الصمت الرهيييييب


الصمت الرهييييييييب

حالة غريبة اوى

ممكن تدخل فيها فجأة كدا بدون مقدمات

بين لحظة و التانية تلاقى نفسك مش عايز تتكلم

او بمعنى اصح مش قادر تتكلم

رغم ان الكلام جواك بيكون كتير اوى

بيمر ادام عيونك كدا زى شريط السكة الحديد لالا مش الشريط دا

زى شريط السينما ايووون هو الشريط دا

الفترة دى بحس فيها بلا مبالاة جامدة اوى

مش بيكون عندى تعليق على اى حاجه

ببقى حاسة انى منفصلة عن الحياة

بشوف الناس لكن مش قادرة اتواصل معاهم

بس ايه بقى اول ما تخلص الحالة دى

ببقى رغاية جدااااااااا و بيجى الكلام مش عارفة بيجى منين بس بيجى

مش بقولكم غريبة الحالة دى

تعليقات

‏قال adel
انا جيت اهون
‏قال adel
مممم

مدام شريط سينما يبقي حالة حلوة :)

بس الحالة دي انا عارفها للاسف
‏قال adel
بالنوسبة ليا

مش عارف اكتب حاجة :((

هانتحر

عداد مخي وقف

يوم او اتنين و هنزل اي حاجة
‏قال جارة القمر
اهلا يا عادل

تصدق وانا بكتب شريط سينما قلت عادل اكيييد هيعلق على الكلمة دى هههههه

بالنوسبة للعداد بتاع مخ سعادتك انا اقولك الحل عارف الفوطة الصفرا بتاعت التاكسى دى حاتها كدا واقعد نضف فى مخك يمكن يشتغل زى عداد التاكسى دا اللى الفلوس بتاعته بتفضل طالعة على طول ماحدش بيعرف يوقفها
‏قال ponpona
أنا بردو كده ... الكلام ساعات بيبقي جوا كتييييير وعامل فوران رسمي لكن الكلمه تطلع لحد شفايفي وفجأه واحده تقع لجوا تاني وعنيا يبقي فيها نظره فاضياااااا
‏قال جارة القمر
بنبونة

حلوة اوووى نظرة فاضية دى تعبير صح بجد

حالة صعبة اوى
‏قال Isolde
اممممممممم.... مش عارف اقوللك ايه، بس ممكن نالف موسيقي توصف الحالة المشتركة دي، انتي عارفة اني بقيت موسيقار دلوقتي و بالف اغاني هع هع هع

شكرا انك عملتيلي فولدر عندك باسمي، ربنا يقدر ني و املاهولك حاجات حلوة
:)

علي فكرة، الصورة عاجباني اوي و جو المدونة و الوانها جاي علي هوايا
:)
‏قال Yusuf
فعلا

الحالة دي عجيبة
تحسي انك ف منطقة والناس ف منطقة تانية خالص

وتحسي ان اشارة المخ للسان انه يتكلم خدت اجازة

بس والله بعد ماتخلص

الواحد بيبقا مبسوط برجوعه لطبيعته


تحياتي
‏قال mimi
منين صمت رهيب ومنين رغي جداااااااا

لا الحالة كده مستعصية

ههههههههههههه

حاولي تغيري جو

تحياتي
‏قال دموع القمر
ازيك ياحبيبتى

وحشانى معلش انا مقصرة بس والله ظروف

المهم انت تكونى بخير

الصمت الرهيب تصدقى الواحد كدا بيكون قاعد عايز يبلم وبس بالمعنى بتاعنا

وساعات بيكون جوايا كلام كتير الواحد مش عاررف يتكلم او يقول اللى جواه

وساعات بحس انى فى وادى والناس فى وادى تانى
‏قال جارة القمر
ايزولد يا دى الهنا يا دى

ازيك يا جميلة عاملة ايه

هههههههههه جامدة موضوع قطعة الموسيقى دى ماشى يا ستى انا مستنية اهو مش تتأخرى عليا بقى

ربنا يخليكى يا جميلة على ذوقك
‏قال جارة القمر
يوسف

منور و الله اه فعلا الواحد بيبقى مبسوط انه رجع لحالته الطبيعية
‏قال جارة القمر
ميمى

هههههههههههههههههههههه لالالا الرغى دا بيجى بعد الحالة دى ما بتخلص

و افكر برضو فى موضوع تغير الجو دا اهو برضو فرصة

منورانى يا جميل
‏قال جارة القمر
دموووووووووع القمر

وحشانى يا بنتى لا مقصرة ولا حاجه المهم انك بتنورينى بس مش تبقى تتأخرى تانى

و الله يا بنتى الحالة دى وحشة اوى بجد ربنا مايوقعناش فيهاكتير
السلام عليكم ورحمة الله وبركاته
ازيك يا كوكى
الحالة دى على ما اعتقد ان مافيش حد مامرش بيها
اما بقى حالة الرغى بتاعتك
على يدى المهندس كان هنا وفؤاد كان هناك وانتى على نغمة واحدة انا رغاية يا بابا انا رغاية يا بابا
بس برضه فى النهاية انتى القمر نفسه مش جارته بس
بحبك مووووووووووووت
تقبلى احترامى
‏قال جارة القمر
و عليكم السلام و رحمة الله و بركاته
ههههههههههههههههههههههه ماشى يا مها بقى انا رغاية دا انا طيبة و حونينة ... ميرسى يا قمر ربنا يخليكى وانا كمان بموووووت فيكى
‏قال فشكووول
ازيك يا جارة القمر.

تحياتى

شوفى يا جارة القمر .. ساعات الواحد كدا يبقى منبعج ولا يبقى عارف هو مبسوط ولا زعلان فرحان ولا حزنان ... حاله كدا مالهاش اى تصنيف ومن غير اى اسباب او مقدمات.

يعنى ايه بقى منبعج ... يعنى اللى انا قلته فوق حاله مالهاش سبب وما تلاقيش لها اى مقدمات حاله من الحياد الشعورى
‏قال جارة القمر
استاذ فشكول ماتسألش ليه استاذ بس انا حسيت انى لازم اقولك كدا مش عارفة ليه طبعا منورنى جدا

هو فعلا دا وصف الحالة حالة من الحياد الشعورى بس بحس و الله انها مفيدة برضو يعنى الواحد بيرتاح من تعب الاعصاب و حرق الدم
كلام كلة صحيح ذيى عندى بالظبت انا فى 6ابتدائى عندنا المدرسين يقولوا اغسل ايدك واحات فوت وهات وهات وهات لاكن حتا لو امتنع عن الناس واعد فى غرفة لوحدة فاكرين انة كدة هيحمى نفسة اللة عز وجل لو عايز ينزل بعد علنا كلنا مرض انفنونزا الختازير هتجيلة وكمان لما قالوا عن غزة وقالو مصر دى جميلة ومش علرف اة معنى انى مصر كانت بتقفل وكمان بيفتحوا المعبر دقتين ويقفلوا وشكرا وارجوا زيارة مدونتى سلاوى دوت كوم....
‏قال جارة القمر
محمد الحسينى

انا مش عارفة ايه علاقة كلامك بالبوست الصراحة ... عامة شكرا لزيارتك

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!