشفنا الحقيقه المره دى وخصوصا كيفية البحث عن المعلومه
ولكن انا كمان ممكن ارجع الحكاية دى للبيت من ناحية الاهتمام لأن أغلب اولياء الامور بيسيبوا حكاية - التعليم دى -للمدرسة والمدرسيين الخصوصيين
أعتقد ان الحل هيبدأ من اننا نزرع فى الطفل من صغره حب التعليم ببساطة وبدون قيود ( التعلم من أجل التعلم وليس من أجل شهاده والسلام )
وشكرا جزيلا لمرورك على مدونتى وان شاء الله هرجع انشطها تانى قريب
‏قال جارة القمر
التعلم من أجل التعلمممممم

ايون هى دى منور بوجود يا محمد و ان شاء الله ترجع المدونة بتاعتك تانى :)
‏قال لمسة حنان
كلام صحيييييييييييييييييييييييييح

انا شايف ان لازم نهتم بالمدرس عشان يعطي كل ما يقدر


التعليم منظومة متكاملة تتكون من طالب ومنهج ومدرس
‏قال لمسة حنان
أشكرك انك نورتي مدونتي


شرفتينا والله
السلام عليكم

ازيك يا حبيبتى

وازى اخبارك

يارب تكونى بخير

طبعا انتى عارفه اننا فى مصر

حيث كل حاجه فيها ماشيه بالمقلوب

ومفيش حاجه صح او حاجه فى مكانها
‏قال M و H
ازيك ؟
انا بس حبيت اسلم
‏قال ponpona
والنبي ياختي ان شالله يكرمك كده يارب ... حطيلنا بوست تاني غير بتاع التعليم ده .. بيرفعلي الضغط والله ، أنا قرأت بس مش عايزه اكومنت .. عندي امتحانات وحالتي صعبه .. يللا بقي حطيلنا واحد غيره مش معقول كل اما آجي ألاقيه .. هتبقي عليا انتي وعمرو ولا ايه؟؟ أهو حاطط بوست عن التعليم هو كمان وبيقولك انه مالوش اي دعوة باي أثر جانبي يحصلل للقارئ .. وممنوع علي اللي خايفين علي نفسهم من الضغط والاكتئاب انهم يقروا :( :( :( :( يعني اعمل انا ايه يعني ؟؟ اروح فييييييين؟
‏قال saheda.com
اخوانى فى الله

اخوانى الكتاب والعظماء والمفكرين
اخوانى المدونين والصحفين
اخى اختى فى العمل
اخى واختى فى الشارع
اخى واختى فى المسجد
اخى واختى فى كل مكان وزمان
ان الاوان ان نصنع المجد بايدينا
ان الاوان نجاهد مع اخواننا
ان الاوان ان نفيق من الثبات الكبير
ان الاوان ان نتغير ونغير
ان الاوان ان نتحدث مع الناس بحديث مختلف
ان الاوان ان نقف ونصحح الاوضاع بدل استنكار والرفض
فكلا منا له قلمه فليكتب
ويراسل كل الصحف
كلا منا يرسل رسائل للقنوات الفضائية
كلا منايراسل الكتاب والمفكرين
كلا منا يكلم خطباء المساجد
كلا منا يكلم اهله واهل شارعه
كلا منا يكلم زملاء العمل والدراسة
كلا منا يكلم تلميذه فى المدرسة والمعاهد
كلا منا يكلم الناس فى الباص والقطاروغيره
كلا منا يبذل جهدا
كلا منا يستيقظ
كلا منا يبنى له جدار عز وكرامة
كلا منا يبنى جدار يكون له شفيعا من النار
كلا منا يدون ويدون الى ان يفهم الناس
هذه حرب لاتضع فيها الاسلحة ابدا
كلا منا سلاحه الايمان
كلا منا يطلب الجنة
كلا منا لايترك سلاحه الا عندما تنتهى الحرب
اما نصر او استشهاد
اخوتى كلكم مسئولون امام الله
فلنجعلها حربا عالمية فلنراسل الصحف العالمية
والقنوات العالمية
والمدونات الغربية
من منكم معى
من منكم يبنى جدار العز والكراة
من منكم يفك الحصار عن غزة
من منكم لاخوانكم فى غزة
من منكم لنصرة الاقصى
من منكم
يكن مع اسماعيل هنية وابوعبيدة
فى ساحة الجهاد
من منكم يحب الجنة والشهادة
فلينضمن الينا
صانعوا جدار العز والكرامة

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!