مش انت اللى مصرى ... جتك القرف


عشان انت مصرى


عشان انت مصرى لازم تعانى

وتفقد كرامتك بكل المعانى

وتحرق فى دمك سنين مش ثوانى

واوعى تصدق كلام الاغانى

بتاع الحضاره وكانى ومانى

ده كله هجايص مايدخل ودانى


عشان انت مصرى العذاب بيناديك

بتبدا فى يومك حاجات بترازيك

فى نومك فى قومك تعكنن عليك

تضايقك ولسه العماص فى عينيك

مافيش ميه تشطف صابونه فى ايديك

وجسمك ملزق وريحتك عاديك

فتلبس وتنزل وفيك اللى فيك


ورايح لشغلك حتحتاج مواصله

ادى المترو واقف وكهربته فاصله

وفى الميكروباص خناقه وحاصله

اوتوبيس فرامله عايزالها وصله

وتوك توك ده تايه ومحتاج لبوصله


بتوصل لشغلك بدم اتحرق

فى زحمه وكتمه وحر وعرق

رئيسك سايبلك كومه ورق

ده غير دمغه ضايعه وملف اتسرق

وفى كام مواطن عامللك قلق

بيشكى تقول له روح اندعق

وعركه وهوجه وشاى اندلق

ومخك خلاص من الصداع اتفلق


هترجع لبيتك ده لو كان فى بيت

هتوصل هتندم ياريتك ماجيت

مراتك بتصرخ خلاص استويت

عيالك بتطلب وهات كيت وكيت

تزعق تهاتى ياناس اتهريت

ولاحد سامعك مهما هاتيت


عشان انت مصرى وده للاسف

فلازم تاسى تعيش تتقرف

وكل الاساسى فى حياتك ترف

فتنسى الكرامه وتنسى الشرف

وتسرق وتنصب او تنحرف

ودمعك بيجرى وجرحك نزف

مش انت اللى مصرى؟؟؟ جتك القرف


ـــــــــــــــــــــــــــــــــــــــــــــــــــــــــــــ

احمد فؤاد نجم

تعليقات

‏قال adel
هههههههههههه
انا لما شفت اسم البوست كنت هدخل شمال و ربنا

بس عمنا نجم هنعديها

بس الراجل ده خرف بجد خلاص ز فاتحها شتيمة مش زي زماااان

يلا اهو كله سبوبة

وبعدين ما المصري من 7000 سنة اتعود علي كده خلاص
هههههههههه
‏قال Mo7ammed
هو عمنا نجم

حبيب الغلابة اللى زى حالاتنا

ههههههههههه
‏قال جارة القمر
عادل

ههههههههههههههههه تدخل شمال فى مين يا بنى انت .... بس مش تنكر يا عادل ان كلامه صح فعلا

مصر جميلة و انا بحبها طبعااااا دى بلدى لكن دلوقتى فيها سلبيات كتير
‏قال جارة القمر
محمد

هههههههههههههههه اه و الله يا بنى حبيب الملايين
‏قال Yusuf
نا اول مرة اشوفها شكلها جديدة

وده نجم عم الكل

ووالله عنده حق

ولسة ياما هنشوف

تحياتي
‏قال جارة القمر
يوسف

منور و الله اكيييييييد فؤاد نجم عم الكل و برضو عنده حق
‏قال adel
ادخل شمال في العنوان ...حد يقول للمصر جتك القرف

بس القصيدة موضحة المعني

وانا بموت فيها .. :) محضرتيش انتي بوست (مصر يا رأفت) :):):)
‏قال جارة القمر
قريييييته طبعا يعنى مش انا قرأت كل المدونة عندك

وانا و الله كمان زيك بحبها اوى كدا

المهم انت عامل اييييييه ؟؟؟
‏قال adel
اه صحيح انا نسيت

انا عايش في الدينا اهون

وانتي ؟؟
‏قال جارة القمر
تمام ماشى الحال بداية الدراسة عملالى هوسة و دوشة هههههههههه بس بنفذ نصايحك مع العيال
‏قال adel
هههههههههه

