اموت و افهم


مش عارفة ابدأ منين

متغاظة اوى الصراحة اوى اوى كمان

هو ليه الواحد يبقى عنده قناعة بمبدأ معين

و تلاقيه هو نفسه مش بيتصرف به

الكلام دا طبعا بينطبق على ناس كتير

بس اسمحولى و بما انى بنت انحاز انحيازا مباشر لبنى جنسى

انى اطبقه على الشباب

الاقى الولد من دول يقول لاخته اياكى اشوفك بتتكلمى مع شباب

ولا بتهزرى و تضحكى كدا بصوت عالى ... و هو اصلا بيعرف بنات

و بيتكلم معاهم و البنات دول برضو بيضحكوا بصوت عالى

لما الولد شايف ان البنت ماينفعش تعرف شباب و تتكلم معاهم

طب ليييييييييييه هو بيعرف بنات و بيتكلم اهو


طب سيبك من دا نخش على حاجه تانية

تلاقى الولد من دول عايز اخته تلبس طويل و محتشم

لكن تعالى بقى لو واحدة زميلته قالتله ايه رأيك فى الموديل دا

يقولها "وااااااااااااو تحفة يا يويو" و تلاقى الموديل دا ضيق او مبين اكتر ما بيدارى

و عادى خالص ايزى جدا

و على افتراض بقى انه جه حظه و حب ست يويو .... يعمل اييييييييه بقى ؟

تبدأ بقى المشاكل بلاش البلوزة دى بلاش البدى دا ... و هى طبعا تقوله دا كويس خالص اهو

طب ليه اعتراضك ما انت اصلا حبتها و هى بتلبس كدا يبقى ليه عايز تغيرها دلوقتى

و ليه اصلا كنت بتقول على اللبس دا الاول حلو اوى و جميل وانت اساسا مش مقتنع باللى انت بتقوله


هو الشباب عنده انفصام فى الشخصية ولا ايييييييية ؟؟

طبعا الكلام اللى قلته دى امثلة و فى غيرها كتير اوى اوى

اموت و افهم ليه ما تبقاش على مبدأ واحد سواء مع اللى يخصوك او اللى مش يخصوك

هو عيب يعنى ؟؟ حاجه غريبة و الله

تعليقات

‏قال بنوته
اول تعليييييييييييييييق
حجز ل/
بنوته
‏قال بنوته
انا جيييييييييت تاني
بصي ياقمر بجد موضضوعك جميييييييييييل جدا
انا وجهة نظري انه
بينصح اخته عشان هي تخصه فبينصحها بالاحترام لانه عاوزها تكون لؤلؤه محفوظه من عيون الناس
اما صديقته او زميلته متخصوش فمش بينصحها لانها متهموشش في حاجه مجرد واحده بيكلمها ويسلي وقته وخلاص
فلما بيحبها بتبقي حاجه تخصه بقي وقتها فعاوزها تكون ليه هو وبس فبيكون عاوزها محترمه بجد
بس كدا
دا من رايي
بجد موضضوعك هاااااااااااااااااااايل
‏قال بنوته
انا اتشرفت كتير بمعرفتك
ممكن ايميل حضرتك؟
انا ايميلي
banotaaa97
ربنا يوفقك وتظلي في تميز
في رعاية الله
السلام عليكم
‏قال جارة القمر
ههههههههههه ليكى جايزة اول تعليق

كلامك صح فعلا بس ايه المشكلة ان وجهة نزره دى تبقى مطبقة على كل اللى يعرفهم ما هما برضو ولاد ناس ولا ايية ؟؟

هضيفك اكيد بس دا ياهو ولا هوت ولا ايه بالظبط
‏قال بنوته
عاوز يتسلي ومش بيرضي ربنا في تعاملاته مع الناس
ربنا يهديهم جميعا يااااااااااارب
انا ياهو علي فكره
‏قال Mo7ammed
بصى هقولك حاجة ياجارة القمر
تعالى نعكس الأمثلة كده ثوانى..ماشى ؟

انتى لو لاقيتي اخوكى ماشى فى الشارع ومسقط بنطلونه ولابس سلاسل اكيد هتقوليله متلبسش كده وكده شكلك مش تمام

انما لو شفتى ولد فى الشارع كده او فرضا معاكى ولد فى الكلية ومن زمايلكم , هتقوليله حاجة او كلام زى ماهتقولى لأخوكى ؟
لا معتقدش

