عيد ميلادى بكره ياااااااااااااااااااااا بشر




عيد ميلادى بكره ياااااااااااااااااااااا بشر


انا نفسى اصرخ كدا نفسى اعمل كدا بجد


معرفش بحس بفرحة لما يقرب عيد ميلادى


رغم ان فى ناس نكدية تقعد تقولك فرحانة ليه دا ايام بتفوت من عمرك


بس برضو فرحانة جداااااااا


بحس انى برجع صغيرة تانى


لسه لحد دلوقتى بعمل عيد ميلادى وسط اخواتى وماما و بابا


بحس بحبهم و اد ايه مهتمين بيا


بس طبعا عشان رمضان بقالى شوية مش بحتفل بعيد ميلادى (صيام بقى هههههههه)


بحب اوى اسمع كلمة كل سنة وانتى طيبة


بحس ان الناس كلها فكرانى و بتحبنى


مش مهم يكون فى هدايا المهم انهم افتكرونى حتى لو بكلمة




بمناسبة اعياد الميلاد افتكرت موقف جامد اوى كان عمرى وقتها سنتين


طبعا حد عنده شجاعة ادبية هيقولى انتى هتكدبى بقى من اولها ازاى فاكره الموقف وانتى عندك سنتين


اقوله عشان الموقف دا اتسجل بصورة لتبقى شاهدة عليا طول عمرى هههههههههههه


الموقف ايه بقى ؟؟


انا و ماما وبابا و اختى كنا فى ميلاد صاحب بابا و كانوا حاطين التوررتة بقى و كدا و بيتجمعوا عشان يطفوا الشمع


وانا كنت صغيرة طبعا و كنت همووووووووووووت من الجوع و عايزة اكل اى حاجه من التورتة (طفاسة عيال بقى هههه)


و لما اتجمعوا بقى المفروض كانوا هياخدوا صورة وانا بقى خلالالالالالاص قلت ما بدهاش انتوا لسه هتتصوروا


رحت حاطه صباعى فى التورتة و اخد لحسة .... يقوم ايه اللى يحصل بقى؟؟؟؟؟؟؟؟؟ سؤال وجيه


تطلع الصورة وانا حاطه صباعى فى التورتة ههههههههههه و بقت فضيحة بقى


كنت شقية وانا صغيرة و الله




تعليقات

‏قال أم مالك
وانا مبسوطة انى اكون اول المهنئين
وكل سنة وانتى طيبة ياحبيبتى
وبارك الله فى عمرك وجعله
فى طاعة اللة
وجميل موقف الشقاوة ده اللى حصل منك
واكيد حيفضل عالق فى الذهن
مرة ثانية كل سنة وانتى طيبة
‏قال جارة القمر
وانتى طيبة و بألف خير و يسعدنى انك تكونى اول المهنئين ... يارب تشرفينى دايما
‏قال adel
كل سنة و انتي طيبة
اول زيارة و جت في يوم مميز جدا

عقبال 100 سنة ان شاء الله :):)
ويارب علي طول طفلة كده
هو في احسن من الاطفال :)
‏قال جارة القمر
وانت طيب يا عادل منورنى دايما ان شاء الله ... واكيد الناس المميزة بتيجى فى الوقت المميز:)
‏قال Mo7ammed
كل سنة وانتى طيبة

د على كده انا وانتى جيران شهر واحد
انا عيد ميلادى كمان اسبوعين
يعنى بعد رمضان

شوفتى بقى انتى فى رمضان .. يابختتتتك

بس حلوة حكاية صباعك فى التورتة

انا متصور وانا ماسك المعلقة وفى جيللى على بنطلونى ^_^
الحال من بعضه يعنى
‏قال اقصوصه
كل عام وانيت بالف الف الف خير

وعقبال مية سنه ان شا الله

وكل سنه وانتي الى الله اقرب:)
‏قال عمرو
كل سنة وانتي طيبة وبخير وسعادة
:)
‏قال جارة القمر
محمد كل سنة وانت طيب مقدماااااا و عقبال مليون سنة ... ههههههههه حلوة الجيلى دا شكلك وحش اوووى

اقصوصة وانتى طيبة يا جميل شرفتينى بالزيارة و يارب اشوفك هنا دايما

عمرو بيييه وانت طيب يارب
‏قال Isolde
كل سنة و انت طيبة يا قمر، ده علي كدة عندنا اتنين عيد ميلاد، انت و انجي... لا لا لا ده كدة لازم حفلة ... :)
‏قال mimi
عيد ميلاد سعيد يا برج العزراء أنت يا منور

ليكي حق تتبسطي .... ده عيد ميلاد السكر

أفرحي وأطلب هدايا غصب عن أي حد .... عيشي أيامك

وكل سنة ويوم وأنتي بألف خير وصحة وسلام
حديباد زايويو حديباد زايويو
حديباد زايويو جارة القمر حديباد زايويو
:)
وعقبال 10000 سنه كفاية عليكي
تحياتي
‏قال mimi
http://sadnessisland.blogspot.com/

اسفة جدااااااااا


وزي ما قلتلك

نصيب أتعرف عليكي
‏قال جارة القمر
ايزولد ربنا يخليكى يا جمييل و دايما تكونى مشرفانى كدا
‏قال جارة القمر
ميمى اكييييد يشرفنى انى اعرفك و بجد انا كمان مبسوطة من الصدفة دى ... وانتى بألف خير يارب
‏قال جارة القمر
اسلام هههههههههههههه ربنا يخليك يارب و كمان بتغنى عشانى ايه الهنا دا
‏قال ponpona
أنا جييييت

كل سنه وانتي طيبه يابسبوسه

ربنا يبسطك كده علطول وعلي عرض كمان
أوماال ايه ... هو في كام جارة قمر يعني
عدي معايا كده ... واحد .. واحد ... واحد..
شوفتي أهي طلعت جارة قمر واحده

أنا لسه جايه من عمد أيزولد ومبسوطه جدا ...
هاطير م الفرحه والله

جارة القمر
ربنا مايحرمنيش منكم يارب

:)
‏قال جارة القمر
بنبونة وانتى يا جميلة ربنا يخليكى يارب و يكرمك
وانا كمان و الله اتبسطت اوى من حفلة ايزولد .. وربنا ما يحرمنى منكم
‏قال بنوته
السلام عليكم
ههههههههههههههههههه
كل سنه وانتي طيبه ياقمر
وعقبال 10000000000000000000000 سنه
وكمان 1000000000000000000000000سنه
وعشان مابقاشش بخيله كمان 100000000000000سنه
ربنا يوفقك يارب
ويجعل ايامك كلها اعياد
في رعاية الله
السلام عليكم
‏قال جارة القمر
و انتى طيبة يا جمييييل ربنا يكرمك يارب و يبارك لك
و عليكم السلام و رحمة الله وبركاته
كل سنة وانتي طيبة ياقمر

ربنا يجعل ايامك كلها سعادة

ههههههههههههه وحلوة الفضيحة بجلاجل

والصورة هتفضل شاهدة عليكي العمر كله

هههههههههههههههههه

عسل وربي

دمتي بود
‏قال جارة القمر
نوارة اهلا اهلا

وانتى طيبة يا جميل ربنا يخليكى .... اه يا بنتى فضيحة بجلاجل بس برضو ربك ستر هههههه

المشاركات الشائعة من هذه المدونة

مقتطفات اعجبتنى २ - شهرزاد الخليج

الرجالة دول جزم بس المشكلة ان الستات مابتعرفش تمشى حافية!!!!!!