المشاركات

عرض المشاركات من 2009

خواطرى

صورة
***" من السهل ان يشتاق الانسان لمن يحب لكن من الصعب ان يجده كلما اشتاق اليه " كلما قرأت تلك الرسالة اجد احساسا غريبا بداخلى لا اعرف ماهيته ... و لكنى اجدنى فى النهاية امام ذلك التساؤل الذى طالما ما كنت اسأله لنفسى .... هل من الجرم ان تحب احدا ؟؟ فتعاقب على حبك له بعدم وجوده عندما تشتاق اليه ؟؟ أليس هدفنا جميعا فى الحياة وراءه الحب ... اى كان نوع ذلك الحب ... صداقة ... زمالة ... حبيب ... حتى عبادة الله سبحانه و تعالى لا تشعر باللذة الحقيقية لها الا عندما تشعر بحبك لله عز و جل .. فهو فى النهاية حب و نجد انفسنا دون ان ندرى نبحث عنه بكل انواعه ولا نكتفى بنوع واحد فقط





***لماذا بعضنا عندما يجد من يكن له ذلك الاحساس المسمى الحب اى كان نوع ذلك الحب المكنون يتركه و يهرب بعيدا بعد ان يكون ترك ذكريات صعب نسيانها او تجاهلها ؟؟؟
فى اعتقادى نحن من نصنع الذكريات فربما ما تعتبره انت ذكريات لا تنسى تكون فى نظر من تكن له حبا و اعتزازا شئ لا يذكر ... و يكفيك فى ذلك الوقت ان تعرف ان قلبك يحمل اخلاصا لا يمتلكه الكثيرين ... يكفيك ان تعرف انك تملك قلبا قنوعا يرضى بأقل شئ ممن يحب حتى لو كانت ابتسام…

لا تجعل الذكريات ميدان للحرب

صورة
هى : سرحان فى ايه ؟
هو : افتكرت حاجه
هى : حاجه ايه ؟
هو : يعنى موقف عدى عليا زمان
هى : ممممممم يا ترى ايه ؟
هو : اصل انا افتكرت موقف كدا حصل مع منى البنت اللى كنت مرتبط بيها زمان
هى : نعممممممممم وانت قاعد معايا و بتفكر فى واحدة تانية .... روحنى دلوقتى حالا

ـــــــــــــــــــــــــــــــــــــــــــــــــــــــــــــــــــــــــــــــــــــــــــ
كنت اتحدث الى نفسى ... لا اعرف لماذا تصورت هذا الموقف فى خيالى
رغم اننى لم اوضع به طول حياتى
اتعجب ان كل من دخل حياتك يريدك تنسى كل ما كان قبله
و تبدأ معه من جديد ... ويتناسى ان ذكرياتك جزء منك
لا يمكن نسيانها

الذكريات جزء من كيان من تحب
يحن أليها كلما مر عليه موقف مشابه
لايعنى ذلك انه مازال يحبها
فهو يحن للذكرى بما أنه كان جزء منها بعقله و قلبه
احب ذكريات من تحب حتى تكون جزء منها
لا تجعل منها ميدانا للحرب لو اعطيت لمن تحب فرصة ليحكى عن ذكرياته التى يحبها حتى وان كان ذكرها يجرحك ستعطى لنفسك فرصة اكبر داخله وداخل ذكرياته

ــــــــــــــــــــــــــــــــــــــــــــــــــــــــــــــــــــــ
الصورة اللى فوق دى
الحالة اللى نفسى اعيشها
اكون ادام بحر عالى الامواج