طب لو انتى حبيتى الشاب ده -فرضا يعنى- ساعتها هتقوليله بلاش اللبس ده علشان كده ميصحش ولا ايه ؟

نفس المبدأ عندنا احنا الولاد
انا ممكن تكون زميلتى بتلبس مش تمام
بس انا مليش دعوة بيها
ابوها وامها واخوها منزلينها كده من البيت ليه ؟
انا دورى اقولها مش ينفع اللبس ده يافلانة وده لو كان ليا دور اصلا؟
انما بقى انا لو حبيتها او حاجة
اكيد لو انا محترم هقولها مينفعش اللبس ده

وبينى بينك الواحد اما يلاقى بنت كده مش بيحبها ولا بينيل
يإما بينفض وده المحترم
يأما بيصاحب لغرض المصلحة والمنظرة و و و انتى فاهمة بقى اكيد

يعنى من الأخر
الواحد ممكن يصاحب بنت مش تمام انما يحب ان اخته او حبيبته او مراته تكون تمام
وده شئ طبيعي صدقينى وفكري فيها كده بسويس

وووو كل سنة وانتى طيبة كمان مرة ^_^
‏قال عمرو
أهلا جارة القمر
ده مش فصام.. ده منطلق ذكوري بحت ليس له علاقة بالتدين أو الاحتشام. دي محاولة من الذكر إنه يحوط على الإناث اللي بيتبعوه (في مخيلته طبعا). ودي غريزة, لابد إن الولد يكون واعي لها فما يستعملهاش عمال على بطال, وتكون البنت برضه واعيالها عشان ما تصابش بالإحباط
:)
‏قال adel
اولا : ميرسي قوي قوي قوي علي دعواتك و علي سؤالك :):)

ثانيا : اول واحدة اطمنها ... الحمدلله ...هو دكتورة من الاتنين جابت امتحان منيل بس انا عملت اللي عليا و الباقي علي ربنا بقي

ثالثا : مين قال ان كل الولاد كده ؟؟؟
انا مش كده نهائي ... انا كنت اعرف اصحاب اختي في الجامعة و فيهم ولاد عادي .... وكانوا محترمين جدا جدا ... و عمري ما قالتلها لابسة ايه لان ببساطة مدام ماما و بابا وافقوا علي لباسها انا اللي هارفض ؟؟؟!!!!!!
مش كل الناس بتفكر كده .... واللي يفكر كده يبقي فعلا عنده انفصام

رابعا : اغلي كلمة التأكيد بتاع التعليقات و خلي التعليقات في صفحة لوحدها ....
‏قال جارة القمر
طب نرد على واحد واحد بالدور يا اخونا بلاش الزحمة دى

محمد وانت طيب و كل سنة اونت طيب برضو مقدما
انت قلتلى نقلب الادوار وانا مواااااااافقة
انا بقى لو حد من زمايلى جه اخد رايى فى لبس انا من وجهة نظرى انه مش تمام او مش يصح هقوله كدااا و فى وشه لكن طبعا بطريقة لطييفة مش تجرحه لكن انافقه و اقوله دا حلو وانا من جوايا بقول ايه الهبل دا كدا عيب يبقى انا ماينفعش ابقى انسانة
‏قال جارة القمر
اهلا عمرو

اه هو شكله كدا فعلا منطلق ذكورى بس فى كتييير لا يحسنون استخدامه
‏قال جارة القمر
عادل بقى مسك الختام :)
اولا :لا شكر على واجب يا بنى انت بتقول ايه
ان شاء الله خير و تعدى و تنجح يارب

ثانيا ربنا يخليك يارب و يكرمك

ثالثا تمااااااام جدا انك مش كدا بس خلينى اختلف معاك انك لازم يكون ليك رأيك مع اختك لكن مايكنش رأى اجبار يعنى انصحها و خليها هى تفكر الصح ايه و الغلط ايه

رابعا بقى قولى انت بس اعمل البتاع دا ازاى وانا اعمل من غير ما تشخط فيا يا عم دا انا زى اختك :)
‏قال adel
هههههههههه
ياستي اه بقول رأي بس اكيد مش اجبار

