تواكل ام حق مكتسب ؟؟


استعجب للبعض الذين يرون ان من حقهم الراحة

و على الاخرين التعب من اجلهم

هل يفعلون ذلك لانهم يعتبرون ما يفعله الاخرين من اجلهم حق مكتسب لهم

ام تواكل منهم ؟؟

فمثلا عندما تكون فى عمل ما و ذوقيا منك تخدم زميلك بأنك تقوم عنه بعض الاعمال

و تكرر الامر ربما لانك ترى ذلك مساعدة له ما دام ذلك لا يعطلك

الا انك تفاجأ ان زميلك يتعامل بعد فترة مع هذا الامر انه حق متكسب له

فيرى ان عليك مساعدته و اذا حدث و رفضت فى مرة مساعدته لا لشئ

الا انك لديك عملا تقوم به الان ... يعتبر ذلك تعدى منك على حقوقه

وربما يثور عليك و يفتعل المشاكل


لماذا يثور ؟؟؟ تواكل منه و انه وجد من يساعده و لا يريد خسارة ذلك

ام انه فعلا يعتبر ذلك حق مكتسب ... و عندما تجرب سؤاله عن سبب غضبه

يكون الرد "دا من عشمى" الرد دا بينرفزنى جدا ... عشم ايه ؟؟ دا مش حقك اصلا

و اذا كنت براعيك كزميل يبقى انت كمان لازم تراعينى لو مقدرتش اساعدك


ارى كثير من المواقف فى حياتنا تعبر اننا فى بعض الاحيان نأخذ اشياءنا

و نبيح لانفسنا حق استخدامها و هى ليست من حقنا اصلا و انما اخذناها بسلاح الحق المكتسب

اوقات بلاقى نفسى بمشى بمبدأ الحق المكتسب (لازم الواحد يعترف برضو) لكن بحاول كتير

اسيطر على المبدأ دا لانى اصلا شايفه انه خطأ


اعتقد ان الامر ينقسم فى فعله للاثنين ... بمعنى ان الانسان يعتبر ما يفعله الاخر له حق مكتسب

و فى نفس الوقت تواكل منه او كسل عن القيام بمهامه بنفسه

تعليقات

‏قال adel
ممممم
عندك حق
وحكاية العشم دي احد الاسباب اللي جايبنا ورا
فيها ايه لما كل واحد يعمل شغله
مش بياخد فلوس و مرتب زي زيه ولا هو احسن مني ؟؟؟

احنا للاسف عاداتنا باليه و مستفذة لاقصي درجة
وشعب متواكل علي بعضه
يعني لو حد بعت لحد شغل الحد ده بيبعته لحد تاني و هكذا
امال الروتين جالنا منين
‏قال جارة القمر
اهلا اهلا يا عادل

انا معاك طبعا للاسف احنا بقينا كتير كدا
منورنى دايما
‏قال Mo7ammed
بصى ياجارة القمر
ده اسمه استنطاع
والمفروض اول مايحصل كده
نديله على قفاه عدل
مفيهاش عشمى
قلى ياتيت انا عملت كده لأنى احسن منك
لو عنده دم همشى وهيقعد ساكت
صدقنى انا عملتها مع واحد صحبى كانت الشلةكلها بتصرف عليه وفى الاخر بياخد الفلوس ويروح يشرب بيها سجاير
مسكنا علقنااه
‏قال Yusuf
ده من عشمي

جملة للأسف بقت زي السرطان في مجتمعنا
وكله معتمد علي كله

ربنا يستر

عرض رائع
‏قال جارة القمر
محمد شكلى فى الاخر هعمل كدا فعلا بس انا قلبى طيب مش هقدر هههههههههههههههه منورنى يا محمد بيه
‏قال جارة القمر
يوسف اه للاسف الاعتماد على الغير بقى افضل حاجه نقدر نعملها
مش عارف أحنا ليه بنحكي في المحكي
‏قال بنوته
السلام عليكم
معاكي حق يا قمر في كل كلامك
في ناس كدا فعلا
وهو دا سبب في تخلف بلدنا
البلد مش هتتقدم طول ما فيها ناس كدا
بس ميييييييييييييين يسمع؟
بجد موضوع مهم
دايما متميزه يا عسل انتي
في رعاية الله
وعيد سعيد ... رمضان كريم
كل سنه وانتي طيبه
هههههههه
السلام عليكم
‏قال جارة القمر
اسلام خلاص يا عم احكى انت فى الجديد هههههههه
‏قال جارة القمر
بنوتة ازيك يا قمر عاملة ايه
ميرسى يا جميلة و ان شاء الله نحاول كلنا نتغير

وانتى طيبة يا قمر و دايما فى شعادة
‏قال enjy
لا والله مش تواكل بس غلاسة ورخامة وغتاتة

عارفة اللى بيعمل كدة لازم يبقى شخص مؤذى والله فعلا مؤذى بياذى مشاعر الناس وفاكر انه فى السليم

اففففففففف انا اصلى ملسوعة من الموضوع دة بالذات تفضلى واقفة جنب الواحد من دول لحد ما يتخيل انك جارية وان الطبيعى ان الناس تعمل معاه كدة..

ما علينا...المهم انتى عاملة ايه كدة واحوالك؟؟؟
‏قال جارة القمر
انجىىىىىىىى كنت لسه عندك فى المدونة بجد وحشانى و الله

انا بقى شكلى كدا هتلسع منه قرييييب و ربنا يستر بقى

انا تمام يا جميلة المهم انتى بخير ؟؟؟
‏قال اقصوصه
كل عام وانتم بخير

تمنياتي بقضاء عيد سعيد
‏قال جارة القمر
وانتى طيبة يا جميلة و عيد سعيد علينا كلنا

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!