يطرق الموت أبوابهم مثل جيش إحتلال

صورة
حمامُ البروجِ يصلّي عليك

تعلّمه الجود يا ابن الندي

تناوله بيمينك قمحاً رطيباً

فيأخذه و يطير جنوباً

ولا يأكل القمحَ بل هو ينثره في الجبالِ

لبعض النساء وبعض الرجالِ

ويسألهم عن مسار القتالِ

ويأخذ منهم سلاماً إليك

ولو سأل الصحفي الحمامة

لقال بأن السماء هنا لتظلّـك أنت

وأنك أنت مددت السماء له بيديك

حمام البروج يصلي عليك





تصلّي عليكَ زهور المروج

ينام القطيفالُ فيهنّ مثل الرحيق

سجوداً لغير سجود

نياماً لغير منام

تأبـّــد منهم سكوتٌ تأبد منهم كلام

زهورٌ عليها نداً من غبار زهورٌ عليها نداً من ركام

و كان المدرس من فرط ضجتهم

يشتهي لو يقيدهم بالحديد

وهم يضحكون لأن الحديد إذا مسّهم صار حلوى

وهم يضحكون بخبثٍ و قد غيّروا كلمات النشيد



نَهتْهم عن الضحك الطائرات فلم ينتهوا

لم يكن من صمودٍ ولا من عنادٍ ولكنه طبعه

ممن رأى صبية يسمعون كلام الكبار على أي حال

يطرق الموت أبوابهم مثل جيش إحتلال

و يقول أنا الموت جئت افتحوا

كلما جئتكم قيل لي نائمون .. افتحوا

يفتح الباب طفلٌ ويسأله وهو يفرك عينيه

ماذا تريد ؟

ويتركه حائراً في جواب السؤال





سترفع ضحكاتهم ميّتين كجرافة كل هذا الحطام

وترسم للموت بالحبر وجهاً عليه بسخرية شارب وإبتسام

فضحكاتهم في بيوت س…

respect

صورة
سؤلت هذا السؤال من احد تلاميذتى

انتوا دايما تقولوا لنا احترم نفسك .. هو اصلا يعنى ايه احترام ؟؟

صدمت من السؤال لسببين اولهما انى لم اتوقع سؤال كهذا
ثانيهما انى صعقت ان طالب فى الصف الاول الاعدادى لسه مش فاهم يعنى ايه احترام!!!!
احسست ساعتها ان هناك ازمة تربوية فعلا فى مجتمعنا
هل السبب فى ذلك ان الامهات لم تعد تهتم باولادها كما كان الامر فى السابق وانا لا اعتقد فى هذا الامر

ام هو تغير طبيعى و تطور فى اخلاقيات المجتمع تبعا للتغير الاقتصادى الموجود حاليا فاصبح هم الاب و الام كفالة معيشة متوسطة للابناء دون الالتفات الى اهمية تربية عقولهم على ملئ بطونهم !!! ام هو التطور الطبيعى لتعلقنا بالغرب و تقليدنا الاعمى له فى اكثر المظاهر التى لا تساعد على بناء شخصية ابنائنا .

هل الحل ان تعود الام مرة اخرى الى البيت و يتحمل الاب وحده تكاليف الحياة و مصاعبها خارج البيت و تتحمل الام تكاليف الحياة و مصاعبها داخل البيت ... لا انكر انى ممن يفضل ذلك لانى لا ارى ان حرية المرأة يجب تحديدها داخل اطار العمل ... ارى ان حرية المرأة فى حرية اختيارها مع الاخذ فى الاعتبار ان الحرية يجب ان تكون حرية مسؤلة تبنى على مصلحتها …

العندليب و الوردة

صورة
وانا فى الكلية كان من ضمن الدراسة بتاعتنا دراسة بعض القصص الاجنبية
لكتاب كتير من ضمنهم اوسكار وايلد ... بحب القصص بتاعته بصراحة
اكتر القصص اللى بحبها "العندليب و الوردة" قصة خيالية و حالمة و صادمة فى نفس الوقت
او انا شايفاها كدا الصراحة ... هحكى القصة من ذاكرتى و الحوار ليس بالضرورة يكون ما جاء بالقصة تماما
ولكن قريب له فى الشبه
"وردة حمراء ... قالت انها لن تراقصنى الا اذا اتيت لها بوردة حمراء" هكذا قالها التلميذ الصغير
و هو ينعى حظه فهو لم يجد ورود حمراء فى حديقته و لن يراقصها ... كيف يضيع حلمه بسبب
وردة حمراء ... وظل يبكى و سمعه طائر العندليب الذى كان على غصن احدى الاشجار
فى الحديقة كان صوته الشجى دائما يلقى بسحره على كل ما حوله قال العندليب فى نفسه "ان الحب لا يقدر
بالجواهر بل ان الجواهر لا تستطيع شراء الحب فهو لا يباع فى الاسواق لذلك هو اغلى كثيرا منها "
فكر العندليب قليلا ثم طار الى شجرة الورد فى اخر الحديقة و طلب منها وردة حمراء فقالت ان ورودها كلها بيضاء كالثلج بل اشد منه بياضا وقالت له اذهب الى اخى عند نافذة التلميذ الصغير ربما تجد عنده فطار العندليب الى شج…

