المشاركات

عرض المشاركات من سبتمبر, 2009

الصمت الرهيييييب

صورة
الصمت الرهييييييييب
حالة غريبة اوى
ممكن تدخل فيها فجأة كدا بدون مقدمات
بين لحظة و التانية تلاقى نفسك مش عايز تتكلم
او بمعنى اصح مش قادر تتكلم
رغم ان الكلام جواك بيكون كتير اوى
بيمر ادام عيونك كدا زى شريط السكة الحديد لالا مش الشريط دا
زى شريط السينما ايووون هو الشريط دا
الفترة دى بحس فيها بلا مبالاة جامدة اوى
مش بيكون عندى تعليق على اى حاجه
ببقى حاسة انى منفصلة عن الحياة
بشوف الناس لكن مش قادرة اتواصل معاهم
بس ايه بقى اول ما تخلص الحالة دى
ببقى رغاية جدااااااااا و بيجى الكلام مش عارفة بيجى منين بس بيجى
مش بقولكم غريبة الحالة دى

فوق السحاب ... اتمنى ان اعيش

صورة
فوق السحاب
احب ان اعيش
ارى الكون من هناك
منذ ان كنت صغيرة
احلم بذلك فربما ارى شيئا
لم اره وانا على الارض
يذكرنى لون السحاب الابيض
بفطرة الانسان
فقلوبنا كانت بيضاء لم يضع فيها
الكره و الشر قدما
أحقا من يحب السحاب يكون غامضا
اعتقد لا ... فأنا احب السحاب
دائما انظر اليه و احب لونه
اشعر بقمة السعادة لا اعرف لماذا
ولكنى احب ذلك .. اتذكر قدرة الله
اشياءا كثيرة افكر فيها و انا انظر اليه
اشعر بصفاء و راحة كبيرة
اتمنى ان اعيش فوقه يوما
فارى الكون من هناك

هعيد و هفرفش بس من غير تحرش

صورة
هو : ايه يا مزة الجمال دا كله
هى : نظرة نارية من فوق لتحت و تمد فى خطوتها
هو : يمد شوية فى مشيته و يجذبها من ذراعها
هى : تحاول ابعاد يديه عنها

و البقية معروفة طبعا

دى تمثيلية صغيرة عارفة ان فى اوقح من كدا و اشد و اقبح من انى اقدر اذكره هنا
عارفين التمثيلية دى بتتعرض على اى قناة ؟؟؟؟


ها ؟؟ ماحدش عارف


اقولكم انا ..... قناة قديمة لكن جديدة فى نفس الوقت
مش عارفينها لسه
كل يوم بتشوفها ماحدش يقدر يعدى يوم من غير ما يشوفها
ايوة ايوة زى روتانا سينما كدا مش بتقدر تغمض عينيك
هااا؟ عرفتهاااااااا ؟
طب بلاش اقولك حاجه تانية .... على القناة دى ممكن تشوف اختك امك بنتك
اى حد من قرابيك او ممكن كمان تشوف بنت حتتك
بس خد باااااااااالك انت لما تشوفها هتشوفها فى موقف زى اللى انت قرأته فى اول البوست
ايوة يا عم مش تتخض ليه لأ ... طب بذمتك وانا راضية ذمتك ممكن ولا لأ
اظن دلوقتى عرفت القناة اللى بتكلم عنها
ايووووووووة هى دى

الشااااااااااااااارع المصرى

سبحان الله يا اخى الشارع دا دايما كنا بنمشى فيه واحنا مطمنين
مش خايفين من حاجه .... حتى لا قدر الله لو حصل حاجه
كنت بتبقى متأكد الف مين هيساعدك .. مش بقولك قناة قديمة
نخش بقى عل…

