حلم اصبح حقيقة فكان حبا لا ينسى


بدأت الدراسة و بدأ معاها التعب و الشقى

من عليه ان يتعب التلميذ ولا الاستاذ ؟؟

حاجه عجيبة و الله

انتقلت من مقاعد التلاميذ الى مقاعد الاساتذة لاظل اتعب

ابحث عن ما هو جديد لتسهيل توصيل المعلومة

ابحث عن ما هو جديد من معلومات افيد بها الطلاب

منذ ان كنت صغيرة كنت احلم بذلك

لالا لم اكن صغيرة كثيرا وقت ذلك الحلم

كنت فى الصف الثانى الثانوى

بدأ الحلم يتراءى امام عينى

اريد ان اصبح مدرسة و لكن ليس مدرسة

لاى مادة و لكن لمادة التاريخ

لماذا ؟؟ لا اعرف ولكننى احببتها كثيرا

ربما لان المدرسة التى كانت تدرسها احببتها هى ايضا كثيرا

فقرت ان اصبح مثلها .. بالمناسبة اسمها استاذة امل

يوم الاثنين عرفت لماذا احببت ذلك الحلم و سعيت اليه

عندما قاموا بنات الصف الثالث الابتدائى

برسم ورد على السبورة لعلمهم انى احبها و كتبوا عليها

نحبك يا ميس مى

وكتبت بنت اخرى فى ورقة صغيرة و جائت لى على استحياء

و طلبت منى ان ارى الورقة و اقرأ ما بها

"احبك با احلى ميس فى العالم"

من المؤكد اننى لست احلى ميس فى العالم

ولكن لا انكر ان الكلمة كان لها وقعها الطيب على نفسى

كدت اطير من الفرح .. لا استطيع ان اصف ذلك الاحساس

عرفت الان اننى كان لابد ان احلم ذلك الحلم و اسعى لتحقيقه

اعتقد اننى لن انسى ذلك مهما طال الوقت

تعليقات

مش عارف دا تعليق ولا لا بس احجز برضوا
كنت اقصد اول تعليق بس كلمو اول وقعت ياهلا كويس ان حلمك اتحقق عقبال باقى احلامك واحلام الناس الغلابة اللى هما المدونين يعنى
‏قال جارة القمر
العيسوى الصغير

يارب يارب يا سيدى كل الاحلام تتحقق بس تعرف لازم الاول تكون بتحب الحلم دا و بتسعى عشانه فعلا واكيد ربنا هيحققه
منورنى و الله و يارب تزورنى تانى سلالام
‏قال adel
مممم واضح انك تستاهلي ده
مش لازم تكوني احسن مدرسة في العالم و مش لازم تاخدي نوبل عشان تبقي متميزة
التمكيز الحقيقي في حب الناس ليكي
ولما يكونوا اطفال في دول مش اي حد
لانهم حساسين قوي تجاة الاخرين و بيعرفوا يفرقوا صح

طب ماتدرسيلي
يمكن تضيع صورة بعض المدرسين الوحشين من دماغي :)

وعرفنا ان اسمك مي خلاص :):)
‏قال Mo7ammed
طب كويس يامى

ممكن تستغلى السمعة دى وتدى دروس خصوصية

هتكسبى جامد يعنى

هههههههه
لولا خوفي من نفسي
وخوفي من أن اللي عملت في المدرسين مش هيطلع عليا
كان زمان الواحد مدرس
تاريخ برضه بالمناسبه

..........
أيوة كده
أهه فيه مش محكي ممكن نحكي فيه
:)
..........
تحياتي
ميس مى
‏قال جارة القمر
عادل

ربنا يخليك يا عادل بيه يارب على كلامك الجميل وانا معاك ان الاطفال اكتر ناس تقدر تقيم صح الانسان اللى ادامها

بالنوسبة بقى للمدرسين الوحشين اليع دول ما انت خلاص علمتنى بقى ازاى ابقى زيهم و ارعب العيال هههههههه

ايون اسمى مى عندك اعتراض ولا ايه :@:@
‏قال جارة القمر
محمد
يا ساتر يارب انتهازى جدا جدا انت و الله هههههههههههه
‏قال جارة القمر
اسلام

منورنى دايما اهو شفت اى خناقة يا سيدى جبتلك حاجه مش محكى فيها اهو

جرب مش هتخسر مش تخاف ان شاء الله تبقى مدرس جامد جدا
‏قال adel
لا يا ستي مي مي :)
انا ااقدر انطق

عاشي الاسامي يا مي

مي القناديل ...تاتاتا
والشارع الطويل
هههههههههه
‏قال جارة القمر
ههههههههههههههههههههههههه
اتريق اتريق ماشى ماشى
‏قال عمرو
التدريس يحتاج إلى نبي يا جارة القمر. يحتاج إلى من ينكر ذاته وطموحاته وينحني كي تصعد أجيالا على أكتافه. حاولت التعايش معه لكنني لم أستطيع. أتمنى من الله أن تتمكني وأن تسعدي
‏قال جارة القمر
عمرو

