من اول نظرة


و كأنى اعرفك منذ زمن بعيد

رأيتنى بين يديك و انت تداعبنى كطفلة صغيرة

احسستك امانا لى من الدنيا

اخذتنى نظراتك من كل من حولنا

اول مرة اراك هناك

كيف شعرت بكل هذا معك

و اخذت تقترب منى

و انتظر انا كلماتك تنطق بما اشعر انا به

لا اعرف لماذا شعرت انك بداخلى تقرأ افكارى

دون محاولة منى لمنعك

هل هذا ما يسمونه الحب من اول نظرة

لا اعرف ولا اريد ان اضع له مسمى

يكفينى ما اشعر به معك ولا اريد سواه

اتمنى اراك مرة اخرى ... فى نفس المكان

هناك


=========================

الكلام دا كان حلم حلمته

استغربت نفسى اوى

هو انا ليه مؤمنة بالحب من اول نظرة كدا

وانا صغيرة و مازلت الصراحة كنت دايما بحلم ان هقابل فتى احلامى بالطريقة دى

فجأة و من وسط الناس هشوفهوا و هيحس بيا و احس بيه

هو انا مجنونة ؟؟ عشان بفكر كدا

مش مهم ... المهم انى ببقى مبسوطة و انا حاسه بالكلام دا

تعليقات

‏قال ponpona
هيييييييييييه ... انا الأول

لا يا جارة القمر انتي مش مجنونه ولا حاجه وعقبال يا رب كده مايتحقق حلمك دا ويبقي حقيقه كبيره كبيره كبيراااااا


ليه بقي كنت باسأل ع المدرسه .. لأني ببساطه ساكنه في العشرين

:)
‏قال جارة القمر
بنبونة

دائما الاولى يا قمر ... يارب يتحقق

بجد انتى ساكنة فى العشرين طب احنا لازم نتقابل بقى :)اديكى عرفتى مكان المدرسة تعالى بس و اسألى عليا
‏قال adel
برضه الريدر مش بيقرا بوستاتك نهائيا
و في ناش تانية برضه مش بتتقري

بس غابلا انتي السبب
ههههههههه
-----------
بس عادي الحب من اول نظرة شئ عادي موز
بس هو مش بيبقي حب ... بيبقي انجذاب رهيب
لكن مش حب
مفيش حب بييجي في لحظة و لو حصل مش هيكمل نهائي
easy come ....easy go
اللي بيجي بسرعة بيروح بسرعة اكبر
‏قال جارة القمر
عادل

بقى انا السبب ماااااااااااشى انا هوريك

انا متفقة معاك بس هو اتفق الناس على تسميته حب من اول نظرة
و برضو بحلم ان يكون لقاء فتى احلامى بهذا الشكل ... منورنى كالعادة
‏قال فراشة
السلام عليكم

عيد سعيد عليكي يارب

اممممم مش عارفه أقول ايه انا كنت مؤمنه بالحب من أول نظرة برضه ومتأكده ان ف يوم هيحصل

ولما حصل كان من طرفي انا بس وف الآخر اكتشفت انه كان مجرد اعجاب

مش بقول كدا عشان اصدمك بس ممكن تحبي من اول نظرة عادي بتحصل

ويارب يارب يحققلك كل اللى تتمنيه
‏قال جارة القمر
فراشة

انا عارفة انه صعب يحصل و دا الطبيعى مش مصدومة ولا حاجه و عارفة انه لو حصل مش هيبقى حب زى ما عادل قال مجرد انجذاب رهيب

فراشة ربنا يسعدك زى ما بتسعدينى بمرورك
‏قال شاب فقرى
مش مجنونة ولا حاجة

الحب من اول نظرة انا كمان بعترف بيه

وعارف انه هيودينى فى داهية

بس بعترف بيه

الموضوع نسبى بشكل رهيب

مش قادر اشرحه

ولكن

ربنا ينولك اللى فى بالك ويسعدك ويرضيكى :)

عاملة ايه يارب تكونى بخير

:)

شاب فقرى
‏قال well
الليلة احساسى غريب عاشق وما لى حبيب
تحياتى لاحلامك الجميلة
كونى كما تحبى
‏قال جارة القمر
شاب فقرى

انا كمان مقتنعة بيه و من غير ما تشرح انا فاهمة بتتكلم عن ايه

ان شاء الله اكون بخير ... ربنا يكرمك و اشوفك سعيد على طول
‏قال جارة القمر
well

ميرسى لزيارتك .. حلوة الاغنية دى بجد معبرة عن الحالة

ان شاء الله تنورنى دايما
‏قال سماء
هو بيبقا انجذاب بين الطرفين وممكن يتحول لحب


ربنا يحققلك حلمك


دمتى بود
‏قال جارة القمر
سماء ميرسى لمرورك و كلامك صح اكيد
‏قال Heba Gamal Emara
جارة القمر
اسم جميل بجد
ولذيذ تحسيه مختلف عن باقى الاسماء
تحسى له رونقه الخاص

اه المهم
ازيك يا جارة القمر عامله ايه ؟؟
دى اول مرة اجى هنا مدونتك
على فكرة المدونة جميله بجد وبتعبر عن ذوق صاحبتها

على فكرة عايزة اقوللك انك انتى مش مجنونة ولا حاجه
بالعكس
اللى يؤمن بالحب الاول يبقى من اكتر العقلاء الموجودين
لان الحب الاول هو اول دقه قلب
وهو اول استيقاظ للمشاعر والاحاسيس وهو اول ... حاجات كتيره اوى اوى

عايزة اقوللك آمنى بما يمليه عليكى قلبى وعقلك وكفايه ياستى انك مبسوطة باللى انتى مؤمنة بيه ده
عايزة ايه تانى بس
يا ربى دايما سعيده وجميله ومنورة


على فكرة
كل البنات مؤمنين بالحب الأول لانه اول حب واحلى حب واخر حب

ابقى تعاليلى ...بجد هتنورينى اكيد يعنى مش جارة القمر ولا هو القمر مش هييجى معاكى
لا لا قوليله ييجى وانا هعملكوا حفله شاى نسهر علي ضوءه فيها ...:)

تقبلى مرورى واحترامى وحبى ،،،،
‏قال جارة القمر
هبة

ربنا يخليكى يا جميلة على ذوقك و كلامك الجميل دا .. انا الحمد لله تمام انتى عاملة ايه و اخبار العيد ايه ؟؟

انا متفقة معاكى جدا اكيييد فعلا الحب الاول جميل و بيفضل جوا القلب ذكرى حلوة ... بس انا اقصد الحب من اول نظرة انا مؤمنة بالحب من ذلك النوع

نورتى يا قمراية و اكيد هجيلك و هجيب القمر طبعا غصب بلا رضى لازمن و لابد يجى
‏قال Heba Gamal Emara
بصى انا يمكن توهت عن الموضوع وانا بكتبه
الحب الوا بييجى ازاى
ماهو من اول نظره
بس تصدقى عندك حق جاااااااامد جدا فى الحب من اول نظرة بس بيكون مؤلم اوى اوى انك تحبى حد من اول نظرة بس تكتشفى انتى انه هو مش واخد باله منك ....بتبقى حاجه صعبه جدا جدا جدا
ربنا ما يوقعنا فى الحب من هذا النوع ............
‏قال جارة القمر
هبة

فى كل الاحوال يكون الحب من اول نظرة صعبا ... منورانى يا قمر

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!