تنويه لابد منه ... يا جماعة انا حد تااااااااااااانى

صورة
تنويه لابد منه
يا جماعة فى ناس بيدخلوا هنا و يتكلموا و اعتقد انهم فاكرنى حد تانى خالص
و الحكاية دى حصلت اكتر من مرة فقلت انبه عشان ماحدش يفتكرنى حد تانى
دى اول مدونة ليا و ماكنش ليا اى مدونات تااااااااااانية خالص مالص
اعتذر ان حصل الغلط دا بس انا ماكنتش اعرف اصلا ان فى مدونة تانية باسم
جارة القمر .... لان هو دا الاسم اللى انا كنت بسجل به فى اى منتدى كنت بشترك فيه
و عشان كدا عملت المدونة بنفس الاسم ... يعنى المدونة دى لا هى امتداد لمدونة اخرى
ولا انا نفس الشخصية التى يقصدها البعض و طبعا ياريت كل الناس تشرفنى ورغم الخطأ دا بس انا مبسوطة انى اتعرفت على ناس جميلة جدا
بس خلاص

العيد فرحة ماااااء

صورة
كل سنة و كل الناس طيبة و بخير
كل سنة وانتوا فرحنين
كل سنة وانتوا مبسوطين و معيدين
عيد سعيد و مصطفى و حسين و محمود
بينى و بينكم بقى انا مش بحس بالعيد الا لما اسمع اغنية ام كلثوم

يا ليلة العيد أنستينا
و جددت الأمل فينا
يا ليلة العيد
هلالك هل لعينينا
فرحنا له وغنينا
و قلنا السعد حا يجينا
على قدومك يا ليلة العيد
جمعت الأنس ع الخلان
ودار الكأس ع الندمان
وغنى الطير على الأغصان
يحيي الفجر ليلة العيد
يا ليلة العيد يا نور العين
يا غالى يا شاغل مهجتي
وبالى تعال اعطف على حالي
وهني القلب ليلة العيد
حبيبي مركبه تجرى
وروحي بالنسيم تسرى
قولوا له يا جميل بدري
حرام النوم في ليلة العيد
يا نيلنا ميتك سكر
وزرعك في الغيطان نور
تعيش يا نيل و تتهنى
ونحيي لك ليالي العيد

ايام العيد و احنا صغيرين ليها مذاق خاص
تنطيط و فرح من غير هموم و اشغال
نعمل اللى عايزينوا من غير ماحدش يقول حاجه
ما احنا اطفال بقى
بحب اخد العيدية من بابا كل وقفة
و لازم تبقى جديدة
و يقعد يغيظ فينا انا واخواتى ويقولونا لا مالكوش عندى عيدية
انتوا كبرتوا خلالالاص
و اقوله مالناش دعوة عايزين عيديييييييييية و الا هقوم عليك الامم المتحدة

بحب اول ايام العيد و بابا بياخذنا نزور ا…

تواكل ام حق مكتسب ؟؟

صورة
استعجب للبعض الذين يرون ان من حقهم الراحة
و على الاخرين التعب من اجلهم
هل يفعلون ذلك لانهم يعتبرون ما يفعله الاخرين من اجلهم حق مكتسب لهم
ام تواكل منهم ؟؟
فمثلا عندما تكون فى عمل ما و ذوقيا منك تخدم زميلك بأنك تقوم عنه بعض الاعمال
و تكرر الامر ربما لانك ترى ذلك مساعدة له ما دام ذلك لا يعطلك
الا انك تفاجأ ان زميلك يتعامل بعد فترة مع هذا الامر انه حق متكسب له
فيرى ان عليك مساعدته و اذا حدث و رفضت فى مرة مساعدته لا لشئ
الا انك لديك عملا تقوم به الان ... يعتبر ذلك تعدى منك على حقوقه
وربما يثور عليك و يفتعل المشاكل

لماذا يثور ؟؟؟ تواكل منه و انه وجد من يساعده و لا يريد خسارة ذلك
ام انه فعلا يعتبر ذلك حق مكتسب ... و عندما تجرب سؤاله عن سبب غضبه
يكون الرد "دا من عشمى" الرد دا بينرفزنى جدا ... عشم ايه ؟؟ دا مش حقك اصلا
و اذا كنت براعيك كزميل يبقى انت كمان لازم تراعينى لو مقدرتش اساعدك