من اول نظرة

صورة
و كأنى اعرفك منذ زمن بعيد
رأيتنى بين يديك و انت تداعبنى كطفلة صغيرة
احسستك امانا لى من الدنيا
اخذتنى نظراتك من كل من حولنا
اول مرة اراك هناك
كيف شعرت بكل هذا معك
و اخذت تقترب منى
و انتظر انا كلماتك تنطق بما اشعر انا به
لا اعرف لماذا شعرت انك بداخلى تقرأ افكارى
دون محاولة منى لمنعك
هل هذا ما يسمونه الحب من اول نظرة
لا اعرف ولا اريد ان اضع له مسمى
يكفينى ما اشعر به معك ولا اريد سواه
اتمنى اراك مرة اخرى ... فى نفس المكان
هناك

=========================
الكلام دا كان حلم حلمته
استغربت نفسى اوى
هو انا ليه مؤمنة بالحب من اول نظرة كدا
وانا صغيرة و مازلت الصراحة كنت دايما بحلم ان هقابل فتى احلامى بالطريقة دى
فجأة و من وسط الناس هشوفهوا و هيحس بيا و احس بيه
هو انا مجنونة ؟؟ عشان بفكر كدا
مش مهم ... المهم انى ببقى مبسوطة و انا حاسه بالكلام دا

احلى يوووووووووم فى حياتى

صورة
عمرك عشت عيد مختلف .. اه مالك بتبوصلى كدا ليه

اه مختلف حاجه جديدة عمرك ما عشتها بتجربها لاول مرة فى حياتك


العيد السنة دى مختلف بالنسبة ليا مختلف اوى


انا هعيد مرتييييييين يا جدعان


عيب على فكرة انا سامعة ناس بتوقل ايه المجنونة دى


اى و الله هعيد مرتين


انهارده فى المدرسة زهراء الاندلسكان اليوم المفتوح و كما هو متبع فى المدرسة


بيحاولوا يربوا اولادنا على قيم و اخلاق حلوة و كمان يعلموهم تعاليم من الدين


تعالوا بقى احكى لكم اليوم كان عامل ازاى


اولا استقبل المدرسين اللى انا واحدة منهم طبعا التلاميذ كانت حوالى الساعة 8 كدا


و بعد كدا طلعت المدرسات مع البنات الى الروف للاستعداد للاولى فقرات الحفل


و بقى المدرسين مع الاولاد فى الحوش الارضى


ايه هى بقى اولى فقرات الحفل ؟؟ سؤال وجيه


اننا نلعب مع الاطفال و نغنى و نضحك لمدة سااااااااعة و نص تصوروا نفسكم مع الاطفال و ضحك و لعب لمدة ساعة و نص


بجد كانت تحفة لعبنا بالبلالين و لعبنا لعبة المنديل (معرفش تعرفوها ولا لأ ) و عملنا سباق جرى و لعبنا شد الحبل


طبعا طبعا اللى كان بيلعب ميييييييييين ؟؟؟ المدرسات و اولياء الامور و البنات طبعا ... اى و الله لعبت شد الحبل و ل…

يعنى ايه احترام ؟؟

سؤلت هذا السؤال من احد تلاميذتى

انتوا دايما تقولوا لنا احترم نفسك .. هو اصلا يعنى ايه احترام ؟؟

صدمت من السؤال لسببين اولهما انى لم اتوقع سؤال كهذا

ثانيهما انى صعقت ان طالب فى اولى اعدادى لسه مش فاهم يعنى ايه احترام

حسيت ساعتها ان فى ازمة تربوية فعلا فى مجتمعنا ... الغريب ان ماحدش حاسس بهذا الامر

هل السبب فى ذلك ان الامهات لم تعد تهتم باولادها كما كان الامر فى السابق

ام هو تغير طبيعى و تطور فى اخلاقيات المجتمع تبعا للتغير الاقتصادى الموجود حاليا

فاصبح هم الاب و الام كفالة معيشة متوسطة للابناء دون الالتفات الى اهمية تربية عقولهم على ملئ بطونهم

