فوق السحاب ... اتمنى ان اعيش


فوق السحاب

احب ان اعيش

ارى الكون من هناك

منذ ان كنت صغيرة

احلم بذلك فربما ارى شيئا

لم اره وانا على الارض

يذكرنى لون السحاب الابيض

بفطرة الانسان

فقلوبنا كانت بيضاء لم يضع فيها

الكره و الشر قدما

أحقا من يحب السحاب يكون غامضا

اعتقد لا ... فأنا احب السحاب

دائما انظر اليه و احب لونه

اشعر بقمة السعادة لا اعرف لماذا

ولكنى احب ذلك .. اتذكر قدرة الله

اشياءا كثيرة افكر فيها و انا انظر اليه

اشعر بصفاء و راحة كبيرة

اتمنى ان اعيش فوقه يوما

فارى الكون من هناك

تعليقات

‏قال adel
الاول دائما في التحليق

فووووووووووو
‏قال adel
ايه ده كله
ايه ده كله

ايه السحاب ده كله

خيالك واسع ... قوي الصراحة
السحاب مرة واحدة

مش السحاب دي مدينة من بتوع طلعت مصطفي ؟؟؟
وبرضه كان في الاعلان بيقول هتعيش علي فطرتك ...لكن هتفلس عشان تشتري هناك اي حاجة و هتعيش ساعاتها علي الايعنات
هههههههههه

لا بس بجد هو حلم و كتير من الاحلام اللي بنحلمها عارفين انها خيال بس بتبقي ممتعة
بس وحياتك احلمي تحت شوية لاني عندي فوبيا من المرتفعات

وانا عن نفسي عندي حلم زي ده بالظبط تقريبا هتلقيه هو اللي في ملف التعريف
عاوز اعيش في مدينة كلها شخصيات كارتونية و عيال :):)
يخربيت المسخرة
‏قال فشكووول
وانا التانى بس ارجع اقرأ وبعدين اشوف ايه الموضوع .. اصل المواضيع كتير وانا من فتره ما بسمعش عنك حاجه فارجع اطمئن وبعدين اعلق بقى براحتى
‏قال فشكووول
ايه الموضوع .. دى جارة القمر الجيزاويه.. وانا فاكرها جارة القمر الغزاويه .. على العموم حصل خير ..ز بس هى لخبطه فغى اللينكات لنفس الاسم / جارة القمر .. عموما انا حأخد اللينك واكتب عليه جارة القمر بشرطه عشان افرق بين الغزاويه والجيزاويه
‏قال جارة القمر
عادل

ههههههههههههههههههههه بتعجبنى فوووووووو دى و الله

ايوة خيالى واسع طبعا انت لسه ماتعرفنيش ولا ايه ... اى مدينة بتتبنى جديد اكيد هتبقى مفلس لو روحت هنااك هما عاملينها عشان كدا اساسا

شخصيات كرتونية ... عادل يا ابنى انا شكلى كدا هقطع العلاقات الدبلوماسية كلها ههههههههههههههههه
‏قال جارة القمر
فشكوول

لالا ولا يهمك انا من اول ما عملت المدونة و كتير يدخلوا غلط ههههههههه اعملها جارة القمر بشرطة او بنقطة مش مهم .. الاهم انك تشرفنى دايما
‏قال عمرو
طيب فكري كده في السما الصافية..
فكري في الليل والنجوم
فكري في الشمس وقت الغروب
فكري في القمر ليلة تمامه
أو في الهلال ليلة ميلاده
الدنيا كلها تتحب
والسحاب برضه
إلى المزيد من التأمل يا جارة
:)
‏قال جارة القمر
عمرو

يا قهلا يا قهلا .. صحيح كل حاجه لو شفناها بقلوبنا هنحبها
‏قال ponpona
فوق السطوح ... اتمني اعيش !!