ماعلينا
ادخلي تخصيص و اعدادت (التعليقات)
ااقري الكلام كويس
هيقولك : الكلمة التأكيدية دي قوليله لا
و التعليقات عهيقولك في صفحة مختلفة وكده و تانتي ظبطيها و شوفيها
بسيطة خالث
هى آفة مجتمعنا الذكورى
كما تفضل الأستاذ عمرو وذكر
وهى تلك الغريزة التى تجبر الرجل على الكيل بمكيالين
فما يخصه محرم على الناس وما يخص الناس حل له
على هذا المنطق الخرب جبلنا يا جارة القمر
فلنا الله
تحياتي
‏قال جارة القمر
عادل هروح اجرب اهو بس لو معرفتش هاجى اضربك انت بقى ههههههههههههه
‏قال جارة القمر
اسلام اتفق معك جدا هى آفة المجتمع
شرفتنا و الله
‏قال enjy
وانا والله برضو نفسى افهم

عادى عادى احنا البشر كدة رخمين اوى

نيااااااااااهاهاهاااااااااا

وانتى عاملة ايه دلوقتى؟؟
‏قال Yusuf
أحييكي علي مدونتك
بالنسبة للموضوع محل النقاش
النوع ده من التناقض مبيبقاش هدفه غير ان الولد فعلا بيكون تعامله مع البنات من منطق المنظرة مش أكتر

تحياتي
‏قال جارة القمر
انجى عندنا يا مرحبا يا مرحبا عندك واحد ليمون يا بنى .... اه و الله عندك حق احنا فعلا رخمين جدا

انا تمام انتى ايه اخبارك؟؟
‏قال جارة القمر
يوسف منور المدونة و يارب مشرفنى دايما كدا
ممكن برضو وجهة نظرك و الله الاسباب كتير لكن لازم نتغير بقى
‏قال دموع القمر
اناااااااا جيييييييت

اولا معذرة على التأخير ياقمر

انت عارفة زحمة المواصلات ههه

وبجد اتشرفت بمعرفة مدونتك

بصى ياستى انتى جيتى على الوجيعة

انا بعانى من المشكله
احكيلك موقف

هو مدرب تنمية بشرية يعنى بيتعرف على ناس كتير

المهم هما جروب مع بعضهم كدا بنات وولاد

بيشيتوا ويقعدوا على الفيس ويظبطوا امورهم وكل

كلامهم جوا ايطار الشغل وان كان فيه بعض الفكاهات

المهم عاشان انا لوك لوك لما افتح مبتقفلش :)

نرجع لصميم الموضوع انا ياستى ليا زميل فى الجرنال

كان واخد اميلى المهند ايه ياستى كلمنى اخبارك ايه

والشغل انا حكيتله كان اخويا قاعد جنبى انا كنت

ارد الاجابة على قد السؤال علشان مش عايزة اى

اشتغالات من اخويا يعنى

المهند ايه لقيت زميلى دا بيقول ايه مش عارف

حاسس ان فيكى حاجة انت متغيرة وكدا يعنى

وعينك ماتشوف الا النور ههههه


لقيت اخويا قالى وهو ماله ومش عارف ايه واخد

الكيبورد وراح كاتب ايه بص يامحمد احنا اللى

بينا شغل وياريت محدش يتدخل فى امور حد الشخصية

الواد كان قصدة طريقة كلامى معااهه

المهند علشان شكلى كدا هضرب هههههه

تعدى ايام والاقيه قاعد بيكلم زميلته وهو كمان

بيقولها انت طريقتك متغيره معايا ليه

انااا فضلت قاعدة ومندمجة معاه عايزة اشوف دماغه ورحت قايلاله

شوفت اللى انت فيه دلوقتى ككان هو كمان فيه وكانت نيته سليمة

سبحاااااااان الله فى طبع الولاد

وحاااجات كتيير تتحكى فى مواويل

بس لازم اخلص علشاان محدش يرمينى بحاااجة هههههه
‏قال جارة القمر
دموووووع القمر عسل و الله بجد موتينى من الضحك تضربى ايه بس يا بنتى ما انا كمان رغاية اوى معندكيش فكرة ارغى ارغى ولا يهمك
بالنسبة للمواقف بقى يا بنتى فدى كتيييييييييييير اوووووى وانا نفسى بعانى زيها كتير

طبعا مش هوصيكى عايزاكى تمضى هنا كل يوم حضووور هاا؟؟ ههههههههههههه

المشاركات الشائعة من هذه المدونة

الرجالة دول جزم بس المشكلة ان الستات مابتعرفش تمشى حافية!!!!!!