هل الحل ان تعود الام مرة اخرى الى البيت و يتحمل الاب وحده تكاليف الحياة و مصاعبها خارج البيت

و تتحمل الام تكاليف الحياة و مصاعبها داخل البيت ... لا انكر انى ممن ييفضل ذلك

لا ارى ان حرية المرأة يجب تحديدها داخل اطار العمل ... ارى ان حرية المرأة فى حرية اختيارها

مع الاخذ فى الاعتبار ان الحرية يجب ان تكون حرية مسؤلة تبنى على مصلحتها و مصلحة من حولها

بمعنى ان كان العمل يضر بمستقبل ابنائها فعليها ان تضحى هى بمستقبلها و يكفى ما وصلت اليه من نجاح

لا ارى ان فى ذل…

امل الحياة

صورة
الامل فى الحياة
طالما مازلت تتنفس فهناك امل
لا تفقده .. اذا فقدته فقد فقدت معنى الحياة
خلقنا الله بارادة كاملة و ننقصها نحن بفقد الامل
و الوقوف عند نقطة فى حياتنا دون حراك
عندما تقف تقف معك الحياة
و عندما تتحرك ، تتحرك معك
احيانا يكون وقوفنا ليس بأيدينا اعرف ذلك
لكن تحركنا بأيدينا ... لا تلتف الى الوراء
اترك ما حدث لحاله فقد مضى بكل احواله
وانظر الى حياتك .. الى مستقبلك
فذلك اولى باهتمامك
حتى وان كان ما فقده حلم حياتك فتعلم ان هناك احلام اخرى
تعلم كيف تحلمها

مصر و اللى فيها

صورة
كنت فى فرح واحدة قريبتى
الفرح كان فى منطقة شعبية شوية
المهم انى حسيت الطيبة كلها هناك بجد
ناس كل همها تسمع اغنية تصقف و تشارك الناس فرحتهم و خلاص
رغم ان حالهم صعب و يمكن مش عارفين يعيشوا كويس
لكن لمجرد ان فى فرح كله بقى بيضحك و فرحان
غريب الشعب دا و الله
وانا مروحة لقيت عريبة كبيرة كدا و فخمة (انا معرفش فى نوعية العربيات)
ساعتها لقيتنى بقول جوايا مش هما دول المصريين
المصريين هما اللى انا كنت لسه عندهم
المصريين مش هما الناس الاغنياء اللى مش حاسين بحد
المصريين هما الغلابة اللى بيحسوا ببعض
بيشاركوا بعض فرحتهم و حزنهم
بيخافوا على بعض من اى حاجه
مصر هى النيل و الهرم
هى الشوارع بالليل و الهدوء ماليها
هى القمر و هو منور شوارعها
هى اخواتك و جيرانك لما يدافعوا عنك
هى الناس اللى تجرى عشان تساعدك لو حصل حاجه
بجد الاغنية بتاعت شيرين دى جامدة اوى
"ماشربتش من نيلها طب جربت تغنليها .. جربت فى عز ما تحزن تمشى فى شوارعها و تشكي لها"
حد جرب كدا فعلا تمشى فى شوارعها و تشكي لها ؟؟
تصدقوا انا جربت ... بحس ان كل حاجه فى الشوارع بتبطب عليا
و انا ماشية فى الشارع بحس ان البيوت بقت شبه اللى ساكنين فيها
لما بلاقى ب…

لولاك

صورة
لولاك لما عرفت ان لدى قلب رقيق

لولاك لما عرفت انى استطيع ان احب

لولاك لما عرفت ان الدنيا بها ما هو جميل

لولاك لما عرفت انى استطيع ان اضع همومى ولا ابالى لها

لولاك لما عرفت انى كنت ابحث عنك فى كل مكان

لولاك لما عرفت ما هو الحنان

ارانى بجانبك على شاطئ بعيد

لا يكون هناك سوانا

وسأتمنى وقتها ان اكون بداخلك

ان نكون كيانا واحدا



هكذا ارى من سأحب

حلم اصبح حقيقة فكان حبا لا ينسى

صورة
بدأت الدراسة و بدأ معاها التعب و الشقى
من عليه ان يتعب التلميذ ولا الاستاذ ؟؟