ارى كثير من المواقف فى حياتنا تعبر اننا فى بعض الاحيان نأخذ اشياءنا
و نبيح لانفسنا حق استخدامها و هى ليست من حقنا اصلا و انما اخذناها بسلاح الحق المكتسب
اوقات بلاقى نفسى بمشى بمبدأ الحق المكتسب (لازم الواحد يعترف…

اموت و افهم

صورة
مش عارفة ابدأ منين
متغاظة اوى الصراحة اوى اوى كمان
هو ليه الواحد يبقى عنده قناعة بمبدأ معين
و تلاقيه هو نفسه مش بيتصرف به
الكلام دا طبعا بينطبق على ناس كتير
بس اسمحولى و بما انى بنت انحاز انحيازا مباشر لبنى جنسى
انى اطبقه على الشباب
الاقى الولد من دول يقول لاخته اياكى اشوفك بتتكلمى مع شباب
ولا بتهزرى و تضحكى كدا بصوت عالى ... و هو اصلا بيعرف بنات
و بيتكلم معاهم و البنات دول برضو بيضحكوا بصوت عالى
لما الولد شايف ان البنت ماينفعش تعرف شباب و تتكلم معاهم
طب ليييييييييييه هو بيعرف بنات و بيتكلم اهو

طب سيبك من دا نخش على حاجه تانية
تلاقى الولد من دول عايز اخته تلبس طويل و محتشم
لكن تعالى بقى لو واحدة زميلته قالتله ايه رأيك فى الموديل دا
يقولها "وااااااااااااو تحفة يا يويو" و تلاقى الموديل دا ضيق او مبين اكتر ما بيدارى
و عادى خالص ايزى جدا
و على افتراض بقى انه جه حظه و حب ست يويو .... يعمل اييييييييه بقى ؟
تبدأ بقى المشاكل بلاش البلوزة دى بلاش البدى دا ... و هى طبعا تقوله دا كويس خالص اهو
طب ليه اعتراضك ما انت اصلا حبتها و هى بتلبس كدا يبقى ليه عايز تغيرها دلوقتى
و ليه اصلا كنت بتقول على ا…

عيد ميلادى بكره ياااااااااااااااااااااا بشر

صورة
عيد ميلادى بكره ياااااااااااااااااااااا بشر

انا نفسى اصرخ كدا نفسى اعمل كدا بجد

معرفش بحس بفرحة لما يقرب عيد ميلادى

رغم ان فى ناس نكدية تقعد تقولك فرحانة ليه دا ايام بتفوت من عمرك

بس برضو فرحانة جداااااااا

بحس انى برجع صغيرة تانى

لسه لحد دلوقتى بعمل عيد ميلادى وسط اخواتى وماما و بابا

بحس بحبهم و اد ايه مهتمين بيا

بس طبعا عشان رمضان بقالى شوية مش بحتفل بعيد ميلادى (صيام بقى هههههههه)

بحب اوى اسمع كلمة كل سنة وانتى طيبة

بحس ان الناس كلها فكرانى و بتحبنى

مش مهم يكون فى هدايا المهم انهم افتكرونى حتى لو بكلمة



بمناسبة اعياد الميلاد افتكرت موقف جامد اوى كان عمرى وقتها سنتين

طبعا حد عنده شجاعة ادبية هيقولى انتى هتكدبى بقى من اولها ازاى فاكره الموقف وانتى عندك سنتين

اقوله عشان الموقف دا اتسجل بصورة لتبقى شاهدة عليا طول عمرى هههههههههههه

الموقف ايه بقى ؟؟

انا و ماما وبابا و اختى كنا فى ميلاد صاحب بابا و كانوا حاطين التوررتة بقى و كدا و بيتجمعوا عشان يطفوا الشمع

وانا كنت صغيرة طبعا و كنت همووووووووووووت من الجوع و عايزة اكل اى حاجه من التورتة (طفاسة عيال بقى هههه)

و لما اتجمعوا بقى المفروض كانوا هياخدوا صورة…