اتفق معك فى ذلك واتمنى ايضا ان استطيع
‏قال Timo..
انا حبيت اعلق على بوست "الصمت الرهيب"...
وصفت احساس بطريقة حلوة جدا
بس مش عارف ليه حاسس ان ناس كتير كده او بتمر بده
‏قال جارة القمر
تيمو

منورنى و ان شاء الله تشرفنى على طول
اكيد احساسك صح طبعا كل الناس بتمر بالحالة دى كأن العقل بيجى فترة و ينوقف عن العمل فترة استرخاء من كل الهموم و القلق الغريبة ان الحالة دى ليها فايدة و فى نفس ذات الوقت حالة وحشة و المفروض انها مش تتطول عشان مش تقلب بأكتئاب بقى و الكلام الكبير دا
مبسوطة بزيارتك
الحاجه الجميله انك بتحبي مهنة التدريس وعشان كده هتكوني علامه في تاريخ تلامذتك
‏قال جارة القمر
م/ الحسينى

نورت المدونة كلها الحمد لله بحبها فعلا و الله ويارب اكون زى ما انت بتقول علامة فى تاريخ تلامذتى
‏قال Tamer Nabil
كل انسان بيحاول يوصل معلومة او يستقبلها بيتعب على ما يوصل ليها

بس الجميل النظر الى النجاح فى عيون الاخرين

مع خالص تحياتى
‏قال جارة القمر
تامر نبيل

كلامك فى الجون نورتنى بمرورك هنا
‏قال adel
انا مقصر بس رديت عليكي
معلش بقي :(
‏قال TWEETY
ازيك

وحشانى خالص ياابلة جارة القمر

ربنا معاكى ويوفقك
‏قال جارة القمر
تويتى الجميلة وانتى كمان وحشانى ياقمر

و يارب يوفقك انتى كمان يااااااارب
‏قال Yusuf
ممكن عشان انتي بتتقني عملك

وبتؤدي رسالتك

ربنا بيكرمك يا مس مي


تحياتي
‏قال جارة القمر
يوسف

يمكن برضو كلامك صح ربنا يقدرنى و اتقنه فعلا
‏قال adel
ايه بقي

هااا

ايه بقي ؟؟؟؟

كل ده

طب ليه بقي ؟؟؟

----------------
قلت اجي اسلم و ارخم وبما اني المكان مكاني
فشوية و راجع تاني

رد بقي لاقلب المدونة ايجار جديد
‏قال جارة القمر
هههههههههههههههههههههه
و الله كنت لسه على بالى يا عادل و عمالة اقول اروح ارخم عليه ولا بلاش و بعد حسبة معقدة و صراع مرير مع النفس قلت بلاش حرام هههههههههههه

ايش اخبارك يا بنى العزيز و عامل ايه دلوقتى
‏قال adel
ابني العزيز ايه بس
ده انا لوكنت سمعت كلمهم و اتجوزت كنت خلفت قدك
يلا نصيب بقي

انا احسن في فترة النقاهة
ههههههههههه

وانتي ؟؟ظ
‏قال جارة القمر
هههههههههههههههههههههه حلوة جبت قدك دى هعديها بمزاجى


الحمد لله انا كويسة الى د ما
‏قال adel
حلوة اليد ما دي
وابلة و مدرسة

انتي كنتي بتجيبي كام في الاملاء :)

يا ......مي
يا ......مي
‏قال جارة القمر
هههههههههههههههههههههههه
احمد ربنا انى افتكرت حرف من الكلمة اصلا ... انا ممكن وانا بكتب اوقع كلمات فى النص بس اوعى تقول لحد بقى خليها فى سرك
‏قال adel
لا متخافيش
سرك في بيــــــــــــــــــر

طولت عليكي شكلي
انا قلت اسال بس
عشان مبقاش كبير اونطة :):)
‏قال جارة القمر
لا خالص و الله انا مبسوطة انى بتكلم معاك

يارب تكون بخير بس دا المهم و قوم ارتاح مش تقعد على الكمبيوتر كتير
‏قال adel
اه اه اه
عارف انا حركات البنانيت دي
مبسوطة اني بتكلم معاك

وشوية شوية تقولي انت خط ولا كارت

ههههههههه

بس بعيد عنك انا مش بقوم قبل 4 صباحا يعني لسه ببتدي اصلا :):)
‏قال خوخه
انا اول مره ازور البلوج دي
ومش اخر مره ان شالله
اتمنى تحقق احلامك
توبيك جامد
تقبل مروري
(تحياتي خوخه)
‏قال جارة القمر
ههههههههههههههههههههههههههه

لالا عادل انت تعرف عنى كدا اخس عليك اخس
‏قال جارة القمر
خوخة

ميسووووطة جدا بزيارتك طبعا يا قمراية و يارب تكون البلوج عجبتك
‏قال Tamer Nabil
ازيك جارة القمر

اخبارك اية

فى انتظار جديدك

مع خالص تحياتى
‏قال جارة القمر
الحمد يا تامر تمام

انت عامل ايه ؟؟

معلش بس الشغل كتير شوية

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!