العندليب و الوردة


وانا فى الكلية كان من ضمن الدراسة بتاعتنا دراسة بعض القصص الاجنبية
لكتاب كتير من ضمنهم اوسكار وايلد ... بحب القصص بتاعته بصراحة
اكتر القصص اللى بحبها "العندليب و الوردة" قصة خيالية و حالمة و صادمة فى نفس الوقت
او انا شايفاها كدا الصراحة ... هحكى القصة من ذاكرتى و الحوار ليس بالضرورة يكون ما جاء بالقصة تماما
ولكن قريب له فى الشبه
"وردة حمراء ... قالت انها لن تراقصنى الا اذا اتيت لها بوردة حمراء" هكذا قالها التلميذ الصغير
و هو ينعى حظه فهو لم يجد ورود حمراء فى حديقته و لن يراقصها ... كيف يضيع حلمه بسبب
وردة حمراء ... وظل يبكى و سمعه طائر العندليب الذى كان على غصن احدى الاشجار
فى الحديقة كان صوته الشجى دائما يلقى بسحره على كل ما حوله قال العندليب فى نفسه "ان الحب لا يقدر
بالجواهر بل ان الجواهر لا تستطيع شراء الحب فهو لا يباع فى الاسواق لذلك هو اغلى كثيرا منها "
فكر العندليب قليلا ثم طار الى شجرة الورد فى اخر الحديقة و طلب منها وردة حمراء فقالت ان ورودها كلها بيضاء كالثلج بل اشد منه بياضا وقالت له اذهب الى اخى عند نافذة التلميذ الصغير ربما تجد عنده فطار العندليب الى شجرة الورد الاخرى و طلب منها وردة حمراء
قالت ان الشتاء كسر كل غصونها ولم تعد قادرة على ذلك ولكن هناك طريقة واحدة ... سألها العندليب ماهى ؟؟
كانت الطريقة شاقة فعلا .. قالت له ان لابد ان تنمو على موسيقاه المغناه فى ضوء القمر ولابد ان يجعل صدره الى احد الاشواك فى غضونها كى تخترق قلبه قتلون الوردة بدماء قلبه ... وافق العندليب و ذهب ليطمئن التلميذ انه سينال غرضه و يراقص حبيبته
لم يصدقه التلميذ و تركه و ذهب .. وجاء الليل و بدأ العندليب فى الغناء و هو جاعل صدره الى احد الاشواك واخذت الشوكة تخترق صدره اكثر فأكثر و تنمو الوردة الحمراء الا ان الشوكة لما تكن قد وصلت الى قلب العندليب لذلك ظل قلب الوردة ابيض
فصاحت الشجرة اسرع ايها العندليب فنور الصباح يأتى سريعا ... على صوت العندليب بالغناء واخذت الشوكة فى اختراق قلبه ثم بدأ صوته يخبو و صارت الوردة حمراء اللون تبهج الناظرين .. صاحت الشجرة ارأيت انها جميلة جدا ولكن العندليب لم يرد فقد كان ميتا بين الحشائش فى الارض
فى الصباح فتح التلميذ شباك غرفته وراى الوردة الحمراء صرخ فرحا و قطفها و ذهب بها الى من يحب و قدمها اليها
ولكنها قالت له ان شابا من اقرابها قدم اليها جواهر ثمينه و هى ترى ان الجواهر اغلى كثيرا من وردة حمراء
فقال لها انها ناكرة للجميل وانها لاتستحق اى شئ و تركها و ذهب و رمى الوردة فى الطريق و دهستها عربة حديدية
دخل منزله وهو يقول ان الحب لا معنى له ولا قيمة وان العلم افيد كثيرا منه و سحب كتابا من مكتبته القديمة و بدا يقرأ

بس كدا مش هعلق على القصة ولا هقول انا بحبها ليه ... هسمع تعليقاتكم الاول و بعد كدا هرد انا برأيى

تعليقات

‏قال تمر حنه
اه منها الدنيا
بقى الجواهر اغلى من حياه العندليب
ازاى المال يكون اغنى من الحياه
وازاى ان التلميذ موش قدر تضحيه العندليب من اجل الحب ورمى بها همذا فى عرض الطريق
‏قال فراشة
اممممممم هي قصة جميلة قوي بتدل على الحب اللى بجد

يعنى العندليب كان بييحب التلميذ وكان حابب يساعده بس التلميذ مقدرش حب العندليب ليه
وف نفس الوقت زعل من بيبته عشان مقدرتش انه بيحبها وجابلها الوردة الحمرا

ممكن فعلا نكون ف حياتنا كدا نحب ناس ونضحي عشانهم وميحسوش بينا و نفس الوقت ناس يحبونا ويضحوا عشانا ومنحسش بيهم

سبحان الله

شكرا الموضوع جميل قوي
‏قال adel
هي فعلا القصة بتصريف شديد
لان النهاية كانت مختلفة عند كده شوية
بس مش متذكر كويس
انتي عارفة ذاكرتي بقي