حاجه عجيبة و الله

انتقلت من مقاعد التلاميذ الى مقاعد الاساتذة لاظل اتعب

ابحث عن ما هو جديد لتسهيل توصيل المعلومة

ابحث عن ما هو جديد من معلومات افيد بها الطلاب

منذ ان كنت صغيرة كنت احلم بذلك

لالا لم اكن صغيرة كثيرا وقت ذلك الحلم

كنت فى الصف الثانى الثانوى

بدأ الحلم يتراءى امام عينى

اريد ان اصبح مدرسة و لكن ليس مدرسة

لاى مادة و لكن لمادة التاريخ

لماذا ؟؟ لا اعرف ولكننى احببتها كثيرا

ربما لان المدرسة التى كانت تدرسها احببتها هى ايضا كثيرا

فقرت ان اصبح مثلها .. بالمناسبة اسمها استاذة امل

يوم الاثنين عرفت لماذا احببت ذلك الحلم و سعيت اليه

عندما قاموا بنات الصف الثالث الابتدائى

برسم ورد على السبورة لعلمهم انى احبها و كتبوا عليها

نحبك يا ميس مى

وكتبت بنت اخرى فى ورقة صغيرة و جائت لى على استحياء

و طلبت منى ان ارى الورقة و اقرأ ما بها

"احبك با احلى ميس فى العالم"

من المؤكد اننى لست احلى ميس فى العالم

ولكن لا انكر ان الكلمة كان لها وقعها الطيب على نفسى

كدت اطير من الفرح .. لا استطيع ان اصف ذلك الاحساس

عرفت الان اننى كان لاب…

مش انت اللى مصرى ... جتك القرف

صورة
عشان انت مصرى

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى

عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك

ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

ــــــــــــــــــــ…

الصمت الرهيييييب

صورة
الصمت الرهييييييييب
حالة غريبة اوى
ممكن تدخل فيها فجأة كدا بدون مقدمات
بين لحظة و التانية تلاقى نفسك مش عايز تتكلم
او بمعنى اصح مش قادر تتكلم
رغم ان الكلام جواك بيكون كتير اوى
بيمر ادام عيونك كدا زى شريط السكة الحديد لالا مش الشريط دا
زى شريط السينما ايووون هو الشريط دا
الفترة دى بحس فيها بلا مبالاة جامدة اوى
مش بيكون عندى تعليق على اى حاجه
ببقى حاسة انى منفصلة عن الحياة
بشوف الناس لكن مش قادرة اتواصل معاهم
بس ايه بقى اول ما تخلص الحالة دى
ببقى رغاية جدااااااااا و بيجى الكلام مش عارفة بيجى منين بس بيجى
مش بقولكم غريبة الحالة دى

فوق السحاب ... اتمنى ان اعيش

صورة
فوق السحاب
احب ان اعيش
ارى الكون من هناك
منذ ان كنت صغيرة
احلم بذلك فربما ارى شيئا
لم اره وانا على الارض
يذكرنى لون السحاب الابيض
بفطرة الانسان
فقلوبنا كانت بيضاء لم يضع فيها
الكره و الشر قدما
أحقا من يحب السحاب يكون غامضا
اعتقد لا ... فأنا احب السحاب
دائما انظر اليه و احب لونه
اشعر بقمة السعادة لا اعرف لماذا
ولكنى احب ذلك .. اتذكر قدرة الله
اشياءا كثيرة افكر فيها و انا انظر اليه
اشعر بصفاء و راحة كبيرة
اتمنى ان اعيش فوقه يوما
فارى الكون من هناك

هعيد و هفرفش بس من غير تحرش

صورة
هو : ايه يا مزة الجمال دا كله
هى : نظرة نارية من فوق لتحت و تمد فى خطوتها
هو : يمد شوية فى مشيته و يجذبها من ذراعها
هى : تحاول ابعاد يديه عنها

و البقية معروفة طبعا

دى تمثيلية صغيرة عارفة ان فى اوقح من كدا و اشد و اقبح من انى اقدر اذكره هنا
عارفين التمثيلية دى بتتعرض على اى قناة ؟؟؟؟