يعني عليهم

مش كفاية انفلونزا الخنازير عليهم
‏قال جارة القمر
هههههههههههههههههه و طبعا عارف التوابع بقى العيال بيدعوا عليك طبعا :P:P
‏قال adel
دعواتهم وصلت :)

هي القرحة رجعت من شوية :))
‏قال جارة القمر
هههههههههههههههههه الف بعد الشر عليك انت لسه تعبان ؟؟؟
‏قال adel
يعني احسن شوية من الاول
الحمدلله علي كل شئ
‏قال جارة القمر
الف سلامة عليك ان شاء الله تقوم بالسلامة و تبقى كويس و زى الحصان
‏قال enjy
ايه يا عم عادل القلق دة؟؟؟

انتى سايباه يعيث فى مدونتك فسادا كدة ليه يا جارة القمر

متقعد يا ابنى فى حتة ربنا يهديك
‏قال جارة القمر
انوجا الجميلة ازيك يا قمر وحشانى

معلش بقى عادل ابننا الصغير :D
‏قال جارة القمر
أزال المؤلف هذا التعليق.
‏قال adel
ابنكم :|
ههههههههههههههههه
وضغير كمان

لما اشوفك بكرة يا انوج بس :)

وبعدين هنا مكاني برضه :):)

شوفتيني بلعب كده في اي مدونة اخري :)
‏قال جارة القمر
اكييييييد مكانك يا عادل يا ابنى ولا بلاش ابنى عشان مش تزعل خليها ولدى اهى اشيك برضو ههههههههههههه
‏قال adel
يابنتي انتي ولدك ايه ؟؟
هو انتي اشاسا اكبر مني بكام شهر خلاص :):)
ده مش فرق بالنسبة لي اصلا

هههههههههههههههههه
‏قال جارة القمر
خلاص يا عم انت هتضرب ما هو انت لازمك لقب كبير كدا و يملى العين

هبقى افكر فى حاجه حلوة كدا و اقولك عليها
‏قال فشكووول
الراجل ده مخه رايق قوى .. هو جاب من الاخر فى الاخر عشان انت مصرى حتسرق وتنصب او تنحرف
ودمعك بيجرى ودمك قرف
عشان انت مصرى جاتك القرف

عشان المرحوم مصطفى كامل يعرف انه لو لم اكن مصريا لوددت الا اكون مصريا
‏قال جارة القمر
ههههههههههههههههههههه

يا استاذ فشكول مصطفى كامل لو كان عايش بنا دلوقتى كان اتنازل عن الجنسية المصرية بمحض ارادته
برضة بنحكي في المحكي
بس أهه حاجه كويسة تنفع تصبيرة
أقعدى بالعافية
‏قال ponpona
جيت متأخر كالعاده يعني .. هه ما علينا

معلش يابسبوسه مشغوله حبتين وأول ما اعرف أكيد هاجي واقرأ واسيبلك كومنت
‏قال جارة القمر
اسلام
ازيك يا بنى عامل ايه ؟؟

انا يا سيدى عاملة المدونة عشان احكى فى كل حاجه اللى اتكى فيه و اللى لسه مش اتحكى فيه هههههههههه
‏قال جارة القمر
بونبونة الجميلة

ولا يهمك يا جميلة المهم انك بخير
دلوقتى فيها سلبيات كتير
و لا السلبيات هى هى بس ماكنش فى حد يقدر يفتح بوه ولا نت واعلام ينقل الخبر بالسرعة دى
‏قال Saso
والنبى ياختى عنده حق عمك احمد فؤاد نجم
ونحن وراه وراه ونهتف معه "مش انت اللى مصرى ...جاتك القرف"
بس هل دا هيبقى احنا بندعى على المصرى ان يجيله قرف زياده ولاايه اصل انا خايفه على نفسى ياختى
تحياتى

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!