وفي قصة تانية وهمية عن دي لاوسكار وايلد برضه اسمها (العملاق الاناني)
معرفش قريتها او لا

المهم غرض القصة اللي كتبتيها
مش كل واحدة تستاهل وردة حمرا فعلا
ههههههههههه
‏قال adel
شوف5تي برضه نسيت

الصورة جامدة قوي قوي
وخصوصا انها وردة حجمرا لاني بحب النوع ده من الورد

جيبتيها منين الصورة دي ؟؟؟
‏قال Heba Gamal Emara
لا والله ليكى حق تحبيها وتنصدمى فيها
قصه فى منتهى الجمال
فى انتظار المزيد :):):):)
‏قال شاب فقرى
الحياة

اهم من اى حاجة تانية

حتى الجواهر والحاجات الكتير دى

والحب

أسمى من اأن يتم مقارنته بأى حاجة تانية

قصة فقرية فقرية يعنى

مليانة حزن

ومليانة عبر

وأول العبر دى

إننا مش لازم نقدم الحب إلا للى يقدره بس

واللى يفهمه بس

واللى يعتبره أهم من أى حاجة تانية

تحياتى

شاب فقرى
‏قال جارة القمر
تمرحنة

احيانا كتير فى ناس مش بتقدر التضحية و دا طبيعى
‏قال جارة القمر
فراشة

كلامك تمام يا قمر اوقات بنضحى عشان ناس مش بيحسوا بينا واوقات ناس بتضحى عشانا واحنا مش بنحس بيهم

هذة هى الحياة
‏قال جارة القمر
عادل

هى فعلا بتصريف بس اعتقد ان النهاية كانت كدا فعلا :)

اكييييييييييد اعرف العملاق الانانى جامد جامدة يعنى

بخصوص الورد مين قال ان البنات اصلا عايزة ورد عايزين جواهر يا بنى احنا طماعين عندك اعتراض هههههههههه

الصورة مش فاكرة جبتها منين :P:P
‏قال جارة القمر
هبة

مرورك الاجمل اكيييد :):)
‏قال جارة القمر
شاب فقرى

اكيد قصة فقرية فقرية :):)

بس احنا مش بنعرف انه مش يستحق الحب الا بعد فوات الاوان :(

منورنى كالعادة طبعا
‏قال Mano
جميله خالص
وانا زيك اتصدمت في نهايتها
والحب اغلي من جواهر الكون كله
بس دا لو موجود لسه
‏قال جارة القمر
مانو

ازيك عامل ايه؟؟

اها اتصدمت اوووى .. بس الحب موجود يا مانو اكيد :)
‏قال MOHAMMED ELBANNA
جاره القمر
بصراحه جميله ولكنها مصدمه في النهايه .
تقبلي تحياتي
محمد البنا
http://tareekelnagah.blogspot.com/
‏قال Tamer Nabil
يحب الانسان الحياة ويحب ان يعيش فيها والاجمل ان يعيش وهو يعمل مايحب ومايحب الاخرين ان يشاهدونة فية

مع خالص تحياتى
‏قال جارة القمر
محمد البنا

ميرسى لمرورك و كلامك صح فعلا
‏قال جارة القمر
تامر

نورت و ميرسى لمرورك واكيد كل انسان بيعيش و يحب يعمل اللى بيحبه
‏قال The illusionist
انا بمسى الاول
وبقول ازيك يا ست الكل
ثانميا
هقرى وارجعلك
الواحد مش بيلحق التمنتاشر بالساهل
‏قال The illusionist
جارتنتا
القصه دى تحفه قوى
والله عجبتنى قوى قوى قوى
اول مره اقراهادى تحفه
دى جميله قوى والله
مش عارف ايه الحماسه دى
بس عجبااااااااااااااااااانى
‏قال The illusionist
معناها حلو قوى وعاجبنى
رومانسيه
وصادمه
بس جميله قوى
ليكى حق تحبيها
قصه من الواقع الحقيقى
بتوصف حال كل شاب متخرج من كليته
فى مقتبل عمره
لسه جاى يتجوز
ومش معاه فلوس
وجه واحد خد حبيبته على الطاير لانه معاه فلوس
فى حين ان الشاب عقبال ما يضيع شبابه
وعمره
زى الطائر
عشان الفلوس
اللى هى الورده الحمرا
تكون حبيبته طارت
فعلا معناها روعه
الف شكر
انا عجبتنى جدا
‏قال جارة القمر
The illusionist

منور و الله ازيك عامل ايه ؟

مبسوطة ان القصة عجبتك الحمد لله
بس انا بجد مجاش فى بالى ان الوردة هى الفلوس اللى طالع عين الشباب فى تكوينها تشبيه جديد بجد ... تصدق ممكن فعلا يكون تشبيهك صح ... اسعدنى مرورك

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!