ها ؟؟ ماحدش عارف


اقولكم انا ..... قناة قديمة لكن جديدة فى نفس الوقت
مش عارفينها لسه
كل يوم بتشوفها ماحدش يقدر يعدى يوم من غير ما يشوفها
ايوة ايوة زى روتانا سينما كدا مش بتقدر تغمض عينيك
هااا؟ عرفتهاااااااا ؟
طب بلاش اقولك حاجه تانية .... على القناة دى ممكن تشوف اختك امك بنتك
اى حد من قرابيك او ممكن كمان تشوف بنت حتتك
بس خد باااااااااالك انت لما تشوفها هتشوفها فى موقف زى اللى انت قرأته فى اول البوست
ايوة يا عم مش تتخض ليه لأ ... طب بذمتك وانا راضية ذمتك ممكن ولا لأ
اظن دلوقتى عرفت القناة اللى بتكلم عنها
ايووووووووة هى دى

الشااااااااااااااارع المصرى

سبحان الله يا اخى الشارع دا دايما كنا بنمشى فيه واحنا مطمنين
مش خايفين من حاجه .... حتى لا قدر الله لو حصل حاجه
كنت بتبقى متأكد الف مين هيساعدك .. مش بقولك قناة قديمة
نخش بقى عل…

تنويه لابد منه ... يا جماعة انا حد تااااااااااااانى

صورة
تنويه لابد منه
يا جماعة فى ناس بيدخلوا هنا و يتكلموا و اعتقد انهم فاكرنى حد تانى خالص
و الحكاية دى حصلت اكتر من مرة فقلت انبه عشان ماحدش يفتكرنى حد تانى
دى اول مدونة ليا و ماكنش ليا اى مدونات تااااااااااانية خالص مالص
اعتذر ان حصل الغلط دا بس انا ماكنتش اعرف اصلا ان فى مدونة تانية باسم
جارة القمر .... لان هو دا الاسم اللى انا كنت بسجل به فى اى منتدى كنت بشترك فيه
و عشان كدا عملت المدونة بنفس الاسم ... يعنى المدونة دى لا هى امتداد لمدونة اخرى
ولا انا نفس الشخصية التى يقصدها البعض و طبعا ياريت كل الناس تشرفنى ورغم الخطأ دا بس انا مبسوطة انى اتعرفت على ناس جميلة جدا
بس خلاص

العيد فرحة ماااااء

صورة
كل سنة و كل الناس طيبة و بخير
كل سنة وانتوا فرحنين
كل سنة وانتوا مبسوطين و معيدين
عيد سعيد و مصطفى و حسين و محمود
بينى و بينكم بقى انا مش بحس بالعيد الا لما اسمع اغنية ام كلثوم

يا ليلة العيد أنستينا
و جددت الأمل فينا
يا ليلة العيد
هلالك هل لعينينا
فرحنا له وغنينا
و قلنا السعد حا يجينا
على قدومك يا ليلة العيد
جمعت الأنس ع الخلان
ودار الكأس ع الندمان
وغنى الطير على الأغصان
يحيي الفجر ليلة العيد
يا ليلة العيد يا نور العين
يا غالى يا شاغل مهجتي
وبالى تعال اعطف على حالي
وهني القلب ليلة العيد
حبيبي مركبه تجرى
وروحي بالنسيم تسرى
قولوا له يا جميل بدري
حرام النوم في ليلة العيد
يا نيلنا ميتك سكر
وزرعك في الغيطان نور
تعيش يا نيل و تتهنى
ونحيي لك ليالي العيد

ايام العيد و احنا صغيرين ليها مذاق خاص
تنطيط و فرح من غير هموم و اشغال
نعمل اللى عايزينوا من غير ماحدش يقول حاجه
ما احنا اطفال بقى
بحب اخد العيدية من بابا كل وقفة
و لازم تبقى جديدة
و يقعد يغيظ فينا انا واخواتى ويقولونا لا مالكوش عندى عيدية
انتوا كبرتوا خلالالاص
و اقوله مالناش دعوة عايزين عيديييييييييية و الا هقوم عليك الامم المتحدة

بحب اول ايام العيد و بابا بياخذنا نزور ا…