بنت .. ماتضحكيش ، أنا بيكلم بجد مش هزار علي فكره
آه والله أنا طول عمري نفسي ف أوضه فوق السطوح فووووق
واعملي زحليقه لوحدي من السطوح للشارع علي طول فووووووو

بس مش عايزه أوضه ماعموله من طوب لأ طبعا
عايزاها تبقي حاجه كده زي تكعيبه وازرع شجره عنب
واسيبها تفرش ع السقف والحيطان

حلوه أوي الصوره ياجارة القمر ياسمسمه انتي
وبعدين قوليلي انتي مش جارة القمر ؟
يبقي انتي علطول قاعده فوق هناك بعييييييد
الدور والباقي علي أمثالنا الأرضيين
:)
‏قال جارة القمر
بنبونة الحلوة الامورة ازيك يا جميلة عاملة ايه ؟؟؟

و الله بجد ضحكتينى حلوة اوى موضوع السطوح دى تصدقى ماما برضو عايزة تعمل التكعيبة .... اه صحيح فكرتينى انى جارة القمر هبقى اشوفلك تكعيبة جنبى فاضية و اهو الواحد ياخد فيكى ثواب
‏قال adel
انا رديت علي كل كلامك بس هنقل جزء نونو هنا :):)

كلامك ده بجد اسعدني و مسير الوجوة تتقابل ياستي ....وانت برضه حد اعتز بمعرفته و فعلا انا مش بضيف اي حد بس حتي اللي بيكتبوا اي كلام .. ساعات بيثروا فيا من غير ما يحسوا و هو ده المهم
مش مهم تكوني العقاد عشان ااقرالك
العقاد ماثرش فيا و ماضفليش شئ
انتي بكتابتك اثرتي و هو ده المهم

بجد ميرسي علي اهتمامك و قريت كل ده ...مجهود مقدرش ااقول عليه الا شكرا و انا فعلا مستحقش ده و يارب ميكونش وقتك ضاع علي الفاضي :)
‏قال جارة القمر
ايه اللخبطة دى بقى

انت هنا ولا هناااك ههههههههههههه

ربنا يخليك يارب و يا بنى طبعا مش ضاع على الفاضى هو انت ضربتنى على ايدى عشان اقرا كله انا اللى جيت ارخم عليك و اتمشيت فى المدونة بتاعتك ... دا انا قلت هتطرودنى و تقفل المرور و الاشارات و كله هههههههههه
‏قال Yusuf
أحقا من يحب السحاب يكون غامضا

اعتقد لا ... فأنا احب السحاب

وانا كمان بحبه

وبحب كمان اسلوبك الجميل ف توصيل المعني

تحياتي
‏قال norahaty
أنا عشت فترة
فوق السحاب دا
كنت فى امريكا وساكنه
فى فندق الدور ال35 يعنى تبصى
من الزجاج (الذى لا يُفتح) ماتلقيش
الا حاجة بيضا خااااااااالص وبس!
وانا كمان على فكرة
اتمنى ان اعيش فوق السحاب
عشان بس هاكون لوحدى هاقعد اتامل وبس زى ما قولتى اتذكر قدرة الله
اسلوبك جميل اوى يا جارة

يارب يحقق لك مناكى

تقبلى تحياتى ومرورى
‏قال جارة القمر
norahaty

منورانى يا جميل و الله يا بنتى احسن حاجه هو فى احسن من السحاب و الحاجات البيضاء
‏قال جارة القمر
يوسف

ميرسى لكلامك الجميل
‏قال جارة القمر
بيطرية و مش بايدى

خلاص تعالى اشوف لك مكان جنبى فوق ولا تزعلى يا ستى احنا عندنا كام بيطرية و مش بايدى

تسلمى يا جميل لمرورك
فقلوبنا كانت بيضاء

ومازالت بعض القلوب تحبفظ بنقائها والبراءة التى كانت فى فترة الفطرة ولكنها قليلة جدا جدا جدا
‏قال جارة القمر
اسماء و احلام فى وجدانى

اتفق معك هى فعلا قليلة جدا اوى خالص
بس تعرفى رغم ان معظم القلوب ما بقتش على الفطرة الا انك هتلاقى فيها جزء كدا صغير لسه فيه الفطرة دى و النقاء
مش هتكلم على البوست
لانه اكيد جميل جدااا و محسوس
بس هقولك حاجة
لفترة قريبة بس مش قوي
كانت عندني امنية و كان عندي امل قوي انها تتحقق رغم اني متاكدة انها مستحيلة
بس هتقولي ايه على لحظات الجنان
ههههه
كنت اتمنى اني اطير للسحاب
و احط قدمي عليه
مش عارفة ازاي
بس لما كنت ببص له كثير
كان بيجيني احساس انه مش بخار
لاءلو حطيت رجليك عليه هقف عليه
وهنطط و العب و مش عارفة ..
هههههه
متخفيش مش جنان و لا حاجة
بجد بوست جميل
‏قال جارة القمر
يا بنتى مافيش احلى من الجنااااااااان دا هو دا الاصل .... و ابقى خودينى معاكى حتى نبقى نلعب سوا هناك

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!